Published:Updated:

இயற்கையைக் காப்போம்!

இயற்கையைக் காப்போம்!
பிரீமியம் ஸ்டோரி
இயற்கையைக் காப்போம்!

இயற்கையைக் காப்போம்!

இயற்கையைக் காப்போம்!

இயற்கையைக் காப்போம்!

Published:Updated:
இயற்கையைக் காப்போம்!
பிரீமியம் ஸ்டோரி
இயற்கையைக் காப்போம்!

அனைவருக்கும் பசுமை வணக்கம்!

டந்த மே 22-ஆம் தேதி, சர்வதேச உயிர்ப்பன்மய தினத்தன்று சென்னையில் நடைபெற்ற ஒரு நிகழ்வில், ‘இயற்கையை நாம் பாதுகாத்தால், நம்மை இயற்கை பாதுகாக்கும்’ என்று குடியரசுத் துணைத்தலைவர் வெங்கய்யா நாயுடு உணர்ச்சிபொங்கப் பேசினார். அதேநேரத்தில், கடலூர், விழுப்புரம், நாகப்பட்டினம் உள்ளிட்ட மாவட்ட விவசாயிகள், ‘எங்களின் இயற்கை வளங்களை அழிக்காதீர்கள்’ என்று மத்திய அரசை நோக்கி உணர்வுபூர்வமாகக் குரல் கொடுத்துக் கொண்டிருந்தனர்.

தனியார் நிறுவனமான வேதாந்தா, மத்திய அரசின் ஆசிகளோடு காவிரிப் படுகையில் மொத்தம் 274 ஹைட்ரோ கார்பன் கிணறுகள் அமைப்பதற்கான பூர்வாங்கப் பணிகளைத் தொடங்கியுள்ளது. விழுப்புரம், புதுச்சேரி, கடலூர், நாகை, வேளாங்கண்ணி வரை விளைநிலங்களை மட்டுமல்ல, மக்கள் வாழும் பகுதிகளையும் வளைக்க ஆரம்பித்துள்ளனர். ஒரு காலத்தில் பழவேற்காடு தொடங்கி கன்னியாகுமரி வரை கடற்கரை நெடுக அலையாத்திக்காடுகள் அடர்ந்திருந்தன. அவைதான் சுனாமி போன்ற பேரலைகளிடமிருந்து நிலப்பரப்பைக் காப்பாற்றிக் கொண்டிருந்தன. இந்தக் காடுகள், அரியவகைக் கடல்வாழ் உயிரினங்களின் சொர்க்கம் என்பதோடு, அந்தப் பகுதி மக்களின் வாழ்வாதாரமும்கூட. கிட்டத்தட்ட அனைத்தையும் சூறையாடிவிட்டோம். பிச்சாவரம், முத்துப்பேட்டை என்று ஒன்றிரண்டு இடங்களில் மட்டுமே அவை எஞ்சியுள்ளன. அந்தப் பிச்சாவரம் அலையாத்திக் காடுகளுக்கும் இப்போது ஆபத்து!

‘இயற்கை வளங்களை அழிப்பது, தாயின் மடியை அறுத்து ரத்தம் குடிப்பதற்குச் சமம்’ என்று எத்தனையோ தடவை கூப்பாடுபோட்டாலும், அதற்கு அரசாங்கங்கள் காது கொடுப்பதேயில்லை.

ஒருபக்கம், விளைநிலங்களை அழிப்பதற்கான அனுமதியைக் கொடுத்துவிட்டு, ‘இயற்கையைக் காப்பாற்றுங்கள்’ என்று மறுபக்கம் மேடையில் முழங்குவது, ‘படிப்பது ராமாயணம், இடிப்பது பெருமாள் கோயில்’ என்பதைப் போலத்தான் இருக்கிறது!

-ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism