Published:Updated:

ஹலோ வாசகர்களே..!

ரகுராமுக்கு அந்தத் துணிச்சல் உண்டா?

ஹலோ வாசகர்களே..!

ரகுராமுக்கு அந்தத் துணிச்சல் உண்டா?

Published:Updated:
##~##

மத்திய ரிசர்வ் வங்கியின் கவர்னராக ரகுராம் ராஜன் பதவி ஏற்றதைத் தொடர்ந்து டாலருக்கு நிகரான நம் இந்திய ரூபாயின் மதிப்பு கணிசமாக உயர்ந்திருக்கிறது. கூடிய விரைவில் 70 ரூபாய்க்கும் கீழே சென்றுவிடுமோ என எல்லோருமே பயந்துகொண்டிருந்த சமயத்தில், அவர் பதவியேற்ற சில நாட்களிலேயே ரூபாய் மதிப்பு 64 ரூபாய்க்கு அதிகரித்தது. இந்த உயர்வுக்கு ரகுராம் ராஜன் எடுத்த நடவடிக்கைகள்தான் காரணமா என ஒருசிலர் கேள்வி எழுப்பினாலும், ரூபாயின் மதிப்பு உயர்ந்ததை நினைத்து நம்மால் மகிழ்ச்சி அடையாமல் இருக்க முடியாது.

ஹலோ வாசகர்களே..!

ஒட்டுமொத்த விகடனுக்கும் ஒரே ஷார்ட்கட்!

இதற்கிடையே நம் பொருளாதாரத்தைப் பலப்படுத்த இன்னொரு உறுதியான நடவடிக்கை எடுக்கவும் முடிவு செய்திருக்கிறார் ரகுராம். 10 கோடி ரூபாய்க்கு மேல் கடன் வாங்கியவர்கள் தனிமனிதர்களாக இருந்தாலும் சரி, நிறுவனமாக இருந்தாலும் சரி, அவர்களின் பெயரை எல்லா வங்கிகளுக்கும் தெரியப்படுத்துகிற மாதிரியான ஓர் அமைப்பை உருவாக்கவேண்டும் என்று ஒரு திட்டத்தை முன்வைத்திருக்கிறார்.

இப்படிப்பட்ட ஓர் அமைப்பு இதுவரை இல்லாததால் தொழிலதிபர்கள் பல வங்கிகளில்  பெருந்தொகையைக் கடன் வாங்கி பிறகு கட்டாமல் போவதால் வங்கிகளின் வாராக்கடன் அதிகமாகி வருகிறது.

நமது பொதுத் துறை வங்கிகளின் மொத்த வாராக்கடன் ஏற்கெனவே 1.74 லட்சம் கோடி ரூபாயாக இருக்கும் இந்த சமயத்தில் இப்படி ஓர் அமைப்பை உருவாக்க ரகுராம் ராஜன் முடிவு செய்திருப்பது காலத்திற்கேற்ற சமயோஜிதமான நடவடிக்கை என்றுதான் சொல்லவேண்டும்.

ஆனால், ரகுராம் ராஜன் இதோடு நின்றுவிடக் கூடாது. வங்கிகள் தந்த கடனைத் திரும்ப வசூலிப்பதற்கான அனைத்து நடவடிக்கை களையும் எடுக்கவேண்டும். பல தொழிலதிபர்கள் கடனைத் திரும்பத் தராததற்கு முக்கிய காரணம், அவர்களுக்கு இருக்கும் அரசியல் நெருக்கம்தான்.

ஹலோ வாசகர்களே..!

அரசியல்வாதிகள் அநாவசியமாக தலையீடு செய்வதால்தான் வங்கிகளால் கடனை சரியாக வசூலிக்க முடிவதில்லை. இனி, வங்கி விஷயத்தில் அரசியல்வாதிகள் எந்தவிதத்திலும் தலையிடக் கூடாது என்கிற முடிவை ரகுராம் ராஜன் எடுக்க வேண்டும். ஐ.எம்.எஃப்.-ல் வேலை பார்த்த ரகுராமுக்கு இப்படி ஒரு முடிவை எடுக்கும் துணிச்சல் இருக்கும் என்று நம்புவோமாக!

 - ஆசிரியர்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism