Published:Updated:

கார்ட்டூன் மியூசியம்!

கார்ட்டூன் மியூசியம்!
பிரீமியம் ஸ்டோரி
கார்ட்டூன் மியூசியம்!

என்.மல்லிகார்ஜுனா

கார்ட்டூன் மியூசியம்!

என்.மல்லிகார்ஜுனா

Published:Updated:
கார்ட்டூன் மியூசியம்!
பிரீமியம் ஸ்டோரி
கார்ட்டூன் மியூசியம்!

ஹாய் ஃபிரெண்ட்ஸ்... உங்களுக்கு கார்ட்டூன் ஹீரோக்கள் என்றால் மிகவும் பிடிக்கும்தானே? அப்படி உங்களுக்குப் பிடித்த ஹீரோக்களின் பொம்மைகள் அனைத்தும் ஒரே இடத்தில் இருந்தால் எப்படி இருக்கும்? அந்தக் கண்கொள்ளாக் காட்சியைக் காணவேண்டும் என்றால் நீங்கள் ‘டாய் அண்டு ஆக்‌ஷன் ஃபிகர்’ (Toy and Action Figure) மியூஸியத்துக்குத்தான்  போகணும்.

கார்ட்டூன் மியூசியம்!

அமெரிக்காவின் ஒக்லஹோமாவில் உள்ள பால்ஸ் வேலி (Paul’s Valley) நகரில் அமைந்திருக்கும் இந்த மியூஸியமே, கார்ட்டூன் பொம்மைகளுக்கான உலகின் ஒரே மியூஸியம். இங்கு ஆயிரக்கணக்கான பொம்மைகள் உங்களை வரவேற்கும். மியூஸியத்தின் மையப் பகுதியில் கம்பீரமாக போஸ் கொடுக்கும் பெரிய ஸ்பைடர்மேன் உங்களை குஷிப்படுத்தும். விரல் அளவு முதல் பன்னிரண்டு அடி உயரம் உள்ள பொம்மைகள் வரை நம் கண்களுக்கு விருந்து படைக்கின்றன. ஸ்டார் வார்ஸ், பேட் மேன், ஸ்பைடர்மேன், சூப்பர் மேன், லெகோ பொம்மைகள், பார்பி, மிக்கி என 13 ஆயிரத்துக்கும் மேற்பட்ட பொம்மைகளைப் பார்க்க இரு கண்கள் போதாது.

பொம்மைகளைக் கண்டு மகிழ்வதோடு, அந்த கார்ட்டூன் ஹீரோக்களை யார், எப்போது உருவாக்கினார்கள், அதன் வரலாறு போன்றவற்றையும்  தெரிந்துகொள்ளலாம். 1950-ம் ஆண்டு முதல் இப்போது வரையிலான பொம்மைகளின் விவரங்களையும் இங்கு அறிந்துகொள்ளலாம். இந்த மியூஸியத்தைத் தொடங்கியது, கெவின் ஸ்டார்க் (Kevin Stark) எனும் பொம்மைக் கலைஞர். 2005-ம் ஆண்டு தொடங்கிய இந்த மியூஸியத்தைப் பார்க்கப் பல நாடுகளில் இருந்து ஆயிரக்கணக்கான சுற்றுலாப் பயணிகள் வருகிறார்கள். ஆண்டுதோறும் புதிய வகை பொம்மைகளோடு, புதுப் பொலிவு பெற்றுத் திகழும் இந்த மியூஸியம், இந்த வருடமும் பல்வேறு புதிய அம்சங்களோடு பார்வையாளர்களை வரவேற்கிறது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism