Published:Updated:

அன்பு வணக்கம்!

அன்பு வணக்கம்!
பிரீமியம் ஸ்டோரி
News
அன்பு வணக்கம்!

கொரோனா, நிவர் புயல் என்று என்னதான் அடுத்தடுத்து சவால்கள் வந்தாலும், இந்த ஆண்டில் புதிய கார் மற்றும் பைக்குகளின் அறிமுகங்கள் குறையவில்லை.

மதிப்புக்குரிய வாசகப் பெருமக்களே...

இந்த ஆண்டில் நாம் எல்லா சவால்களையும் சமாளித்து விட்டோம். கார் மற்றும் பைக் உலகுக்கு இந்த வாக்கியம் இரண்டு மடங்கு பொருந்தும். இரவு என்று வந்தால் பகல் என்ற ஒன்று வந்துதான் ஆகவேண்டும் என்பதற்கு ஏற்ப... புதிய கார்களும் பைக்குகளும் விறுவிறுப்பாக விற்பனையாகத் துவங்கிவிட்டன.

கொரோனா, நிவர் புயல் என்று என்னதான் அடுத்தடுத்து சவால்கள் வந்தாலும், இந்த ஆண்டில் புதிய கார் மற்றும் பைக்குகளின் அறிமுகங்கள் குறையவில்லை. தள்ளிவைக்கப்பட்ட கார்/பைக்குகளின் அறிமுகங்கள் எல்லாம்கூட இப்போது நடைபெற்று முடிந்துவிட்டன. ஹூண்டாய் i20, மஹிந்திரா தார், கியா சோனெட் போன்ற கார்கள் புக்கிங் ஆகும் வேகத்தைப் பார்த்தால்... நம் ஊரா கொரோனாவில் முடங்கிக் கிடந்தது என்று சந்தேகம் பலருக்கும் வரும். கொரோனா காரணமாக கார் பைக் வாங்குவதைத் தள்ளிப் போட்டிருந்த ஒரு பெரிய கூட்டம், இப்போது ஷோரூம்கள் நோக்கிப் படையெடுத்திருப்பதும் விற்பனை சுறுசுறுப்படைந்ததற்கு ஒரு முக்கியக் காரணம்.

அதனால் வாடிக்கையாளர்கள், என்ன கார்/பைக்/ஸ்கூட்டர் வாங்குவது என்பதற்கு உதவி செய்ய... இந்த ஆண்டில் வெளிவந்த சிறந்த வாகனங்களைத் தேர்ந்தெடுக்க வேண்டிய நேரம் நமக்குக் கொஞ்சம் முன்கூட்டியே வந்துவிட்டது. இதற்கு எப்போதும் உங்கள் உதவியைத்தான் மோட்டார் விகடன் நாடும். இந்த ஆண்டு அவசரத்தைப் புரிந்துகொண்டு, ஆன்-லைனில் நீங்கள் வாக்களித்து எங்களுக்கு உறுதுணையாக இருந்தீர்கள்.

வாடிக்கையாளர்கள் கார்/பைக்குகளைத் தேர்ந்தெடுக்க உதவியாக, மோட்டார் விகடன் தேர்வுக் குழுவும் சற்று முன்கூட்டியே சுறுசுறுப்படைந்து போட்டியாளர்களை அலசி ஆராய்ந்து வெற்றியாளர்களை அறிவித்திருக்கிறது.

வாசகர்களாகிய உங்கள் தேர்வும், எங்கள் தேர்வுக் குழுவின் தேர்வும் வழக்கம்போல இந்த ஆண்டும் ஒரே மாதிரி இருப்பதில் எங்களுக்குப் பெருத்த மகிழ்ச்சி!

அன்புடன்

ஆசிரியர்