Published:Updated:

பருவத்தே பயிர் செய்யுங்கள்!

பருவத்தே பயிர் செய்யுங்கள்!
பிரீமியம் ஸ்டோரி
பருவத்தே பயிர் செய்யுங்கள்!

பருவத்தே பயிர் செய்யுங்கள்!

பருவத்தே பயிர் செய்யுங்கள்!

பருவத்தே பயிர் செய்யுங்கள்!

Published:Updated:
பருவத்தே பயிர் செய்யுங்கள்!
பிரீமியம் ஸ்டோரி
பருவத்தே பயிர் செய்யுங்கள்!

‘காவிரி மேலாண்மை ஆணையத்தை அமைக்க உச்சநீதிமன்றம் உத்தரவிட்டுவிட்டது.  அரை நூற்றாண்டாக நடைபெற்று வந்த சட்டப் போராட்டம் முடிவுக்கு வந்துவிட்டது. நமது காத்திருப்பு வீண்போகவில்லை. கடைசியில் நமக்கு நியாயம் கிடைத்துவிட்டது.’ - இப்படியெல்லாம் மகிழ்ச்சியடைய நமக்கும் ஆசைதான். அதே சமயம், உச்சநீதிமன்றம் ஏற்றுக்கொண்டிருக்கும் மத்திய அரசின் வரைவுத் திட்டம் பற்றி நமக்கிருக்கும் சந்தேகங்களுக்கு விடை தெரியாதிருப்பதால், நம்மால் முழுமையாக மகிழ்ச்சியடைய முடியவில்லை.

பருவத்தே பயிர் செய்யுங்கள்!



காவிரி நடுவர் மன்றம் சொன்ன தீர்வு என்பது ‘பக்ரா-பியாஸ்’ மாதிரி. பஞ்சாப், ஹரியானா, சண்டிகர் உள்ளிட்ட மாநிலங்களின் குறுக்கே பாயும் பியாஸ் ஆற்றின் நீரை, சம்பந்தப்பட்ட மாநிலங்களுக்கு சரியான விகிதாசாரப்படி பகிர்ந்து கொடுக்கும் வாரியம்தான் ‘பக்ரா-பியாஸ் வாரியம்’. பியாஸ் ஆற்றின் குறுக்கே இருக்கும் அனைத்து அணைகளும் சுயேச்சையான இந்த ஆணையத்தின் கட்டுப்பாட்டில் இருக்கும்.

ஆனால், இப்போது அமைக்கப்படவிருக்கும் ‘காவிரி மேலாண்மை ஆணைய’த்தின் கட்டுப்பாட்டில் காவிரியின் குறுக்கே கட்டப்பட்டிருக்கும் எந்த அணையும் இருக்காது. அதே சமயம், கர்நாடகத்தில் உள்ள அணைகளில் எவ்வளவு தண்ணீர் இருக்கிறது, தமிழகத்துக்கு எவ்வளவு தண்ணீரைத் திறந்து விட வேண்டும் என்று உத்தரவிட இந்த ஆணையத்துக்கு அதிகாரம் உண்டு.

ஆணையத்தின் கட்டுப்பாட்டில் அணைகள் இல்லாதபோது, இந்த ஆணையத்தின் உத்தரவுகளைக் கர்நாடக அரசு மதிக்குமா என்பதுதான் இப்போது நம்முன் உள்ள பிரமாண்டமான கேள்வி. உச்சநீதிமன்றத்தின் உத்தரவுகளையே மதிக்காத, 2002ஆம் ஆண்டில் அப்போதைய பிரதமர் வாஜ்பாய் தலைமையில் அமைக்கப்பட்ட ‘காவிரி நதிநீர் ஆணையம்’ தமிழகத்துக்குத் தண்ணீர் திறந்துவிடும்படி உத்தரவிட்டதையே மதிக்காத கர்நாடகம், இந்த ஆணையத்தின் உத்தரவுகளை மட்டும் மதித்துவிடுமா?

மேலும், காவிரி நடுவர் மன்றத்தின் தீர்ப்பை அரசிதழில் வெளியிட வைக்க, தமிழகம் எத்தனை ஆண்டுகள் போராட வேண்டியிருந்தது என்பது கடந்தகாலக் கசப்பான அனுபவம். அதனால் உடனடியாகக் காவிரி மேலாண்மை ஆணையம் குறித்த அரசாணையை மத்திய அரசு அரசிதழில் வெளியிட்டு, சட்டரீதியான அங்கீகாரத்தை வழங்க வேண்டியது அவசியம்.

அதேபோல் ‘இந்த ஆண்டு பருவ மழை தொடங்குவதற்கு முன்பாகவே இதுபற்றிய அறிவிப்பு அரசிதழில் வெளியிடப்பட வேண்டும். ஆணையம் அமைக்கப்பட்டு தமிழகத்துக்குத் தண்ணீர் திறந்துவிடப்பட வேண்டும்’ என்று உச்சநீதிமன்றம் தன் இறுதித் தீர்ப்பில் சொல்லியிருப்பது ஆறுதல் அளிக்கிறது.  இப்போதுள்ள சூழலில் ‘மீண்டும் சாக்குபோக்குகளைச் சொல்லாமல், உச்சநீதிமன்ற உத்தரவுப்படி பருவமழை தொடங்குவதற்கு முன்பே காவிரி மேலாண்மை ஆணையத்தை அமைக்கவேண்டும்’ என்று மத்திய அரசை வலியுறுத்துவதே இப்போதைய நமது கடமை.

‘பருவத்தே பயிர் செய்’ என்பது விவசாயத்துக்கு மட்டுமல்ல, நிர்வாகத்துக்கும் பொருந்தும்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism