Published:Updated:

நம்பிக்கையை ஏற்படுத்துங்கள்!

நம்பிக்கையை ஏற்படுத்துங்கள்!

நம்பிக்கையை ஏற்படுத்துங்கள்!

நம்பிக்கையை ஏற்படுத்துங்கள்!

Published:Updated:
##~##

பை நிறைய சர்க்கரையை வைத்துக்கொண்டு வெல்லத்தைத் தேடி அலைந்த கதையாக  இருக்கிறது மத்திய நிதி அமைச்சர் ப.சிதம்பரத்தின் அமெரிக்கப் பயணம். அவரோடு மத்திய வர்த்தகத் துறை அமைச்சர் ஆனந்த் சர்மாவும், திட்ட கமிஷனின் துணைத் தலைவரும்கூட அமெரிக்காவுக்குப் போயிருக்கிறார்கள். இத்தனை பேரும் அமெரிக்காவுக்கு படையெடுக்க என்ன காரணம்?

நம்பிக்கையை ஏற்படுத்துங்கள்!

ஒட்டுமொத்த விகடனுக்கும் ஒரே ஷார்ட்கட்!

கடந்த சில ஆண்டுகளாக குறைந்துவரும் அந்நிய நேரடி முதலீட்டை மீண்டும் அதிகரிக்கச் செய்வதற்குத்தான். சென்ற இருபதாண்டு காலத்தில் இந்தியாவை நோக்கி பெருக்கெடுத்து வந்த அந்நிய நேரடி முதலீடு, 'ஜெனரல் ஆன்ட்டி-அவாய்டன்ஸ் ரூல்ஸ்’ சட்டம் வந்தபிறகு, பெருமளவில் குறைந்தது. இந்தியாவுக்கு வரவேண்டிய பிரைவேட் ஈக்விட்டி உள்பட பலவிதமான முதலீடுகள் தற்போது மொரீஷியஸுக்கும், சிங்கப்பூருக்கும் தாராளமாக செல்கிறது. 'எங்கள் நாட்டில் என்ன குறை? உங்களுக்குத் தேவையான எல்லாவற்றையும் நாங்கள் செய்து தருகிறோம். வாருங்கள், வந்து தாராளமாக முதலிடுங்கள்’ என சிவப்புக் கம்பளம் விரித்து வரவேற்கத்தான் மத்திய அமைச்சர்கள் அமெரிக்காவுக்குப் போயிருக்கிறார்கள்.

ஆனால், வரித் துறை மட்டுமின்றி, நிர்வாகத் துறையிலும், தொழில் துறையிலும், அரசியலிலும்  பல்வேறு குழப்பங்களையும் சிக்கல்களையும் சந்தித்துவரும் ஒரு நாட்டில் உள்ளூர் தொழில் அதிபர்களே புதிய முதலீடுகளை செய்ய யோசிக்கும் போது, வெளிநாட்டு முதலாளிகள் எப்படி துணிந்து முதலீடு செய்வார்கள்? புதிய முதலீடு வராதது ஒருபக்கம் இருக்க, ஏற்கெனவே வந்த முதலீடு வேகமாக வெளியேறினால் ரூபாயின் மதிப்பு அதலபாதாளத்தை நோக்கி சரியாமல் என்ன செய்யும்?

நம்பிக்கையை ஏற்படுத்துங்கள்!

இப்போதைக்கு நிதி அமைச்சர் செய்யவேண்டிய முக்கியமான வேலை, இந்தியாவின் வளர்ச்சி குறித்து உள்ளூர் தொழிலதிபர்களோடு, வெளிநாட்டு தொழிலதிபர்களுக்கும் நம்பிக்கை உண்டாக்குகிற பல்வேறு துறைகளில் உடனடியாக பல சீர்திருத்தங்களைச் செய்வதுதான். அரசியலுடன் பிரிக்க முடியாமல் கலந்துவிட்ட ஊழலை வேரோடு அறுத்தெறிந்து, வளர்ச்சி ஒன்றையே நோக்கமாகக்கொண்டு அரசாங்கம் செயல்பட ஆரம்பித்தால், நம் நாடும் இன்னொரு சிங்கப்பூர் ஆகிவிடாதா? இப்போது மொரீஷியஸ் நோக்கி போகிற முதலீடு, மீண்டும் நம் நாட்டை நோக்கி வராமல் போய்விடுமா என்ன? வயிற்று வலியைப் போக்க தலைக்கு தைலம் தடவும் வேலையை இன்னும் எத்தனை நாளைக்குத்தான் செய்யப்போகிறோம்?

- ஆசிரியர்.

 நாணயம் விகடன் இதழ் தொடர்பாக நீங்கள் தெரிவிக்க விரும்பும் எண்ணங்களை எஸ்.எம்.எஸ். மூலமாகவும் அனுப்ப முடியும். உங்கள் மொபைலில் PUB (space) உங்கள் எண்ணம் (space)உங்கள் பெயர் டைப் செய்யுங்கள். 562636 என்ற எண்ணுக்கு அனுப்புங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism