<p><strong>பொ</strong>ருளாதார மந்தநிலையிலிருந்து நாட்டை மீட்டெடுக்க நிதியமைச்சர் நிர்மலா சீதாராமன், கடந்த சில நாள்களாக அடுக்கடுக்காகப் பல அறிவிப்புகளை வெளியிட்டுவருகிறார்.</p><p>‘பொருளாதாரம் நன்றாகத்தான் இருக்கிறது’ என்று இதுநாள்வரை சாதித்துவந்த அரசு, முதல்முறையாக, ‘ஆம். பொருளாதாரம் சுணக்கம் அடைந்திருக்கிறது’ என்ற உண்மையை ஏற்றுக்கொண்டதே நல்ல தொடக்கம்தான். தீர்வுக்கான முதல் அடி என்பது, பிரச்னை இருக்கிறது என்பதை ஏற்றுக்கொள்வதுதான். அந்தவகையில் தீர்வை நோக்கிய மத்திய அரசின் முதல் அடி என்பது வரவேற்கத்தக்கது. ஆனால் இதுவே தீர்வு ஆகிவிடாது. தீர்வை நோக்கிச் செல்ல வேண்டிய பாதையும் நீளம்; பயணமும் தூரம். </p><p>சமீபத்திய நடவடிக்கைகளில் முக்கியமான ஒன்று, அரசுடைமையாக்கப்பட்ட பத்து வங்கிகளை இணைத்து நான்கு வங்கிகளாக ஆக்கும் அறிவிப்பை நிதியமைச்சர் அறிவித்திருப்பது. இந்தத் தொடர் இணைப்பு நடவடிக்கைகளால் 27 தேசியமயமாக்கப்பட்ட வங்கிகள் இருந்த இடத்தில் 12 தேசியமாக்கப்பட்ட வங்கிகள்தான் இருக்கும். வங்கித்துறையில் சீர்திருத்தம் தேவை என்பது நீண்ட நாள்களாக எழுப்பப்படும் கோரிக்கைதான். வங்கிகள் இணைக்கப்படுவது என்பது தேவையற்ற நிர்வாகச் செலவுகளைக் குறைக்க உதவும். ‘`வெளிநாட்டு வங்கிகளோடு போட்டிபோடும் அளவுக்குத் திறன் கொண்ட அடுத்த தலைமுறைக்கான வங்கிகளை உருவாக்க இந்த இணைப்புகள் அவசியம்” என்று நிதியமைச்சர் சொல்லியிருக்கிறார்.</p>.<p>ஏற்கெனவே இப்படி இரண்டு முறை வங்கிகள் இணைக்கப்பட்டுள்ளன. ‘இந்த இணைப்புகள் அனைத்தையுமே வாடிக்கையாளர்களுக்கு எந்த வித இடையூறும் இல்லாத அளவுக்கு சுமுகமாக நடத்திக்காட்டியிருக்கிறோம். ஆட்குறைப்பும் செய்யவில்லை. அதனால் எந்தவித அச்சத்துக்கும் இதில் இடமில்லை. இந்த இணைப்பையும் போதுமான கால அவகாசம் எடுத்துக் கொண்டு நிதானமாகவும் வெற்றிகரமாகவும் செய்துமுடிப்போம்’ என்று அரசு சொல்கிறது.</p><p>ஆனால் ஆட்குறைப்பு இல்லாமல் வங்கிகள் இணைப்பு என்பது சாத்தியமில்லை. மேலும், ஆட்குறைப்பு இல்லாமல், இந்த வங்கிகள் இணைப்பு நடவடிக்கையின் நோக்கமும் முழுமையடையாது. எனவே இதை மத்திய அரசு மூடி மறைப்பதில் அர்த்தமில்லை.</p><p>மேலும், வங்கிகள் இணைப்புடன் வாராக்கடன்களைக் குறைப்பதற்கான நடவடிக்கைகளிலும் அரசு ஈடுபட வேண்டும். ‘இந்தியாவில் எல்லோருக்கும் வங்கிக்கணக்கு’ என்பது மோடியின் கனவுத்திட்டம். கிராமப்புறம் வரை பரவியிருக்கும் வங்கிச்சேவைகளில் எந்த பாதிப்பும் இல்லாதவாறு இந்த வங்கிகள் இணைப்புத் திட்டம் நடைமுறைப்படுத்தப்பட வேண்டும்.</p><p>பொருளாதார மந்தநிலைக்கான தீர்வை நோக்கிச் செல்லும் பயணத்தில் அனைவரின் ஒத்துழைப்பும் இருக்கும்போதுதான் அது முழுமையடையும்.</p>
<p><strong>பொ</strong>ருளாதார மந்தநிலையிலிருந்து நாட்டை மீட்டெடுக்க நிதியமைச்சர் நிர்மலா சீதாராமன், கடந்த சில நாள்களாக அடுக்கடுக்காகப் பல அறிவிப்புகளை வெளியிட்டுவருகிறார்.</p><p>‘பொருளாதாரம் நன்றாகத்தான் இருக்கிறது’ என்று இதுநாள்வரை சாதித்துவந்த அரசு, முதல்முறையாக, ‘ஆம். பொருளாதாரம் சுணக்கம் அடைந்திருக்கிறது’ என்ற உண்மையை ஏற்றுக்கொண்டதே நல்ல தொடக்கம்தான். தீர்வுக்கான முதல் அடி என்பது, பிரச்னை இருக்கிறது என்பதை ஏற்றுக்கொள்வதுதான். அந்தவகையில் தீர்வை நோக்கிய மத்திய அரசின் முதல் அடி என்பது வரவேற்கத்தக்கது. ஆனால் இதுவே தீர்வு ஆகிவிடாது. தீர்வை நோக்கிச் செல்ல வேண்டிய பாதையும் நீளம்; பயணமும் தூரம். </p><p>சமீபத்திய நடவடிக்கைகளில் முக்கியமான ஒன்று, அரசுடைமையாக்கப்பட்ட பத்து வங்கிகளை இணைத்து நான்கு வங்கிகளாக ஆக்கும் அறிவிப்பை நிதியமைச்சர் அறிவித்திருப்பது. இந்தத் தொடர் இணைப்பு நடவடிக்கைகளால் 27 தேசியமயமாக்கப்பட்ட வங்கிகள் இருந்த இடத்தில் 12 தேசியமாக்கப்பட்ட வங்கிகள்தான் இருக்கும். வங்கித்துறையில் சீர்திருத்தம் தேவை என்பது நீண்ட நாள்களாக எழுப்பப்படும் கோரிக்கைதான். வங்கிகள் இணைக்கப்படுவது என்பது தேவையற்ற நிர்வாகச் செலவுகளைக் குறைக்க உதவும். ‘`வெளிநாட்டு வங்கிகளோடு போட்டிபோடும் அளவுக்குத் திறன் கொண்ட அடுத்த தலைமுறைக்கான வங்கிகளை உருவாக்க இந்த இணைப்புகள் அவசியம்” என்று நிதியமைச்சர் சொல்லியிருக்கிறார்.</p>.<p>ஏற்கெனவே இப்படி இரண்டு முறை வங்கிகள் இணைக்கப்பட்டுள்ளன. ‘இந்த இணைப்புகள் அனைத்தையுமே வாடிக்கையாளர்களுக்கு எந்த வித இடையூறும் இல்லாத அளவுக்கு சுமுகமாக நடத்திக்காட்டியிருக்கிறோம். ஆட்குறைப்பும் செய்யவில்லை. அதனால் எந்தவித அச்சத்துக்கும் இதில் இடமில்லை. இந்த இணைப்பையும் போதுமான கால அவகாசம் எடுத்துக் கொண்டு நிதானமாகவும் வெற்றிகரமாகவும் செய்துமுடிப்போம்’ என்று அரசு சொல்கிறது.</p><p>ஆனால் ஆட்குறைப்பு இல்லாமல் வங்கிகள் இணைப்பு என்பது சாத்தியமில்லை. மேலும், ஆட்குறைப்பு இல்லாமல், இந்த வங்கிகள் இணைப்பு நடவடிக்கையின் நோக்கமும் முழுமையடையாது. எனவே இதை மத்திய அரசு மூடி மறைப்பதில் அர்த்தமில்லை.</p><p>மேலும், வங்கிகள் இணைப்புடன் வாராக்கடன்களைக் குறைப்பதற்கான நடவடிக்கைகளிலும் அரசு ஈடுபட வேண்டும். ‘இந்தியாவில் எல்லோருக்கும் வங்கிக்கணக்கு’ என்பது மோடியின் கனவுத்திட்டம். கிராமப்புறம் வரை பரவியிருக்கும் வங்கிச்சேவைகளில் எந்த பாதிப்பும் இல்லாதவாறு இந்த வங்கிகள் இணைப்புத் திட்டம் நடைமுறைப்படுத்தப்பட வேண்டும்.</p><p>பொருளாதார மந்தநிலைக்கான தீர்வை நோக்கிச் செல்லும் பயணத்தில் அனைவரின் ஒத்துழைப்பும் இருக்கும்போதுதான் அது முழுமையடையும்.</p>
