Published:Updated:

மேலாண்மை வாரியமே மேலானது!

மேலாண்மை வாரியமே மேலானது!
பிரீமியம் ஸ்டோரி
மேலாண்மை வாரியமே மேலானது!

மேலாண்மை வாரியமே மேலானது!

மேலாண்மை வாரியமே மேலானது!

மேலாண்மை வாரியமே மேலானது!

Published:Updated:
மேலாண்மை வாரியமே மேலானது!
பிரீமியம் ஸ்டோரி
மேலாண்மை வாரியமே மேலானது!

மீண்டும் ஒரு சட்டரீதியான கண்ணாமூச்சியைத் தொடங்கியிருக்கிறது மத்திய அரசு.

காவிரிப் பிரச்னையில் இயன்றவரை இழுத்தடித்த  மத்திய அரசு ஒருவழியாக உச்சநீதிமன்றத்தில் வரைவுத் திட்டத்தை சமர்ப்பித்திருக்கிறது. ஆனால் உச்சநீதிமன்றத் தீர்ப்பு ஏற்றுக்கொண்ட காவிரி நடுவர் மன்றம் வலியுறுத்திய ‘காவிரி மேலாண்மை வாரியம்’ என்னும் விஷயத்தையே நீர்த்துப்போக வைக்கும் நோக்கம்தான் அந்த வரைவுத் திட்டத்தில் உள்ளது.

மேலாண்மை வாரியமே மேலானது!


காவிரி நடுவர் மன்றத்தின் தீர்ப்புப்படி கிருஷ்ணராஜசாகர், ஹேமாவதி, கபினி, ஹேரங்கி என்று காவிரியின் குறுக்கே கட்டப்பட்டிருக்கும் அனைத்து அணைகளும் காவிரி மேலாண்மை வாரியத்தின் கட்டுப்பாட்டில் வந்துவிடும்.  உச்ச நீதிமன்றம் உத்தரவிட்ட 177.25 டிஎம்சி தண்ணீரைத் தமிழகத்துக்குத் திறந்துவிடும் சுயேச்சையான அமைப்பாக அது செயல்படும். ஆனால் மத்திய அரசு இப்போது சமர்ப்பித்திருக்கும் வரைவுத் திட்டத்தின்படி, ‘அணைகள் அனைத்தும் அந்தந்த மாநிலத்தின் கட்டுப்பாட்டில் இருக்கும்’. இது ‘காவிரி மேலாண்மை வாரியம்’ என்னும் அமைப்பையே அர்த்தமிழக்கச் செய்யும்.

காவிரி நதிநீர்ப் பங்கீட்டுக் குழு கூடும் போது கர்நாடகாவைச் சேர்ந்த பிரதிநிதி வரவில்லை என்றாலே, அந்தக் குழுவால் எந்த முடிவும் எடுக்க முடியாது என்று இந்த வரைவுத் திட்டம் சொல்வது யாருக்குச் சாதகமானது? நதிநீர்ப் பங்கீட்டுக் குழுவில் இடம்பெற்றிருக்கும் பெரும்பான்மையான உறுப்பினர்கள் மத்திய அரசு சார்பில் நியமிக்கப்படுகிறவர்களாகவே இருப்பார்களாம்.  இதுவும் அரசியல் ஆதாயத்துக்கு அடிக்கல் நாட்டுவதுதான்.

காவிரி நடுவர் மன்றம் இடைக்காலத் தீர்ப்பு வழங்கியதையடுத்து 1997ஆம் ஆண்டு ‘காவிரி ஆணையம்’ என்ற பெயரில் ஏறக்குறைய இதேபோன்ற ஓர் அமைப்பு ஏற்படுத்தப்பட்டது. அந்த அமைப்பின் தலைவராக இருந்தவர் அப்போது பிரதமராக இருந்த வாஜ்பாய். அந்த அமைப்பு பிறப்பித்த உத்தரவுகளை மதித்து கர்நாடகம் தமிழகத்துக்குத் தண்ணீர் திறந்துவிடவில்லை. ஒரு பிரதமரின் உத்தரவையே கர்நாடக அரசு மதிக்காதபோது, இப்போதும் அதேமாதிரியான ஒரு கண் துடைப்பு அமைப்பை ஏற்படுத்துவதால் என்ன நடந்துவிடப்போகிறது?

அணைகளைத் தன் கட்டுப்பாட்டில் கொண்டுவராத எந்தவொரு வாரியமோ ஆணையமோ குழுவோ அமைக்கப்படுவதால் எந்தப் பயனுமில்லை. தமிழகம் மீண்டும் மீண்டும் வலியுறுத்துவது காவிரி மேலாண்மை வாரியத்தை. ஆனால் வெவ்வேறு பெயர்களில் காவிரி மேற்பார்வை வாரியத்தை அமைக்கவே மத்திய அரசு முயல்கிறது.

காவிரி மேலாண்மை வாரியத்துக்குக் குறைவான எந்த ஓர் அமைப்பையும் ஏற்றுக்கொள்ளத் தயாராக இல்லை என்று தமிழகம் ஒருமித்த குரலில் ஓங்கி ஒலிக்க வேண்டும். நீருக்காகவும் நீதிக்காகவும் அந்தக் குரல் ஒலித்துக்கொண்டே இருக்க வேண்டும்.

#WeWantCMB

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism