Published:Updated:

காந்தி 150 : கடைப்பிடிக்கவும் கற்றுக்கொள்ளவும்

காந்தி 150 : கடைப்பிடிக்கவும் கற்றுக்கொள்ளவும்
பிரீமியம் ஸ்டோரி
காந்தி 150 : கடைப்பிடிக்கவும் கற்றுக்கொள்ளவும்

காந்தி 150 : கடைப்பிடிக்கவும் கற்றுக்கொள்ளவும்

காந்தி 150 : கடைப்பிடிக்கவும் கற்றுக்கொள்ளவும்

காந்தி 150 : கடைப்பிடிக்கவும் கற்றுக்கொள்ளவும்

Published:Updated:
காந்தி 150 : கடைப்பிடிக்கவும் கற்றுக்கொள்ளவும்
பிரீமியம் ஸ்டோரி
காந்தி 150 : கடைப்பிடிக்கவும் கற்றுக்கொள்ளவும்

தேசத்தந்தை மகாத்மா காந்தியடிகளின் 150வது பிறந்தநாளைக் கொண்டாட இந்தியா தயாராகிக்கொண்டிருக்கிறது.

காந்தி 150 : கடைப்பிடிக்கவும் கற்றுக்கொள்ளவும்



காந்தி என்பது வீதிதோறும் நிற்கும் சிலைகளோ, அரசு அலுவலகங்களில் மாட்டப்பட்ட புகைப்படங்களோ, நம் ரூபாய் நோட்டுகளில் சிரிக்கும் உருவமோ அல்ல; காந்தி என்பது இந்தியா கண்டெடுத்த இணையற்ற ஆளுமை. சூரியன் மறையாத சாம்ராஜ்யத்தின் ஆட்சியை ஆயுதங்கள் எதுவுமின்றி எதிர்த்து நிற்க முடியும் என்று நமக்குக் கற்றுத்தந்த உறுதி. சத்தியம், நேர்மை, எளிமை ஆகியவற்றை அரசியலின் அடிப்படைகளாக மாற்றிக்காட்டிய சகாப்தம்.

காந்தி பிறந்தநாளைக் கொண்டாடுவது என்பது அவரது சிலைகளுக்கு மாலை அணிவிப்பதோ சில அரசுத்திட்டங்களுக்கு அவர் பெயர் சூட்டுவதோ அல்ல. அவர் நமக்கு அளித்த மதிப்பீடுகளையும் விழுமியங்களையும் மதிப்பதும் கடைப்பிடிப்பதும்தான். இந்தியா விடுதலை பெறுவதில் பெரும்பங்கு வகித்தவர் காந்தியடிகள். ஆனால், அவர் எந்த அரசுப்பொறுப்பையும் வகிக்கத் தயாராக இல்லை. ஒட்டுமொத்த இந்தியாவே சுதந்திர தினக் கொண்டாட்டத்தில் மூழ்கிக்கொண்டிருந்தபோது, அவர் மதக்கலவரங்களுக்கு எதிராக உண்ணாவிரதத்தில் இருந்தார். சுதந்திரப் போராட்டம் என்பது முடிந்துபோன ஒன்றல்ல, கடைசி இந்தியக் குடிமகனுக்கும் நிம்மதியான வாழ்க்கையை உறுதியளிக்கும்வரை, அது தொடரக்கூடிய ஒன்று என்பதைத்தான் இது காட்டுகிறது.

அரசியலில் நேர்மை என்பதை அவர் வலியுறுத்தியதோடு வாழ்ந்தும் காட்டினார். இன்றைய அரசியல் என்பது தூய்மையுடன்தான் இருக்கிறதா என்பதை சுயபரிசோதனை செய்துகொள்வது, `சத்திய சோதனை' படைத்த அண்ணலுக்குச் செலுத்தும் உண்மையான அஞ்சலி.

தன் கருத்தோடு உடன்பாடில்லாத அம்பேத்கர், பெரியார், ஜின்னா ஆகியோருடனும் உரையாடினார் காந்தி. ஆனால் இன்றோ, வெறுப்பரசியலை விதைத்து, `தனிப்படை'களை அறுவடை செய்துகொண்டிருக்கிறார்கள் நம் அரசியல்வாதிகள். கிராமங்களின்மீதும் கிராமியப் பொருளாதாரத்தின் மீதும் ஆழமான நம்பிக்கை கொண்டிருந்தார் காந்தி. இன்றோ, விவசாயத்தின் நிலையும் விவசாயிகளின் நிலையும் காந்தியின் உடலைவிட மெலிந்திருக்கின்றன.

மத நல்லிணக்கம், வெறுப்பை அகற்றுதல், வெளிப்படையான அரசியல், பொதுவாழ்வில் தூய்மை, கிராமியப் பொருளாதாரத்தை வலுப்படுத்துதல், எளிமையான வாழ்க்கை, வன்முறையைத் தவிர்த்தல் ஆகிய மதிப்பீடுகளுக்கு மதிப்பளிப்போம். அதுதான் அண்ணலுக்குச் செலுத்தும் அசல் அஞ்சலி!