Published:Updated:

வங்கிகளில் அரசியல் தலையீடு கூடாது!

வங்கிகளில் அரசியல் தலையீடு கூடாது!

வங்கிகளில் அரசியல் தலையீடு கூடாது!

வங்கிகளில் அரசியல் தலையீடு கூடாது!

Published:Updated:

ஹலோ வாசகர்களே..!

வங்கிகளில் அரசியல் தலையீடு கூடாது!

பொதுத்துறை வங்கிகளின் வாராக்கடன் பிரச்னை மீண்டும் விஸ்வரூபம் எடுத்திருக்கிறது. கடந்த செப்டம்பர் 30 நிலவரப்படி, பொதுத்துறை வங்கிகளின் வாராக்கடன் ஓராண்டில் 19% அதிகரித்து, ரூ.2.43 லட்சம் கோடியாக உயர்ந்திருக்கிறது. இது, வங்கிகள் தந்த மொத்தக் கடனில் 5.32% என்கிற புள்ளிவிவரம் அதிர்ச்சியைத் தருகிறது.  

ஒட்டுமொத்த விகடனுக்கும் ஒரே ஷார்ட்கட்!

வாராக்கடன் பிரச்னை தனியார் துறை வங்கிகளைவிட பொதுத்துறை வங்கிகளையே அதிகம் வாட்டி வதைக்கிறது. கடந்த ஆண்டு செப்டம்பரில் 2.06 சதவிகிதமாக இருந்த தனியார் வங்கிகளின் வாராக்கடன், இந்த ஆண்டு செப்டம்பரில் 2.04 சதவிகிதமாக குறைந்திருக்கிறது.

இதிலிருந்து நமக்குத் தெரிவது, பொதுத்துறை வங்கிகள் கடன் தரும் போது வங்கி அதிகாரிகள் சுதந்திரமாக நடக்க முடியாதபடிக்கு ‘பலவிதமான’ தலையீடு இருக்கிறது என்பதுதானே! கடந்த பத்து ஆண்டுகளில் வாராக் கடன் வேகமாக வளரக் காரணம், ‘யார் யாருக்கோ’ கடன் தரச்சொல்லி, அதிகாரத்துக்கு நெருக்கமான சிலர் திரைமறைவிலிருந்து கட்டாயப் படுத்தியதே. அப்படி தந்த கடன் திரும்ப வராதபோது, அந்த திரைமறைவு மனிதர்கள் காட்டிய கரிசனத்தினால்தான் அவர்கள் மீது எந்த நடவடிக்கையும் எடுக்க முடியாமல் போனது. தனியார் வங்கிகளில் இப்படி தலையீடு செய்ய முடியாது. எனவே, தகுதியானவர்களுக்கு கடன் தருவதுடன், அந்தக் கடன் திரும்ப வராதபோது அவர்கள் மீது நடவடிக்கையும் எடுக்க முடிந்தது.

வங்கிகளில் அரசியல் தலையீடு கூடாது!

பொதுத்துறை வங்கிகள் கடன் தரும் போது, ‘பயமோ அல்லது பற்றுதலோ’ இல்லாமல் நடந்துகொள்ள வேண்டும் என்று சொல்லி இருக்கிறார் மத்திய நிதித் துறை அமைச்சர். இப்படி பொதுவான ஒரு வழிகாட்டுதலை தந்தால் போதாது; இந்த விஷயத்தில் இந்த அரசாங்கமே ஒரு சிறந்த உதாரணமாக இருக்க வேண்டும்.

வங்கி அதிகாரிகளும் இந்த விஷயத்தில் இன்னும் அதிக அக்கறையுடன் நடந்துகொள்வது அவசியம். வாராக்கடன் அதிகரிக்கிறது என்பதால் கடன் தரத் தயங்கக்கூடாது. கடந்த ஜூலை - செப்டம்பர் காலாண்டில் பொதுத்துறை வங்கிகள் தரும் கடன் ஏறக்குறைய 9.74% குறைந்திருக்கிறது. வங்கிகள் கடன் வழங்கினால்தான், பொருளாதார இயந்திரம் தடை இல்லாமல் சுழலும் என்பது வங்கி அதிகாரிகளுக்குத் தெரியாதா?

ஆக, அதிகாரம் படைத்தவர்களும் வங்கி அதிகாரிகளும் ஒருசேர போராடினால்தான் வாராக்கடன் பிரச்னையை ஒழித்துக்கட்ட முடியும். இந்த விஷயத்தில் மோடி அரசு ஒரு சிறந்த முன்னுதாரணமாக இருக்குமா?

- ஆசிரியர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism