Published:Updated:

சின்னத்தம்பி சொல்லும் காட்டின் கதை!

சின்னத்தம்பி சொல்லும் காட்டின் கதை!
பிரீமியம் ஸ்டோரி
சின்னத்தம்பி சொல்லும் காட்டின் கதை!

சின்னத்தம்பி சொல்லும் காட்டின் கதை!

சின்னத்தம்பி சொல்லும் காட்டின் கதை!

சின்னத்தம்பி சொல்லும் காட்டின் கதை!

Published:Updated:
சின்னத்தம்பி சொல்லும் காட்டின் கதை!
பிரீமியம் ஸ்டோரி
சின்னத்தம்பி சொல்லும் காட்டின் கதை!

ண்டவாளத்தில் சிக்கியோ, ரயில் மோதியோ, மின்வேலிகள் தீண்டியோ, தந்தங்களுக்காகத் தாக்கப்பட்டோ யானைகளின் மரணங்கள் குறித்த செய்திகளைப் படித்துவிட்டு, செய்திகளாகவே கடந்துவிடுவோம். ஆனால் வெறுமனே செய்தியாகக் கடந்துவிடாதபடி நம்மைச் சிந்திக்கவைத்திருக்கிறது `சின்னத்தம்பி' என்னும் யானை.

சின்னத்தம்பி சொல்லும் காட்டின் கதை!



`யானைகள் நகரங்களுக்குள் புகுந்து அட்டகாசம்' என்ற தலைப்பிலான செய்தி அல்ல, சின்னத்தம்பியின் கதை. உண்மையில் யானைகள் உள்ளிட்ட வனவிலங்குகளின் இருப்பிடங்களில் மனிதர்கள் புகுந்து ஆக்கிரமித்ததன் விளைவைத்தான் சின்னத்தம்பியின் நடமாட்டம் சொல்லிக்கொண்டிருக்கிறது.

மலைகள் சூழ அமைதி நிறைந்த கோவைத் தடாகம்தான் சின்னத்தம்பியின் இருப்பிடம். சின்னத்தம்பியும் அவனது கூட்டாளிகளான பெரியதம்பியும் விநாயகனும் வெவ்வேறு இடங்களுக்கு மாற்றப்பட்டார்கள். ஆனால் சின்னத்தம்பி மட்டும் தன் வாழ்விடத்தைத் தேடி மீண்டும் கோவைக்கு வந்துவிட்டான். சின்னத்தம்பியைப் பிடிக்க வனத்துறை எவ்வளவு முயற்சிகள் செய்தும் சிக்கவில்லை.  அதேநேரத்தில் பொதுமக்களைத் தாக்கவும் இல்லை. யானைகளின் வாழ்விடங்கள் சிதைக்கப்பட்டதை ஆராயாமல் இந்தப் பிரச்னையைப் புரிந்துகொள்ளவே முடியாது. ‘தமிழகம் முழுவதும் 101 யானைகளின் வழித்தடங்கள் ஆக்கிரமிக்கப்பட்டிருக்கின்றன' என்று சொல்லும் வனத்துறை அமைச்சரே `சின்னத்தம்பி கும்கியாக மாற்றப்படும்' என்று சொல்வதை சூழலியலாளர்கள் எதிர்க்கிறார்கள்.

ஆரோக்கியமான வனப்பகுதிக்கு, 5 பெண் யானைகளுக்கு ஓர் ஆண் யானை இருக்கவேண்டும். ஆனால், இந்தியாவில் 20 பெண் யானைகளுக்கு, ஓர் ஆண் யானை என்ற அளவில்தான் பாலின விகிதம் இருக்கிறது. ஒரு யானை நாளொன்றுக்கு 240 லிட்டர் தண்ணீர் குடிக்க வேண்டும். 250 கிலோ வரைக்கும் உணவு உண்ணவேண்டும். ஆனால், இந்த அளவானது எல்லா யானைகளுக்கும் கிடைத்துவிடுவதில்லை. குறைந்து வரும் வனவளம், யானை வழித்தட ஆக்கிரமிப்புகள், வனத்துக்கும் நமக்குமான இடைவெளி குறைந்து வருவது என்று இந்தப் பிரச்னைகளுக்கு ஏராளமான காரணங்கள் உள்ளன.

இப்போது வேண்டுமானால் இந்த ஒரு ‘சின்னத்தம்பி’யைப் பிடித்து, கூண்டுக்குள் அடைத்துவிடலாம். ஆனால், கோவையைச் சுற்றியுள்ள பல்வேறு கல்வி நிறுவனங்கள், ஆசிரமங்கள், ஆன்மிகத்தின் பெயரால் இயங்கிவரும் சுற்றுலாத் தலங்கள், அரசியல்வாதிகளின் படாடோப பங்களாக்கள், அரசு அலுவலகங்கள் என்று யானைகளின் வாழ்விடத்தையும் வழித்தடத்தையும் ஆக்கிரமித்திருக்கும் நிலையை மாற்றாவிட்டால், இன்னும் பல ‘சின்னத்தம்பி’கள் நகரத்துக்குள் படையெடுப்பதை நம்மால் தடுக்கவே முடியாது. 

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism