Published:Updated:

காவிரி : கைநழுவிப் போகுமா நீதி?

காவிரி
பிரீமியம் ஸ்டோரி
காவிரி

அரைநூற்றாண்டுக்காலம் தமிழகம் நடத்திய சட்டப் போராட்டத்திற்குப் பிறகு, காவிரி மேலாண்மை ஆணையம் அமைந்து ஒரு வருடம்தான் ஆகிறது.

காவிரி : கைநழுவிப் போகுமா நீதி?

அரைநூற்றாண்டுக்காலம் தமிழகம் நடத்திய சட்டப் போராட்டத்திற்குப் பிறகு, காவிரி மேலாண்மை ஆணையம் அமைந்து ஒரு வருடம்தான் ஆகிறது.

Published:Updated:
காவிரி
பிரீமியம் ஸ்டோரி
காவிரி

தற்கு நிரந்தரமான தலைவர் நியமிக்கப்பட்டுச் சில நாள்கள்தான் ஆகின்றன. ஆனால் அதற்குள் இப்போது அதற்கும் ஆபத்து வந்துவிட்டது. ‘ஒரே நாடு; ஒரே தேர்தல்’, ‘ஒரே நாடு; ஒரே ரேஷன்’ என்ற மத்திய அரசின் அடுக்கடுக்கான திட்டங்களில் அடுத்த திட்டம் ‘ஒரே நாடு; ஒரே நதிநீர் வாரியம்.’

இப்படி ஒரு மசோதாவை 2017-ம் ஆண்டு மத்திய அரசு நாடாளுமன்றத்தில் அறிமுகப்படுத்தியபோதே கடும் எதிர்ப்புகள் எழுந்தன. காரணம், அந்த மசோதாவில், ‘நடைமுறையில் உள்ள நதிநீர் நடுவர் மன்றங்கள் எல்லாம் கலைக்கப்படும்’ என்றும், ‘அந்த நடுவர் மன்றங்களில் நிலுவையில் உள்ள நதிநீர் தாவாக்கள் புதிதாக உருவாக்கப்படும் தீர்ப்பாயத்திற்கு அனுப்பப்படும்’ என்றும் கூறப்பட்டிருந்தது. மாநிலங்களுக்கு இடையிலான நதிநீர் தாவா சட்டத்தில், “நடுவர் மன்றத் தீர்ப்புகளை மத்திய அரசு, அரசிதழில் வெளியிட வேண்டும்” என்றிருந்த விதியும் அந்த மசோதாவில் ரத்து செய்யப்பட்டிருந்தது. 2007-ல் காவிரி நடுவர் மன்றத்தின் இறுதித்தீர்ப்பு வெளியானபோதும் உச்சநீதிமன்றத்தில் தமிழக அரசு வழக்கு நடத்தி ஆறு ஆண்டுகளுக்குப் பிறகுதான், நடுவர்மன்றத் தீர்ப்பு அரசிதழில் வெளியிடப்பட்டது. சட்டப் போராட்டத்தின் மூலம் நமக்குக் கிடைத்த நீதியைப் பறிக்க நினைக்கும்போது நாம் எதிர்த்துதானே ஆகவேண்டும். ஆனால் இப்போதோ நிலைமை அதைவிட மோசம்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

குறிப்பாக மத்திய நீர்வளத்துறைச் செயலாளர் வெளியிட்டிருக்கும் தகவல்கள் நம் அச்சத்தை இன்னும் அதிகப்படுத்துகின்றன. ‘`ஓய்வுபெற்ற உச்சநீதிமன்ற நீதிபதி தலைமையில் நிரந்தர நடுவர் மன்றம் அமைக்கப்படும். அதன் கட்டுப்பாட்டில் நதிநீர்ப் பிரச்னைகளைத் தீர்ப்பதற்குத் தனித்தனி அமர்வுகள் உருவாக்கப்படும். குறிப்பிட்ட நதிநீர்ப் பிரச்னை தீர்க்கப்பட்டவுடன் அதற்கான அமர்வு கலைக்கப்படும். இது தொடர்பான சட்டமசோதா அடுத்த நாடாளுமன்றக் கூட்டத்தொடரிலேயே தாக்கல் செய்யப்படும்’’ என்று கூறியிருக்கிறார் அவர்.

காவிரி நடுவர்மன்றத்திற்குத் தலைவர்களாக நியமிக்கப்பட்ட மூன்று நீதிபதிகளுமே பணியில் இருந்தவர்கள். அவர்களாலேயே கர்நாடக அரசை வழிக்குக் கொண்டுவர முடியவில்லை. அப்படியிருக்கும்போது ஓய்வுபெற்ற நீதிபதி தலைமையில் இயங்கக்கூடிய இந்தத் தீர்ப்பாயத்தால் என்ன செய்துவிட முடியும் என்ற கேள்வி நம்மை பயமுறுத்துகிறது. அமையப்போவதாகச் சொல்லப்படும் தீர்ப்பாயம் நாடு முழுதும் இருக்கும் பல மாநிலங்கள் மற்றும் நதிகள் தொடர்பான பிரச்னைகளைக் கையாளும் என்றால், காவிரிப் பிரச்னைக்குத் தனிக்கவனம் கிடைக்காது. காலதாமதம் அதிகமாகும்.

இப்போது அமைந்திருக்கும் காவிரி மேலாண்மை ஆணையத்தாலும் சரி, காவிரி ஒழுங்காற்றுக்குழுவாலும் சரி, உச்ச நீதிமன்ற உத்தரவுப்படி தமிழகத்துக்கு நேரடியாகத் தண்ணீரைத் திறந்துவிட முடியவில்லை. இப்போது இருப்பதைவிடவும் பலவீனமான ஒரு தீர்ப்பாயம் அமையப்பெற்றால் அது காவிரிப் பிரச்னையை இன்னும் சிக்கலாக்கிவிடும்.

காவிரிப் பிரச்னையில் உச்சநீதிமன்றத்தின் இறுதித் தீர்ப்பு நமக்கு முழுத்திருப்தி அளிக்காதபோதும் ஏற்றுக்கொண்டோம். ஆனால் அந்தக் குறைந்தபட்ச நீதியும் மத்திய அரசால் கைநழுவிப்போகும் என்றால், உரிமைக்காக நாம் உரத்த குரல் எழுப்பத்தான் வேண்டும்.