Published:Updated:

அரியணையில் ஏறும்முன்பே அட்டகாசமா?

அரியணையில் ஏறும்முன்பே அட்டகாசமா?

ஹலோ வாசகர்களே..!

அரியணையில் ஏறும்முன்பே அட்டகாசமா?

புதிய வங்கி தொடங்குவதற்கான அனுமதியைக் கேட்டு அனில் அம்பானியும் குமார் மங்கலம் பிர்லாவும் எல் அண்ட் டி நிறுவனமும் காத்துக்கொண்டிருக்க... கட்டமைப்புத் துறை சார்ந்த ஐ.டி.எஃப்.சி நிறுவனத்துக்கும், கிழக்கு இந்தியாவில் நுண்கடன் வழங்குவதில் முக்கிய நிறுவனமாகத் திகழும் பந்தனுக்கும் புதிய வங்கி தொடங்கும் அனுமதியைக் 'கொள்கை அளவில்’ தந்திருக்கிறது மத்திய ரிசர்வ் வங்கி. இதன்மூலம் எந்தவிதமான 'நெருக்குதலுக்கும்’ இடம்தராமல், மக்கள்நலனை மட்டுமே கருத்தில்கொண்டு செயல்பட்டிருக்கும் ரகுராம் ராஜனுக்கு நாம் நிச்சயமாக சபாஷ் போடலாம்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ஆனால், பாரதிய ஜனதா கட்சி ஆட்சிக்கு வந்தால், ஆர்.பி.ஐ கவர்னர் பதவியிலிருந்து ரகுராம் ராஜனை விலக்க நிறைய வாய்ப்பிருப்பதாக டெல்லியில் பேச்சு கிளம்பியிருப்பது நமக்கு அதிர்ச்சி அளிக்கிறது. 'கடனுக்கான வட்டி விகிதத்தைக் குறைக்காமல் தொடர்ந்து அதிக அளவிலேயே வைத்திருக்கிறார். இப்படியிருந்தால் தொழில்துறை எப்படி முன்னேறும்’ என்று ராஜன் மீது விமர்சனத்தை வைக்கிறார்கள் பா.ஜ.க.வின் சில தலைவர்கள். 'வளர்ச்சி ஒன்றே மோடியின் இலக்கு. அதற்குக் குறுக்கே நிற்பவர்களை அவர் பொறுக்கமாட்டார்’ என்றும் சிலர் கருத்து சொல்லத் தொடங்கி இருக்கிறார்கள்.

அரியணையில் ஏறும்முன்பே அட்டகாசமா?

ஒரு நாட்டின் பொருளாதார வளர்ச்சிக்கு எத்தகைய வழிமுறைகளைப் பின்பற்ற வேண்டும் என்பதை முடிவு செய்யும் அதிகாரம் ஆர்.பி.ஐ கவர்னருக்கு உண்டு. இப்போதுள்ள நிலையில், வட்டி விகிதத்தைக் குறைத்தால், இன்னும் நிறையபேர் கடன் வாங்குவார்கள். அதனால் தொழில் வளர்ச்சியடையும் என்பது ஆர்.பி.ஐ கவர்னருக்கு தெரியாத விஷயமல்ல.

சர்வதேச அளவில் பொருளாதார வளர்ச்சி மட்டுப்பட்டு இருக்கும் இந்தச் சமயத்தில் வட்டியைக் குறைப்பதைவிட, உள்நாட்டில் சாதாரண மனிதனின் சேமிப்புக்கு உலைவைக்கும் விலைவாசி உயர்வைக் கட்டுப்படுத்துவதுதான் முக்கியம் என்று நினைக்கிறார் ஆர்.பி.ஐ கவர்னர். அவரது இந்த முடிவு விமர்சனத்துக்கு அப்பாற்பட்டது அல்ல என்றாலும், இப்படி யோசிப்பதே தவறு. அப்படி யோசிக்கிறவர் நமக்குத் தேவையே இல்லை என்று முடிவு கட்டுவது ஜனநாயமாகச் செயல்பட நினைப்பவர்களின் சிந்தனைப்போக்காக இருக்காது.

மோடி, கார்ப்பரேட்டுகளின் நண்பனாக இருந்தால் மட்டும் போதாது. விலைவாசி உயர்வில் தத்தளிக்கும் சாமானியனின் காவலனாகவும் இருக்க வேண்டும்.  ரிசர்வ் வங்கியின் சுதந்திரத்தில் தலையிடுவதை ஆட்சியாளர்கள் நிறுத்தினாலே போதும், பொருளாதாரம் வளர்ச்சிப் பாதைக்குச் செல்லும்!                

- ஆசிரியர்.