Published:Updated:

பெட்ரோல் விலையை உயர்த்தி மக்களை வதைக்காதீர்கள்!

பெட்ரோல் விலையை உயர்த்தி மக்களை வதைக்காதீர்கள்!
பிரீமியம் ஸ்டோரி
பெட்ரோல் விலையை உயர்த்தி மக்களை வதைக்காதீர்கள்!

ஹலோ வாசகர்களே..!

பெட்ரோல் விலையை உயர்த்தி மக்களை வதைக்காதீர்கள்!

ஹலோ வாசகர்களே..!

Published:Updated:
பெட்ரோல் விலையை உயர்த்தி மக்களை வதைக்காதீர்கள்!
பிரீமியம் ஸ்டோரி
பெட்ரோல் விலையை உயர்த்தி மக்களை வதைக்காதீர்கள்!

டந்த 24-ம் தேதி முதல் பெட்ரோல் விலை மாறாமலே இருக்கிறது. கர்நாடக மாநிலத் தேர்தலை முன்னிட்டு பெட்ரோல் விலை மாற்றப்படாமல் இருப்பதாகச் சிலர் சொல்கிறார்கள். கர்நாடக மாநிலத் தேர்தல் முடிவுகள் வெளியானபின் பெட்ரோல் விலை மீண்டும் உயர்த்தப்படுமோ என்கிற அச்சம் பொதுமக்களிடம் உருவாகியுள்ளது. மத்திய அரசாங்கம் அப்படியொரு முடிவினை எடுத்தால், சாதாரண மக்களைத் துன்புறுத்துவதாகவே அது இருக்கும்.

பெட்ரோல் விலையை உயர்த்தி மக்களை வதைக்காதீர்கள்!



ஆனால், கர்நாடக மாநிலத் தேர்தல் முடிவு வெளியானபின், பெட்ரோல், டீசலின் விலையை உயர்த்துவதற்கான நடவடிக்கையை மத்திய அரசாங்கம் எடுக்கவே செய்யும். காரணம், கடந்த மூன்று மாதங்களில் சர்வதேசச் சந்தையில் கச்சா எண்ணெய் விலை சுமார் 20 சதவிகிதத்துக்குமேல் உயர்ந்துள்ளது. சர்வதேசச் சந்தையில் கச்சா எண்ணெய் விலை உயரும்  போதெல்லாம், உள்நாட்டிலும் விலையை உயர்த்தி விற்க ஆயில் மார்க்கெட்டிங் நிறுவனங்கள் தவறுவதில்லை. அப்படி உயர்த்துவதை மத்திய அரசாங்கம் ஏன் என்றுகூட கேட்பதில்லை.

காரணம், பெட்ரோல், டீசல் விற்பனைமூலம் மத்திய அரசாங்கத்துக்குக் கிடைக்கும் வரி வருமானம்தான். பெட்ரோல் விலையில் ஏறக்குறைய 50%, டீசல் விலையில் மூன்றில் ஒரு பங்கு அரசாங்கத்துக்கு வரியாகக் கிடைக்கிறது. கடந்த 2016-17-ம் ஆண்டில் மட்டும் பெட்ரோல், டீசல் விற்பனைமூலம் மத்திய அரசாங்கத்துக்கு ரூ.2.42 லட்சம் கோடியும், மாநில அரசாங்கங்களுக்கு ரூ.1.67 லட்சம் கோடியும் வரி வருமானமாகக் கிடைத்துள்ளது.

ஆனால், சர்வதேசச் சந்தையில் கச்சா எண்ணெய் விலை குறைவாக இருக்கும்போது, குறைந்த விலைக்கு பெட்ரோல், டீசலை விற்க ஆயில் மார்க்கெட்டிங் நிறுவனங்கள் தருவதில்லை. வாட் வரி, வந்த வரி, போன வரி என பல வரிகளை விதித்து, தங்கள் வருமானத்தைக் குறையாமல் பார்த்துக்கொண்டன. 2016-ல் சர்வதேசச் சந்தையில் பிரன்ட் கச்சா எண்ணெய் 35 டாலராகத்தான் இருந்தது. ஆனால், அன்றைக்கே ஒரு லிட்டர் பெட்ரோல் விலை சுமார் ரூ.59.50-ஆக இருந்தது இதற்கு நல்லதொரு உதாரணம்.

கச்சா எண்ணெய் விலை உயர்ந்து வருவதைக் காரணம் காட்டி, பெட்ரோல், டீசல் விலையை ஆயில் மார்க்கெட்டிங் நிறுவனங்கள் உயர்த்தினால், நாம் அன்றாடம் பயன்படுத்தும் பொருள்களின் விலையும் உயரும். இதனால், பணவீக்கம் அதிகரித்து, மக்கள் சேமிப்பு கரையும். இந்த ஆபத்தில் சிக்கி, மக்கள் பாதிப்படையக் கூடாது எனில், பெட்ரோல், டீசல் விலையை உயர்த்தாமல் இருக்கத் தேவையான நடவடிக்கையை மத்திய அரசாங்கம் உடனடியாக எடுக்க வேண்டும். ஜி.எஸ்.டி மூலம் மாதமொன்றுக்கு ரூ.1 லட்சம் கோடி மத்திய அரசுக்கு வரி வருமானம் வரும் நிலையில், சாதாரண மக்களை வதைத்து வருமானம் சம்பாதிக்கத்தான் வேண்டுமா?

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism