Published:Updated:

மன்னிக்கமாட்டார்கள்!

பசுமை விகடன்
பிரீமியம் ஸ்டோரி
பசுமை விகடன்

அனைவருக்கும் பசுமை வணக்கம்!

மன்னிக்கமாட்டார்கள்!

அனைவருக்கும் பசுமை வணக்கம்!

Published:Updated:
பசுமை விகடன்
பிரீமியம் ஸ்டோரி
பசுமை விகடன்

‘‘ஜீரோ பட்ஜெட் இயற்கை வேளாண்மை முறையின் மூலம் 2022-ம் ஆண்டுக்குள் விவசாயிகளின் வருமானத்தை இருமடங்காக உயர்த்தத் திட்டமிட்டுள்ளோம்.’’

இதை 2019-20-ம் நிதி ஆண்டுக்கான மத்திய பட்ஜெட்டைத் தாக்கல் செய்தபோது, நிதியமைச்சர் நிர்மலா சீதாராமன் அறிவித்திருந்தார். இந்த இனிப்பான அறிவிப்பு வந்தவுடன் நாடு முழுவதும் உள்ள இயற்கை விவசாயிகளும், இயற்கை ஆர்வலர்களும் ஆனந்தப்பட்டார்கள். மத்திய அரசும், நாடு முழுக்க 600 வட்டாரங்களில் ஜீரோ பட்ஜெட் முறை மூலம் பண்ணைகள் அமைக்கும் பூர்வாங்கப் பணியினைத் தொடங்கியுள்ளது.

அரசின், இந்த அதிவேகத்தைக் கண்ட ரசாயன உரம், பூச்சிக்கொல்லியைத் தயாரிக்கும் நிறுவனங்களும் அதைத் தூக்கிப்பிடித்துப் பிரசாரம் செய்யும் விஞ்ஞானிகளும், இப்போது எதிர்ப்புக்குரல் எழுப்பத் தொடங்கியுள்ளனர். தேசிய வேளாண் அறிவியல் அகாடமி (National Academy of Agricultural Sciences) என்ற அரசு உதவி பெறும் அமைப்பின் தலைவர் பஞ்சாப் சிங், ‘‘முறையான அறிவியல் மதிப்பீடு இல்லாத காரணத்தால், இப்போதைக்கு ஜீரோ பட்ஜெட் விவசாயத்தை ஊக்குவிக்க வேண்டிய அவசியம் இல்லை” எனப் பிரதமர் நரேந்திர மோடிக்குக் கடிதம் எழுதியிருக்கிறார்.

ஜீரோ பட்ஜெட் இயற்கை வேளாண்மை என்பது, இந்திய மண்ணில் பல்லாயிரம் ஆண்டுகளாகப் பின்பற்றப்பட்டு வந்த பாரம்பர்ய விவசாய முறையின் மதிப்புக்கூட்டப்பட்ட மறுவடிவம். இதை உருவாக்கிய மகாராஷ்டிராவைச் சேர்ந்த ‘வேளாண் வித்தகர்’ சுபாஷ் பாலேக்கர், வேளாண் பட்டதாரி என்பது கூடுதல் சிறப்பு.

நஞ்சில்லா உணவை உற்பத்தி செய்து, செலவைக் குறைத்து, வருமானத்தைப் பெருக்கும் இந்த வெற்றிபெற்ற தொழில்நுட்பத்தை, நாடு முழுக்க ஆயிரக்கணக்கான விவசாயிகள் பின்பற்றிவருகின்றனர்.

மண்ணையும் மக்களையும் பாழ்படுத்தும் ரசாயன முறை வேளாண்மையும் மரபணு மாற்றுத் தொழில்நுட்பங்களும்தான் அறிவியல்பூர்வமானது எனச் செஞ்சோற்றுக்கடனுக்காகப் பிரசாரம் செய்யும் வேளாண் விஞ்ஞானிகளை, இந்திய விவசாயிகள் ஒருபோதும் மன்னிக்கமாட்டார்கள்.

- ஆசிரியர்