‘தேசிய ஒருமைப்பாடு’ பாடத்துக்கு உரியது.
தேவையான பொருட்கள்:
சைனா களிமண், சிறிய ஆரஞ்சு நிறப் பந்து, முட்டை ஓடு அல்லது ஷார்ப்னர் (Pencil Sharpener),
பிரஷ், போஸ்டர் கலர், வார்னிஷ் கலர் பேப்பர்.
செய்முறை:
• ஆரஞ்சு நிறப் பந்தில், அதே நிற சைனா களிமண்ணால் மூக்கு, கண்கள், புருவங்கள், உதடுகள் செய்து ஒட்டவும். இது, உருவத்தின் தலைப் பகுதி.
• முட்டை ஓடு அல்லது முட்டை வடிவ ஷார்ப்னரின் மீது, உருவம் மற்றும் உடைகளுக்கு ஏற்ற வண்ணக் களிமண்ணைப் பயன்படுத்தி உருவாக்கவும். இதன் மீது ஆரஞ்சுப் பந்தை இணைக்கவும்.
• அடிப்பாகத்தில் பாதங்கள் செய்யவும். தலைப் பாகையாக வேறு வண்ணக் களிமண்ணைப் பயன்படுத்தவும். தாடிக்கு கறுப்பு நிற போஸ்டர் கலரைத் தீட்டவும்.
• கம்பீரமான சிங் உருவம் தயார். இதுபோல உங்கள் கற்பனைக்கு ஏற்ப பல்வேறு உருவங்களை உருவாக்கலாம்.
• பின்புலத்தில், இந்திய வரைபட வடிவில் வண்ணத் தாளில் வரைந்து, வெட்டிப் பயன்படுத்தலாம். இதை, ஆசிரியரிடம் காண்பித்து, மதிப்பீடு பெறலாம்.
- கே.பாலாஜி, அ.மே.நி.பள்ளி, திருமுல்லைவாசல், கொள்ளிடம்.