Published:Updated:

வாழ்க்கையை அர்த்தத்தோடு ஆரம்பிக்கலாமே!

தலையங்கம்
பிரீமியம் ஸ்டோரி
தலையங்கம்

இரண்டு மகள்களின் தடபுடல் திருமணத்தினால் சொந்தபந்தங்களையும் ஊர் மக்களையும் மூக்கின் மேல் விரல்வைக்க வைத்த ஏரியாவாசி, சமீபத்தில் தன் மூன்றாவது மகளின் திருமணத்தின் மூலம் அனைவரையும் ஆச்சர்யப்படுத்திவிட்டார்.

வாழ்க்கையை அர்த்தத்தோடு ஆரம்பிக்கலாமே!

இரண்டு மகள்களின் தடபுடல் திருமணத்தினால் சொந்தபந்தங்களையும் ஊர் மக்களையும் மூக்கின் மேல் விரல்வைக்க வைத்த ஏரியாவாசி, சமீபத்தில் தன் மூன்றாவது மகளின் திருமணத்தின் மூலம் அனைவரையும் ஆச்சர்யப்படுத்திவிட்டார்.

Published:Updated:
தலையங்கம்
பிரீமியம் ஸ்டோரி
தலையங்கம்

ம்முறை ஆச்சர்யத்தில் ஆழ்த்தியது ஆடம்பரம் அல்ல; மிக எளிமையான முறையில் நடந்து முடிந்த கடைசி மகளின் திருமணம். இதற்காக அவர் சொன்ன காரணம், அதைவிட ஆச்சர்யம்.

“என்னோட கடைசி பொண்ணுக்குத் திருமணப் பேச்சு ஆரம்பமானதுமே, இதான் நம்ம குடும்பத்துல நடக்கப்போற கடைசி கல்யாணம். அதனால மூத்த பொண்ணுங்களுக்கு நடந்ததைவிட இந்தக் கல்யாணத்தை தடபுடலா நடத்திடணும்னு முடிவு பண்ணிட்டேன். பொண்ணுக்கு நகை, புடவைன்னு லட்சக்கணக்கில் பட்ஜெட் ஒதுக்கியிருந்தேன். ஆனால், ‘இவ்ளோ காஸ்ட்லி புடவை வேணாம். மேல மேல எதுக்கு நகையா வாங்கறீங்க. எல்லாத்தையும் மொத்தமா போட்டுக்க முடியுமா’ன்னு ஒவ்வொரு காசையும் பார்த்து பார்த்து செலவு பண்ணிட்டிருந்த என் கடைசி பொண்ணைக் கூப்பிட்டு, ‘அப்பாவுக்கு செலவை இழுத்து வெச்சுடப் போறோம்னு தயங்காம புடிச்சதை வாங்கிக்கோமா’ன்னு சொன்ன என்னை, வாயடைக்க வெச்சுடுச்சு அவளோட பதில்”னு சஸ்பென்ஸாக நிறுத்தியவரை ஆவலுடன் பார்த்தேன். என் மனத்தை படித்தவர் தொடர்ந்தார்...

“ ‘அக்காங்க கல்யாணத்தை ரொம்ப கிராண்டா பண்ணீங்க. அதைவிட அதிகமா எதிர்பார்க்கும் பொண்ணா இருக்க எனக்கு விருப்பம் இல்லைப்பா. வாழ்க்கையை ரொம்ப எளிமையா வாழ ஆசைப்படுறேன். நாம படிக்கிற படிப்பு, பணம் சம்பாதிக்க மட்டும் இல்லாம, நம்ம வாழ்க்கையோடவும் கலந்து இருக்கணும். என் கல்யாணத்தை நடத்த நீங்க ஒதுக்கி இருக்கும் தொகையை முடிந்த அளவுக்கு மிச்சப்படுத்தி, படிக்க ஆர்வமிருந்தும் படிக்க வசதி இல்லாத குழந்தைகளுக்குக் கொடுத்து, என் கல்யாண வாழ்க்கையை அர்த்தத்தோட ஆரம்பிக்க நினைக்கிறேன். அதுதான் படிச்ச படிப்புக்கு நான் கொடுக்கும் மரியாதை’ன்னு பொட்டுல அடிக்குற மாதிரி சொல்லிட்டா. சத்தியமா சொல்றேன் லட்சக்கணக்குல செலவு பண்ணி நடந்த ரெண்டு கல்யாணத்தைவிட, படிப்புக்கு உதவி, பசியோட இருந்தவங்களுக்கு அன்னதானம்னு நடந்த இந்தக் கல்யாணம் மனசுக்கு ரொம்ப இதமா இருந்துச்சு”ன்னு பெருமிதத்துடன் பேசினவரிடம் மகளின் படிப்பு குறித்து எழுப்பிய கேள்விக்குக் கிடைத்த பதில்...

“மாஸ்டர் ஆஃப் சோஷியல் வொர்க்.”

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மணமகள் இதழ் பற்றிய உங்கள் கருத்துகளை மறக்காமல், 044 - 6680 2922 என்ற எண்ணைத் தொடர்புகொண்டு தெரிவியுங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism