Published:Updated:

அன்பு வணக்கம்!

அன்பு வணக்கம்!
பிரீமியம் ஸ்டோரி
News
அன்பு வணக்கம்!

மோட்டார் விகடன் எப்போதும் ஒரு படி முன்னே இருக்க உறுதுணையாக, உங்களின் கரம் பற்றி 15-ம் ஆண்டில் அடியெடுத்து வைக்கிறோம்.

மதிப்புக்குரிய வாசகப் பெருமக்களே!

சவால்களை எப்படிச் சமாளிப்பது என்ற வாழ்க்கைப் பாடத்தை அழுத்தமாகக் கற்றுக்கொடுத்துவிட்டு விடை பெற்றிருக்கிறது 2020. `கொரோனா ஆண்டு முடிந்து 2021 பிறக்கட்டும். புதிய காரை வாங்கிக் கொள்ளலாம்’ என்று காத்திருந்த வாடிக்கையாளர்களின் மைண்ட் வாய்ஸ், கார் கம்பெனிகளுக்குக் கேட்காமல் இருந்திருக்குமா என்ன? கடந்த ஆண்டு அடக்கி வாசித்துக் கொண்டிருந்த கார் கம்பெனிகள் எல்லாம்கூட, இந்த வருடம் முழு வீச்சில் வரிசையாகத் தங்களது புதிய கார்களை அறிமுகம் செய்ய ஆயத்தமாகி வருகின்றன. அடுத்த 12 மாதங்களுக்குள் என்னென்ன கார்கள் எல்லாம் களம் காணப் போகின்றன என்று தெரிந்தால்... காரை இப்போதே வாங்கலாமா... அல்லது புதிய மாடல் கார் வந்த பிறகு அதையே வாங்கலாமா என்ற முடிவை எடுக்க வசதியாக இருக்கும் என்பதால்... அப்படி ஒரு லிஸ்ட்டை இந்த இதழில் கொடுத்திருக்கிறோம்.

சென்ற இதழில் உங்களோடு இணைந்து மோட்டார் விகடன் தேர்ந்தெடுத்து அறிவித்த சிறந்த கார் மற்றும் பைக்ஸ் பட்டியலை ஒட்டியே - ஏனைய ஊடகங்களின் சிறந்த கார், பைக் பட்டியல் வரத் துவங்கியிருக்கின்றன. மோட்டார் விகடன் எப்போதும் ஒரு படி முன்னே இருக்க உறுதுணையாக, உங்களின் கரம் பற்றி 15-ம் ஆண்டில் அடியெடுத்து வைக்கிறோம். டெஸ்ட் டிரைவ் முதற்கொண்டு பயண அனுபவங்கள் வரை மோட்டார் விகடனில் இடம்பெற இருக்கும் சகலவிதமான கட்டுரைகளிலும் உங்கள் பங்கு மேலும் அதிகமாக வேண்டும் என்பதே எங்கள் ஆசை. எங்களின் இந்த ஆசையை நிச்சயம் நீங்கள் நிறைவேற்றுவீர்கள் என்ற நம்பிக்கை எங்களுக்கு இருக்கிறது.

இந்தப் புதிய ஆண்டு, பல இனிய புதிய அனுபவங்களைத் தங்களுக்கு வழங்கட்டும்.

அன்புடன்

ஆசிரியர்