Published:Updated:

அன்பு வணக்கம்!

மதிப்புக்குரிய வாசகப் பெருமக்களே...

பிரீமியம் ஸ்டோரி

மாருதி சுஸூகிக்குத் தேவைப்படும் புத்துணர்வை, எஸ்-ப்ரஸ்ஸோ கொடுத்திருக்கிறது. பத்தே நாள்களில் பத்தாயிரம் புக்கிங் என்றால், இதுபோன்ற சவாலான காலகட்டத்தில் அது நிச்சயம் ஒரு வெற்றிதான். எஸ்-ப்ரஸ்ஸோ ஒரு மினி எஸ்யூவியா, மைக்ரோ எஸ்யூவியா, இல்லை இது ஒரு ஹேட்ச்பேக்தானா..? அறிமுகமாயிருக்கும் BS-6 விதிகளுக்கு ஏற்பத் தயாரிக்கப்பட்ட புதிய K10B 1.0 லிட்டர் இன்ஜினோடு வந்திருக்கும் எஸ்-ப்ரஸ்ஸோ - விலை, மைலேஜ், பர்ஃபாமன்ஸ், கேபின் போன்றவற்றில் எப்படியிருக்கிறது? மாருதி சுஸூகிக்கு இந்தத் தீபாவளியை இனிப்பான தீபாவளியாக எஸ்-ப்ரஸ்ஸோ மாற்றுமா போன்ற பல கேள்விகளுக்கு, இந்த இதழில் வெளியாகியிருக்கும் டெஸ்ட் டிரைவ் விடை சொல்லும்.

சிறிய கார்களைக்கூட எஸ்யூவியோடு அடையாளப்படுத்தி விற்பனை செய்யும் யுக்தி ஒரு பக்கம் இருந்தாலும், ஹேட்ச்பேக் கார்களுக்கான வாடிக்கையாளர்கள் பெருமளவில் இருக்கத்தான் செய்கிறார்கள். இதுபோன்ற வாடிக்கையாளர்களை மனதில் வைத்துத் தயாரிக்கப்பட்டிருக்கும் ஹூண்டாய் கிராண்ட் i10 நியோஸ், இப்போது நேரடியாக மாருதி சுஸூகியின் ஸ்விஃப்ட் மற்றும் ஃபோர்டு ஃபிகோ உடன் போட்டி போடுகிறது. ஃபிகோ என்றால் ஃபன் டு டிரைவ், ஸ்விஃப்ட் என்றால் இன்ஜின். இதுபோல கிராண்ட் i10 நியோஸை எப்படிக் குறிப்பிடலாம்? ப்ரீமியம் வசதிகள், தாராளமான கேபின், பிராக்டிக்கல் அம்சங்கள் என்று பல வார்த்தைகள் மனதில் அலையடிக்கும். ஆனால் நியோஸுக்கு அதிகம் பொருந்தும் அடைமொழி எது... இந்த மூன்று கார்களுக்குமான ஒப்பீட்டில், உங்களுக்குப் பதில் கிடைக்கலாம்.

சேட்டக் என்பது நமது நாட்டின் சரித்திரத்தோடு மட்டுமல்ல... நம் நாட்டின் பல லட்சம் மக்களின் வாழ்க்கையோடும் கலந்த ஒரு ஸ்கூட்டர். சேட்டக் பற்றி ஏராளமான கதைகளை, நம் வீட்டில் இருக்கும் பெரியவர்கள் சொல்லிக் கேட்டிருக்கிறோம். அந்தக் கதைகளுக்கெல்லாம் உரிய வாகனமாக புதிய சேட்டக் இருக்கிறதா என்று, இந்தத் தலைமுறை இப்போது தாங்களாகவே எடை போட ஒரு வாய்ப்பு கிடைத்துள்ளது.

அன்புடன்

ஆசிரியர்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு