Published:Updated:

முடுக்கிவிடுங்கள் தொழில் துறையை!

முடுக்கிவிடுங்கள் தொழில் துறையை!

 ஹலோ வாசகர்களே..!

முடுக்கிவிடுங்கள் தொழில் துறையை!

சுதந்திர இந்திய அரசியல் வரலாற்றில் பிரதமராக இருந்த யாருமே இவ்வளவு எதிர்பார்ப்புகளுக்கு இடையே பதவியை ஏற்றுக்கொண்டிருக்கமாட்டார்கள். ஒன்றல்ல, இரண்டல்ல, ஓராயிரம் எதிர்பார்ப்புகள் இன்று மோடியின் முன்னால் வரிசைகட்டி நிற்கின்றன. இவற்றில் எதற்கு முன்னுரிமை தருவது என்பதில் ஒவ்வொருவரும் கருத்து மாறுபடலாம் என்றாலும், கடந்த ஐந்து ஆண்டுகளாக முடங்கிக் கிடக்கும் பல்வேறு திட்டங்களை முடுக்கிவிட வேண்டிய வேலையை முதலில் மோடி அரசாங்கம் எடுத்தாக வேண்டும் என்பதில் இருவேறு கருத்து இருக்க முடியாது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இன்றைய தேதியில் தனியாருக்கு சொந்தமான 108 பெரிய திட்டங்கள் வங்கிகளிடமிருந்து கடன் கிடைக்காமல் கையேந்தியபடி காத்துக்கிடக்கிறது. இந்தத் திட்டங்களின் மொத்த மதிப்பு 2.26 லட்சம் கோடி ரூபாய். இதற்காக வங்கிகள் 27,556 கோடி ரூபாயை தர அனுமதி தந்துவிட்டபோதும், இதுவரை வெறும் 3,252 கோடி ரூபாய் மட்டுமே பட்டுவாடா செய்துள்ளது.

வாகன உற்பத்தியில் தொடங்கி, துறைமுகம், சாலை, எரிசக்தி உற்பத்தி எனப் பல துறைகளைச் சார்ந்த இந்தத் திட்டங்களைத் தொடங்குவதற்கான நிதி ஆதாரத்தை ஏற்படுத்தித் தர பிரதமர் மோடி நடவடிக்கை எடுப்பதன் மூலம் பொருளாதார இயந்திரத்தை மீண்டும் வேகமெடுக்கவைக்க முடியும். தொழில் கடனை எளிதில் கிடைக்க ஏற்பாடு செய்வதோடு, அதைக் குறைந்த வட்டியிலும் தர அரசாங்கம் நடவடிக்கை எடுக்க வேண்டும்.

முடுக்கிவிடுங்கள் தொழில் துறையை!

தொழில் துறை முடங்கிக்கிடப்பதற்கு நிதிப் பற்றாக்குறை மட்டுமே காரணமல்ல; சுற்றுச்சூழல் தொடர்பான அனுமதிகள், நிலங்களை ஒதுக்குவது, அரசின் பல்வேறு அனுமதிகள் பெறுவது, மின்சாரம், சாலைப் போக்குவரத்து போன்ற வசதிகளைச் செய்துதருவது போன்றவற்றில் இருக்கும் பிரச்னைகளையும் களைய மோடி உடனடி நடவடிக்கை எடுத்தால் மட்டுமே அடுத்த ஆறு மாதங்களிலாவது வளர்ச்சிக்கான அறிகுறிகளை நம்மால் பார்க்க முடியும்.

பொருளாதார வளர்ச்சிக்கு தனியார் நிறுவனங்களே ஒரே தீர்வு என்று நினைக்காமல், கடந்த ஐம்பது ஆண்டுகளாகப் பெரும் செலவு செய்து கட்டியெழுப்பி இருக்கும் பொதுத்துறை நிறுவனங்களிடம் ரொக்கக் கையிருப்பாக இருக்கும் பல ஆயிரம் கோடி ரூபாயை சரியாக முதலீடு செய்வதன் மூலம், மேலும் பலமடங்கு வளர்ச்சியைக் காணவைக்க முடியும்.

உலக நாடுகளின் தொழிலதிபர்களை குஜராத் பக்கம் திரும்பிப் பார்க்கவைத்த மோடியால், இந்தியாவின் தொழில் துறையை முன்னேற்றுவதற்குத் தேவையான சரியான நடவடிக்கைகளை எடுக்க முடியாதா என்ன?

- ஆசிரியர்.