Published:Updated:

தலைக்கு மேல் தொங்கும் கத்தி!

ஆனந்த விகடன்
பிரீமியம் ஸ்டோரி
ஆனந்த விகடன்

முற்றுப்புள்ளி வையுங்கள் மோடி அவர்களே! ’‘கேள்வி கேட்டால், தேசத்துரோகமா?’

தலைக்கு மேல் தொங்கும் கத்தி!

முற்றுப்புள்ளி வையுங்கள் மோடி அவர்களே! ’‘கேள்வி கேட்டால், தேசத்துரோகமா?’

Published:Updated:
ஆனந்த விகடன்
பிரீமியம் ஸ்டோரி
ஆனந்த விகடன்

- இந்தக் கேள்வியை அட்டைப் படத்தில் சுமந்தபடி கடந்த இதழ் (16/10/2019) ஆனந்த விகடன் உங்கள் கைகளுக்கு வந்தபோதே, ‘மணிரத்னம், ரேவதி உள்ளிட்ட 49 பேர்மீதான தேசத்துரோக வழக்கை பீகார் மாநிலக் காவல்துறை ரத்து செய்தது’ என்ற அறிவிப்பும் சேர்ந்தே வந்தது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

பா.ஜ.க ஆட்சிக்கு வந்த பிறகு, பசுப்பாதுகாப்புப் படை, ஜெய்ஸ்ரீராம் சேனா என்று விதவிதமான பெயர்களில் வெளிப்பட ஆரம்பித்த கும்பல்கள், பட்டியலினத்தவர் மற்றும் சிறுபான்மையினர்மீது தாக்குதல் நடத்துவதும், கொன்றுபோடுவதும் வாடிக்கையாகிப் போனது. அந்தத் தாக்குதல்களைக் கண்டித்தே ‘பிரதமர் அவர்களே, இந்தக் கொலைவெறித் தாக்குதல்களைக் கண்டித்து நாடாளுமன்றத்தில் பேசியது போதாது. நீங்களே முற்றுப்புள்ளியும் வைக்கவேண்டும்’ என்று மணிரத்னம், ராமச்சந்திர குகா, ரேவதி, அனுராக் காஷ்யப் உள்ளிட்ட 49 பிரபலங்கள் மோடிக்குக் கடிதம் எழுதினர்.

தலைக்கு மேல் தொங்கும் கத்தி!

இதைக் கையில் எடுத்த பீகாரைச் சேர்ந்த வழக்கறிஞர் சுதிர்குமார் ஓஜா, ‘இது தேசவிரோதமான செயல்’ என்று பொதுநல வழக்கு தொடுக்க, நீதிமன்றமும் ஆமோதிக்க, தேசத்துரோக வழக்கைப் பதிவுசெய்தது பீகார் போலீஸ். கருத்துச்சுதந்திரத்தின் குரல்வளையை நெறிக்கும் இத்தகைய செயலுக்கு எதிராகப் பொதுநல அமைப்பினர் தொடங்கி பலரும் குரல் கொடுத்தனர். அந்த வரிசையில் விகடனின் எதிர்க்குரல்தான், கடந்த இதழ் கட்டுரை, தலையங்கம் எல்லாம்.

இந்நிலையில்தான், ‘`சுதிர்குமார் ஓஜா தந்திருப்பது ஆதாரமற்ற மற்றும் விஷமத்தனமான புகார்’’ என்று கூறி, அந்த வழக்கை ரத்துசெய்துள்ளார் முசாஃபர்பூர் காவல்துறைக் கண்காணிப்பாளர் மனோஜ் குமார் சின்கா. அதேசமயம், ‘`அரசியல் அழுத்தங்கள் காரணமாகத்தான் வழக்கு ரத்துசெய்யப்பட்டுள்ளது. இதற்காக போலீஸ்மீது வழக்கு தொடுப்பேன்’’ என மீண்டும் கிளம்பியுள்ளார் ஓஜா.

வழக்கு ரத்துசெய்யப்பட்டதன் பின்னணியில் மத்திய அல்லது பீகார் மாநில அரசுக்குப் பங்கு இருக்கிறதா என்று தெரியவில்லை. அப்படியொரு கடிதம் எழுதக் காரணமாக இருந்த சூழலும் கொஞ்சமும் மாறவில்லை. பிரதமருக்குக் கடிதம் எழுதுவது தேசத்துரோகமா, இல்லையா என்கிற கேள்விக்கான பதிலும் கிடைக்கவில்லை. இதற்கு நீங்கள்தான் முற்றுப்புள்ளி வைக்க வேண்டும் `பிரதமர் அவர்களே!'