<p><span style="color: rgb(255, 0, 0);"><strong>சை</strong></span>க்கிள் வைத்திருக்காத மாணவனை அழைத்து, `நீ வெகுதூரம் செல்ல வேண்டும் என்றால் என்ன செய்வாய்?' என்று கேட்டால், `வாடகைக்கு சைக்கிள் எடுப்பேன்' என்பார். பள்ளிக்கு அருகில் உள்ள வாடகை சைக்கிள் கடைக்குச் சென்று, ஒரு மணி நேரத்துக்கு எவ்வளவு வாடகை? நாள் வாடகை எவ்வளவு என்பதைக் குறித்துவரச் செய்தேன்.</p>.<p>`சைக்கிளை வாடகைக்கு எடுத்தால், நமக்கு சொந்தம் இல்லை. மாறாக, தவணை முறையில் சைக்கிள் வாங்கலாம். பெரிய தொகையை மாதத் தவணையாகப் பிரித்து, கொஞ்சம் கொஞ்சமாகப் பணம் கட்டி அந்த சைக்கிளை சொந்தமாக்கிக்கொள்ளலாம்' என விளக்கினேன்.</p>.<p>இதுபோல, வங்கிகளில் கொடுக்கக்கூடிய வீட்டுக் கடன் வசதி, வாகன கடன் வசதி ஆகியவற்றை விளக்கலாம். </p>.<p>விளம்பரங்கள் பலவற்றைக் காண்பித்து, அதற்கான விளக்கம் அளிக்கலாம். 0% வட்டித் திட்டம், 100% கடன் திட்டம் குளிர்சாதனப் பெட்டி, துணி துவைக்கும் இயந்திரம் மற்றும் வீட்டுக்குத் தேவையான பொருள்களை எப்படி தவணை முறையில் வாங்கலாம் என்பதை, வகுப்பறையைப் பொருள்கள் விற்கும் இடமாக மாற்றி விளக்கலாம்.<br /> <br /> மாணவர்கள் செய்தி சேகரிப்பதன் அடிப்படையில் மதிப்பீடு வழங்கலாம்.</p>.<p style="text-align: right;"><span style="color: rgb(255, 0, 0);"><strong>- கரு.செல்வமீனாள்,சேர்மன் மாணிக்கவாசகம் நடுநிலைப் பள்ளி, தேவகோட்டை.</strong></span></p>
