Published:Updated:

இதுவும் கடந்துபோகும் !

இதுவும் கடந்துபோகும் !

இதுவும் கடந்துபோகும் !

இதுவும் கடந்துபோகும் !

Published:Updated:

ஹலோ வாசகர்களே..!

##~##

2008-க்கு பிறகு நம் நாடு மீண்டும் ஒரு பொருளாதார நெருக்கடியில் சிக்கும் அபாயமான நிலையில் இருக்கிறது. கடந்த ஆண்டைவிட கார்களின் விற்பனை பெரிய அளவில் குறைய ஆரம்பித்திருப்பது நெருக்கடியை நாம் நெருங்குகிறோம் என்பதற்கு ஒரு முக்கியமான அறிகுறி. இன்னும் இரண்டு காலாண்டுகளில் இந்திய நிறுவனங்கள் லாபப் பாதைக்குள் திரும்பாவிட்டால், நம் பொருளாதாரம் மேலும் நலிவடையும். அப்போது ஃபிட்ச், மூடி போன்ற சர்வதேச கிரெடிட் ஏஜென்சிகள் இந்தியாவின் எதிர்காலத்தைத் தரமிறக்க நிறைய வாய்ப்புகள் உள்ளன.

ஒட்டுமொத்த விகடனுக்கும் ஒரே ஷார்ட்கட்!

இதுவும் கடந்துபோகும் !

மீண்டும் ஒரு பொருளாதார நெருக்கடியா? எப்படி சமாளிக்கப் போகிறோம்? என யாரும் அஞ்சத் தேவையில்லை. நெருக்கடிகள் என்பவை நம்மை நாமே திருத்திக்கொள்வதற்காக காலம் வழங்கும் ஓர் அரிய வாய்ப்பு. ஐந்து ஆண்டுகளுக்கு முன்பு ஏற்பட்ட நெருக்கடியிலிருந்து நம் ஆட்சியாளர்கள் எந்த பாடத்தையும் கற்றுக்கொள்ளாததன் விளை வினால் குறுகிய காலத்தில் மீண்டுமொரு  நெருக்கடியில் சிக்கும் நிலையில் இருக்கிறோம். இந்த முறையாவது நெருக்கடிக்கான காரணங்களை ஆராய்ந்து, சரியான தீர்வை விரைவாக செயல்படுத்த வேண்டும்.

'சரியான அரசியல் தலைமை இல்லாததால்தான் இன்று நாம் பலவகையிலும் சிரமப்படுகிறோம்’ என ரத்தன் டாடா சில நாட்களுக்கு முன்பு சொன்னதை நாம் மறக்கக்கூடாது. இனியாவது, நாட்டின் முன்னேற்றத்திற்கு பாடுபடுகிற ஒரு தலைமையை உருவாக்கவேண்டிய கட்டாயம் ஒவ்வொரு இந்திய குடிமகனுக்கும் இருக்கிறது. இதற்கான ஒரு வாய்ப்புதான், அடுத்த ஆண்டு நடக்கப்போகும் நாடாளுமன்றத் தேர்தல் என்பதை நாம் அனைவரும் உணரும் காலமிது.

ஒரு நாட்டின் வளர்ச்சியில்தான் தனிமனிதர்களின் வளர்ச்சியும் அடங்கி இருக்கிறது என்பதைப் புரிந்துகொண்டு மாநிலம், கட்சி, மதம், ஜாதி என்கிற குறுகிய சிந்தனைகளை விட்டொழித்துவிட்டு, நாட்டின் முன்னேற்றத்திற்காக அனைவரும் உழைக்க வேண்டும்.

இதுவும் கடந்துபோகும் !

நெருக்கடியான இந்தக் காலகட்டத்தில் முடிந்தவரை சிக்கனமாக செலவு செய்து, சேமிப்பில் கவனம் காட்டுவதுதான் புத்திசாலித்தனம். எல்லாவற்றுக்கும் மேலே, நெருக்கடியை நினைத்து இடிந்துபோய் உட்காராமல் இதுவும் கடந்துபோகும் என்கிற நம்பிக்கை நம் எல்லோருக்கும் இருந்தால், வரலாற்றில் நாம் என்றென்றும் இருப்போம் என்கிற சந்தேகம் யாருக்கும் வரத் தேவையில்லை.

- ஆசிரியர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism