Published:Updated:

நமக்குள்ளே!

நமக்குள்ளே!

நமக்குள்ளே!

நமக்குள்ளே!

Published:Updated:

`ஒரு விமானி, விமானத்தை எப்படி டேக்ஆஃப் செய்கிறார்... லேண்ட் செய்கிறார்’ என்பதை வைத்தே, அவர் எந்த அளவுக்குத் திறமையானவர் என்பதை எடை போடக்கூடியவர், அடிக்கடி விமானப் பயணம் செய்யும் நம் நண்பர்!

`தரை இறங்கும்போது, ஓடுபாதையின் எந்த இடத்தில், எவ்வளவு வேகத்தில் இறக்க வேண்டும் என்பதை சரியாகக் கணித்து இறக்க வேண்டும்; சில மீட்டர்கள் தள்ளி தவறுதலாக லேண்ட் ஆனால்கூட, விமானத்தை நிறுத்துவதற்கு விமானி பெரும் போராட்டமே நடத்த வேண்டியிருக்கும்; அது, பயணிகளுக்கு பயங்கர திகிலை ஏற்படுத்தும்!’

- இப்படி சொல்லிக்கொண்டே வந்த நண்பர், சில தினங்களுக்கு முன்பு தான் பயணித்த டெல்லி - ஜெய்ப்பூர் விமானத்தை, தரையைத் தொடுவதே தெரியாத வண்ணம் அத்தனை லாகவமாக விமானிகள் தரையிறக்கியதைச் சொல்லி மகிழ்ந்தார்.

ஒட்டுமொத்த விகடனுக்கும் ஒரே ஷார்ட்கட்!

நமக்குள்ளே!

இதையெல்லாம், இங்கே சொல்லக் காரணம் இருக்கிறது. அந்த விமானத்தை இயக்கியவர்கள், நடுத்தர வயதை கடந்துகொண்டிருக்கும் இரண்டு பெண்கள். `காக்பிட்’டிலிருந்து (விமானியின் அறை) வெளிப்பட்ட அந்த இருவரின் மிடுக்கும் கம்பீரமும், பயணிகள் அனைவரையும் கவர்ந்திருக்கிறது. பயணிகளோடு சேர்ந்து அந்த விமானிகளுடன் நண்பரும் போட்டோகூட எடுத்திருக்கிறார்.

போட்டோவைப் பார்த்தபோது, அது பல உண்மைகளை உரைத்தது!

‘விசையுறு பந்தினைப் போல் உள்ளம் வேண்டியபடி செல்லும் உடல் கேட்டேன்’ என்ற பாரதியின் வார்த்தைகளுக்கு அர்த்தம் கொடுக்கும் உடல் வாகோடு அவர்களிருவரும் இருந்தார்கள். அது, சீரான உடற்பயிற்சியினால் வந்த உடல் வாகு; நாவின் சுவைக்கு அடிமையாகாமல் இருப்பதனால் வந்த உடல் வாகு; போதுமான தூக்கம் கிடைத்ததனால் வந்த உடல்வாகு!

இத்தனைக்கும் விமானிகளின் வாழ்க்கை என்பது அத்தனை சுலபமானதல்ல. நேரம் காலம் தெரியாமல் பறந்தாலும், உடல் நலனில் கவனமாக இருக்க வேண்டும். பி.பி, சுகர், தைராய்டு... என்று உடல் நலன் கெடுவதற்கான சமிக்ஞைகள் தெரிந்தாலே, விமானியாக வேலை செய்வது அவர்களுக்கு மட்டுமல்ல... பயணிகளுக்கும் ஆபத்துதான்.

சுருக்கமாகச் சொன்னால்... உடல் ‘ஃபிட்’டாக இருப்பதனால்தான் அவர்களால் உயர பறக்க முடிகிறது. இதை நாமும் புரிந்துகொண்டால்.. நம் உடம்பைவிட, மனசு லேசாகி வானில் பறக்கும்தானே!

சரி, அவள் விகடன் 18-ம் ஆண்டு சிறப்பிதழ், உங்களின் மனதை எந்த அளவுக்கு லேசாக்கியிருக்கிறது? எங்களுக்கு எழுதுவீர்கள்தானே!

உரிமையுடன்,

நமக்குள்ளே!

ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism