சுழல் அட்டையில் தேசிய சின்னங்கள்!

தே வையான பொருள்கள்: பெரிய அளவிலான வட்ட அட்டை, சிறிய வட்ட அட்டை, ரிவிட் எனப்படும் பின், தேசிய சின்னங்களின் படங்கள், ஸ்கெட்ச்.

. செய்முறை:

. சிறிய வட்ட அட்டையைப் பெரிய அட்டையின் மையத்தில் வைத்து, இரு அட்டைகளின் மையத்தில் துளையிட்டு, ரிவிட் பின் பொருத்தவும். இரு அட்டைகளும் ஒரு பொதுவான மையத்தில் சுழலும்.

. ஸ்கெட்ச் பேனாவில் கோடிட்டு இரு வட்ட அட்டைகளையும் 8 சம பாகங்களாக பிரித்துக்கொள்ளவும்.

. சிறிய அட்டையின் ஒவ்வொரு பாகத்திலும் தேசியக்கொடி, தேசிய சின்னம், தேசிய விலங்கு, தேசிய பறவை என்று எழுதவும். பெரிய அட்டையில் தேசிய சின்னங்களின் படங்களை, ஒவ்வொரு பாகத்தில் ஒட்டவும்.

. சுழல் அட்டையைக் கரும்பலகையில் பொருத்த வேண்டும்.

. ஆசிரியர், ‘தேசிய மலர்’ என்று கூறியதும், ஒரு மாணவர் முன்வந்து சுழல் அட்டையின் சிறிய அட்டையை சுழற்றி, பெரிய அட்டையில் தாமரை மலர் படத்துக்கு நேராக வருமாறு நிறுத்த வேண்டும்.

இதுபோல எல்லா மாணவர்களையும் செய்யவைக்கலாம். - ப.குணசேகரன், ஊ.ஒ.ந.நி.பள்ளி, பள்ளப்பட்டி, தருமபுரி.

சுழல் அட்டையில் தேசிய சின்னங்கள்!

Vikatan Correspondent