Published:Updated:

உள்ளாட்சி வலுப்பெற்றால்தான் நல்லாட்சி!

உள்ளாட்சி வலுப்பெற்றால்தான் நல்லாட்சி!
பிரீமியம் ஸ்டோரி
உள்ளாட்சி வலுப்பெற்றால்தான் நல்லாட்சி!

உள்ளாட்சி வலுப்பெற்றால்தான் நல்லாட்சி!

உள்ளாட்சி வலுப்பெற்றால்தான் நல்லாட்சி!

உள்ளாட்சி வலுப்பெற்றால்தான் நல்லாட்சி!

Published:Updated:
உள்ளாட்சி வலுப்பெற்றால்தான் நல்லாட்சி!
பிரீமியம் ஸ்டோரி
உள்ளாட்சி வலுப்பெற்றால்தான் நல்லாட்சி!

த்திய அரசு மாநில அரசின் விவகாரங்களில் தலையிடுகிறது, மாநில அரசுகளின் உரிமைகளைப் பறிக்கிறது, ஜனநாயகப் படுகொலை என்று அரசியல் கட்சிகள் குரல் எழுப்பத் தவறுவதில்லை. ஆனால், ஒரு மாநில அரசு தனக்குக் கீழே இயங்கும் உள்ளாட்சி அமைப்புகளுக்குத் தேர்தலே நடத்தாமல் தானே அத்தனை அதிகாரங்களையும் கையில் எடுத்துக்கொண்டால் அதற்கும் ஜனநாயகப் படுகொலை என்றுதான் பெயர்.

உள்ளாட்சி வலுப்பெற்றால்தான் நல்லாட்சி!

இப்படிப்பட்ட படுகொலையைத்தான் தமிழக அரசும் தமிழகத் தேர்தல் ஆணையமும் தொடர்ச்சியாகச் செய்துவருகின்றன. 2016-ம் ஆண்டு அக்டோபர் மாதம் நடத்தப்பட்டிருக்க வேண்டிய தமிழக உள்ளாட்சித் தேர்தல்களை நடத்தாமல், சுமார் மூன்று வருடங்களாகக் கோமாவில் படுக்கவைத்திருக்கிறது தமிழக அரசு. `உள்ளாட்சித் தேர்தல்கள் நடைபெற்றால் அதிகாரம் கைவிட்டுப் போய்விடும். கமிஷன் குறைந்துவிடும். அனைத்துக்கும் மேலாக தன் சாயம் வெளுத்துவிடும் என்ற அச்சத்தில்தான் தமிழக அரசு தேர்தலை நடத்த முன்வரவில்லை’ என்று எதிர்க்கட்சிகள் முன்வைக்கும் குற்றச்சாட்டையும் துடைத்துப்போட்டுவிட்டுச் செல்கிறது தமிழக அரசு.  நீதிமன்றம் கடுமை காட்டிக் கண்டிப்பான உத்தரவைப் போட்டாலும் ஒவ்வொரு முறையும் ஒவ்வொரு காரணத்தைச் சொல்லி இழுத்தடிக்கிறது தமிழக அரசு. இந்த முறை உள்ளாட்சித் தேர்தலை நடத்தாமல் இருப்பதற்கு அது சொல்லும் காரணம், நாடாளுமன்றத் தேர்தல்.

‘நாடாளுமன்றத் தேர்தல் நடந்துகொண்டிருப்பதால், உள்ளாட்சித் தேர்தலுக்கான வாக்காளர் பட்டியலை மத்தியத் தேர்தல் ஆணையத்திடமிருந்து பெறமுடியவில்லை. மேலும், தேர்தல் விதிமுறைகள் அமலில் இருப்பதால் இப்போது மாநிலத்தின் நிர்வாகமே ஏறக்குறைய மத்தியத் தேர்தல் ஆணையத்தின் வசம்தான் உள்ளது. உள்ளாட்சித் தேர்தலை நடத்தும் அதிகாரிகள் அனைவரும்  நாடாளுமன்றத் தேர்தல் பணிகளில் மும்முரமாக இருப்பதால், உள்ளாட்சித் தேர்தலை மூன்று மாதங்களுக்கு நடத்த முடியாது’ என்று காரணம் சொல்லியிருக்கிறது. தேர்தலை நடத்தாமல் இருக்க, தேர்தலே காரணமாம்!

‘இந்தியாவின் ஆன்மா கிராமங்களில் வாழ்கிறது’ என்று சொன்ன மகாத்மா காந்தி கண்ட கனவுதான் உள்ளாட்சி அமைப்புகளும் பஞ்சாயத்து ராஜ் சட்டமும். அதிகாரம் ஒரே இடத்தில் குவிக்கப்படக் கூடாது, கிராமப்புறங்கள் தங்களுக்கான தேவைகளைத் தாங்களே நிறைவேற்றிக்கொள்ள வேண்டும் என்பதற்காகத்தான் உள்ளாட்சி அமைப்புகள் உருவாக்கப்பட்டுத் தேர்தல்கள் நடைபெறுகின்றன.

தமிழ்நாட்டில் 14 மாநகராட்சிகள், நூற்றுக்கும் மேற்பட்ட நகராட்சிகள், ஐந்நூற்றுக்கும் மேற்பட்ட பேரூராட்சிகள், அனைத்துக்கும் மேலாக பன்னிரண்டாயிரத்துக்கும் மேற்பட்ட கிராம ஊராட்சி மன்றங்கள் இருக்கின்றன; இவற்றில் சுமார் ஒரு லட்சத்து இருபதாயிரம் பிரதிநிதிகள் பணியாற்ற வேண்டும். ஆனால் இப்போது அத்தனை இடங்களும் காலியாக உள்ளன. மேலும், உள்ளாட்சித் தேர்தலை நடத்தாத காரணத்தினால் மத்திய அரசிடமிருந்து வரவேண்டிய 3,558  கோடி ரூபாய் நிதியைத் தமிழகம் இழந்துகொண்டிருக்கிறது. ‘மத்திய அரசு போதுமான நிதி ஒதுக்கவில்லை’ என்று குற்றம் சாட்டுபவர்கள், மத்திய அரசின் நிதியைப் பயன்படுத்த முடியாத சூழலை உருவாக்கியிருப்பது வெட்கக்கேடு.

ஜனநாயகத்தின் வேர்களை வலுப்படுத்த உள்ளாட்சி அமைப்புகள் செயற்பட வேண்டும். அதுதான் ஒரு நல்லாட்சிக்கான அடையாளம்.

ஒட்டுமொத்த விகடனுக்கும் ஒரே ஷார்ட்கட்!