Published:Updated:

கரையைக் கடக்கும் நிவர் புயல் - இதற்கு முன்னர் தமிழகத்தைத் தாக்கிய புயல்கள்!

புயல்
புயல்

வங்கக் கடலில் உருவாகியிருக்கும் நிவர் புயல் கடலூருக்கு அருகில் அதி தீவீரப் புயலாகக் கரையைக் கடக்கலாம் என்று வானிலை ஆய்வு மையம் தெரிவித்திருக்கிறது.

வங்கக்கடலில் உருவாகியிருக்கும் `நிவர்' புயல், அதி தீவிரமாக உருவெடுத்து இன்று (நவம்பர் 25) இரவு காரைக்கால் - மாமல்லபுரம் இடையே, புதுச்சேரி அருகே கரையைக் கடக்கவிருப்பதாக வானிலை ஆய்வு மையம் தெரிவித்திருக்கிறது.

புயல்
புயல்

`நிவர்' என இந்தப் புயலுக்குப் பெயர் சூட்டியது ஈரான் நாடு. 2004-ம் ஆண்டுக்கு முன்னர் புயலுக்கு பெயர் சூட்டுவது நடைமுறையில் இல்லை.

தஞ்சை: கஜா புயல் நினைவு...  நிவர் புயலை அச்சத்துடன் எதிர்கொள்ளும் டெல்டா மக்கள்!
இதற்கு முன்னர் தமிழகத்தைத் தாக்கிய புயல்கள்:

1994, அக்டோபர் 31-ம் தேதி  வங்கக்கடலில் உருவான அதிதீவிரப் புயல் சென்னை அருகே 130 கி.மீ வேகத்தில் கரையைக் கடந்தது. கன மழைக்கு 60 பேர் பலியாகினர். 

2008, நவம்பர் 26 - 'நிஷா' புயல், நாகப்பட்டினம் - காரைக்கால் இடையே மணிக்கு 80 கி.மீ வேகத்தில் கரையைக் கடந்தது.

2010, நவம்பர் 1 - `ஜல்' புயல், சென்னை அருகே மணிக்கு 55 கி.மீ வேகத்தில் கரையைக் கடந்தது; பாதிப்பு இல்லை.

புயல்
புயல்

2011 டிசம்பர் - `தானே' புயல், புதுச்சேரி - கடலுார் இடையே மணிக்கு 135 கி.மீ வேகத்தில் கரையைக் கடந்தது. குடிசை வீடுகள், பயிர்கள், மரங்கள், மின்கம்பங்கள் நாசமாகின.

2012, அக்டோபர் 31 - `நீலம்' புயல் மாமல்லபுரம் அருகே கரையைக் கடந்தது; 85 கி.மீ வேகத்தில் காற்று வீசியது.

2016, டிசம்பர் 12 -  'வர்தா' புயல், அதி தீவிரப் புயலாக மாறி, சென்னை அருகே கரையைக் கடந்தது. 130 கி.மீ வேகத்துக்கு மேல் காற்று வீசியது; 10 பேர் பலியாகினர்; 10,000 மின் கம்பங்கள் சேதமடைந்தன.

2017, நவம்பர் 30 - அரபிக்கடலில் உருவான, 'ஒக்கி' புயலால் ஏற்பட்ட கன மழையால், தமிழகத்தில் கன்னியாகுமரி மாவட்டத்தில் பலத்த சேதம் ஏற்பட்டது.

2018, நவம்பர் 15 -  `கஜா' புயல் நாகை மாவட்டம், வேதாரண்யம் அருகே கரையை கடந்தது. மணிக்கு, 110 கி.மீ வேகத்தில் காற்று வீசியது. டெல்டா மாவட்டங்கள் பெரிதும் பாதிக்கப்பட்டன. சுமார் 20 பேர் உயிரிழந்தனர். லட்சக்கணக்கான வீடுகள் சேதமடைந்தன. பல லட்சம் மரங்கள் சாய்ந்தன. மின் கம்பங்கள், செல்போன் டவர்கள் வீழ்ந்தன. இன்றுவரை மீளாத் துயரில் அந்தப் பகுதி மக்கள் இருக்கிறார்கள்.

இந்தநிலையில் இன்று (நவம்பர் 25) வங்கக்கடலில் உருவாகியிருக்கும் 'நிவர்' புயல், காரைக்கால் - மாமல்லபுரம் இடையே அதி தீவிரப் புயலாகக் கரையை கடக்கும் எனத் தெரிவிக்கப்பட்டிருக்கிறது.

அடுத்த கட்டுரைக்கு