Published:Updated:

அன்புக்கு அஞ்சலி - ஜெ.ஜெயலலிதா 1948 - 2016

அன்புக்கு அஞ்சலி - ஜெ.ஜெயலலிதா 1948 - 2016
பிரீமியம் ஸ்டோரி
அன்புக்கு அஞ்சலி - ஜெ.ஜெயலலிதா 1948 - 2016

மு.நியாஸ் அகமது

அன்புக்கு அஞ்சலி - ஜெ.ஜெயலலிதா 1948 - 2016

மு.நியாஸ் அகமது

Published:Updated:
அன்புக்கு அஞ்சலி - ஜெ.ஜெயலலிதா 1948 - 2016
பிரீமியம் ஸ்டோரி
அன்புக்கு அஞ்சலி - ஜெ.ஜெயலலிதா 1948 - 2016

நம் எல்லாருக்குமே அம்மாவோடு  அதிக நேரம் செலவழிக்க ஆசை இருக்கும். அதுபோலத்தான் தமிழ்நாட்டின் முன்னாள் முதலமைச்சர் ஜெயலலிதாவுக்கும் இருந்தது. அவங்க அம்மா சந்தியா, சினிமாவில் நடிச்சுக்கிட்டு இருந்ததால், மகளோடு அதிக நேரம் இருக்க முடியலை.

சின்ன வயசு அம்மு, பெங்களூரில் தாத்தா வீட்டுல வளர்ந்தாங்க. ஒருநாள் நேரம் கிடைச்சாலும் மகளைப் பார்க்கிறதுக்காக, பெங்களூருக்கு அவங்க அம்மா வந்துடுவாங்க.   அம்மா கிளம்பிப்போயிடுவாங்களோனு அவங்க புடவை முந்தானையைப் பிடிச்சுக்கிட்டுத்தான் தூங்குவாங்களாம் அம்மு. ஒருகட்டத்தில் அம்முவை சென்னைக்கே அழைச்சுட்டு வந்துட்டாலும், சினிமா பிஸியில் மகளுக்காக நேரம் செலவழிக்கவே முடியலை.

அன்புக்கு அஞ்சலி - ஜெ.ஜெயலலிதா 1948 - 2016

அம்மாவுக்கு ஒரு கடிதம்

ஒருநாள் தன் அன்பை வார்த்தைகளாக மாற்றி, ‘என் அம்மா’ என்ற தலைப்பில் கடிதம் எழுதினாங்க. அம்மாவிடம் காட்டுறதுக்காக, இரவு முழுக்கக் காத்திருந்தாங்க. ஆனால், அவங்க வரவே இல்லை. பள்ளியில் அந்தக் கடிதத்தைப் பார்த்த ஆசிரியர்கள், உச்சிமுகர்ந்து கொண்டாடினாங்க. இரண்டு நாட்கள் கழிச்சு வீட்டுக்கு வந்த சந்தியா, அம்மு ஒரு புத்தகத்தை அணைச்சுட்டு தூங்குவதைப் பார்த்து, மெதுவாக எடுத்தாங்க. அம்மாவின் ஸ்பரிசத்தை உணர்ந்து கண் முழிச்ச அம்மு, அந்தக் கடிதத்தைக் காண்பிச்சாங்க. கடிதத்தைப் படித்த அம்மா, அம்முவை இறுக அணைச்சு, ‘இனி உன்னோடு அதிக நேரம் இருக்கேன்’னு சொன்னாங்க. ஆனால், வேலை காரணமாக அது நடக்கவே இல்லை.

தன் அம்மாவிடம் பெற முடியாத அந்த அன்பை, தான் வளர்ந்த பிறகு எல்லாக் குழந்தைகளிடம் காட்டினாங்க அம்மு என்கிற ஜெயலலிதா. அவங்களுக்காக பல சிறந்த திட்டங்களை நடைமுறைப்படுத்தினாங்க.

திட்டங்கள்

அதில் மிகச் சிறந்தது, ‘தொட்டில் குழந்தை திட்டம்’. பெண் சிசுக் கொலையைத் தடுக்கிறதுக்காக, 1992-ம் ஆண்டு, கொண்டுவந்த இந்தத் திட்டம், வரலாற்றில் என்றென்றும் நிலைச்சு இருக்கும்.

அடுத்து, இலவச மிதிவண்டி திட்டம். 10-ம்    வகுப்புக்கு பிறகு பல ஏழை மாணவிகள், பள்ளிக்கு வருவது இல்லை. காரணம், கிராமப் பகுதியில் இருந்து மேல்நிலைப் பள்ளிகளுக்கு நீண்ட தூரம் வருவதில் இருக்கும் சிரமம். இந்தத் திட்டத்தின் மூலம், அந்தக் குறையை நீக்கினாங்க. பள்ளி மாணவிகளுக்கான ‘இலவச நாப்கின் திட்டம்’, சுகாதாரம் மற்றும் ஆரோக்கியத்துக்கான சிறந்த திட்டமாகப் போற்றப்பட்டது. ‘இலவச மடிக்கணினி திட்டம்’, ஏழை மாணவர்களும் லேப்டாப்பைப் பயன்படுத்தி கல்வியை மேம்படுத்திக்கொள்ள உதவியாக இருந்தது.

ஒட்டுமொத்த விகடனுக்கும் ஒரே ஷார்ட்கட்!

அன்புக்கு அஞ்சலி - ஜெ.ஜெயலலிதா 1948 - 2016

எல்லாவற்றுக்கும் மேலாக, மாணவர்களின் படைப்பாற்றலை வெளிப்படுத்தும் புதிய கல்வி முறையை நடைமுறைப்படுத்தினாங்க. தொடர் மற்றும் முழுமையான மதிப்பீடு (Continuous and Comprehensive Evaluation - CCE) எனப்படும் இந்தக் கல்வி முறையின் மூலம் ஆசிரியர்கள், ஒவ்வொரு மாணவர்களின் தனித்திறமைகளைக் கவனித்து, கண்டறிந்து (Formative Assessment), மதிப்பீடு வழங்க வேண்டும். இந்தத் திட்டம்,  கற்றலை இனிமையாக்கி இருப்பது உங்கள் அனைவருக்குமே தெரியும்.

இப்படி பல சிறந்த திட்டங்களை நமக்காக அளித்த முன்னாள் முதலமைச்சர் ஜெயலலிதா, டிசம்பர் 5, 2016-ல் காலமானார். அவரது இழப்பு, பல வகையில் ஈடு செய்ய முடியாதது.

ஜெயலலிதா படிப்பில் படுசுட்டி.   நாமும் அவரைப் போல கல்வியில் சிறந்து விளங்குவோம். அதுதான் நாம் அவருக்கு செய்யும் உண்மையான அஞ்சலி!