Published:Updated:

குட்டிக் குரங்குகளுக்கு ஒரு ஸ்கூல்!

குட்டிக் குரங்குகளுக்கு ஒரு ஸ்கூல்!
பிரீமியம் ஸ்டோரி
குட்டிக் குரங்குகளுக்கு ஒரு ஸ்கூல்!

தி.விக்னேஷ்

குட்டிக் குரங்குகளுக்கு ஒரு ஸ்கூல்!

தி.விக்னேஷ்

Published:Updated:
குட்டிக் குரங்குகளுக்கு ஒரு ஸ்கூல்!
பிரீமியம் ஸ்டோரி
குட்டிக் குரங்குகளுக்கு ஒரு ஸ்கூல்!

‘ஏண்டா இப்படிக் குரங்கு சேட்டை பண்ற? முதல்ல உன்னை ஸ்கூல்ல சேர்த்தாதான் எனக்கு நிம்மதி’ -குழந்தைகளைத் திட்ட அம்மாக்கள் பயன்படுத்தும் டயலாக்தான் இது. அட குரங்குச் சேட்டை பண்றவங்களை மட்டுமா? குரங்குகளையே ஸ்கூல்ல சேர்க்குறாங்கப்பா... இங்கே இல்லை. இந்தோனேசியாவில்.

குட்டிக் குரங்குகளுக்கு ஒரு ஸ்கூல்!

உராங்உடான் வகை குரங்குகளுக்கு பொதுவாகவே மற்ற விலங்குகளைவிடத் தாய்ப்பாசம் அதிகம். இந்த வகைக் குரங்குகள் பிறந்து ஏழு, எட்டு ஆண்டுகள் வரையிலும் அம்மாவுடனேயே சுற்றும். இவை தன் அம்மாவைப் பார்த்து, அதன் செய்கைகளைக் கவனித்து, அவற்றை இமிடேட் செய்துதான், சாப்பிடுவது... மரமேறுவது எனப் பல்வேறு விஷயங்களைக் கற்றுக் கொள்கின்றன. சில நேரங்களில் அம்மாவை இழந்துவிட்ட அல்லது தவறவிட்ட குரங்குகள் சரியான வளர்ச்சியின்றி இறந்துவிடுகின்றன.

ஒட்டுமொத்த விகடனுக்கும் ஒரே ஷார்ட்கட்!

குட்டிக் குரங்குகளுக்கு ஒரு ஸ்கூல்!



இரண்டாண்டுகளுக்கு முன்பு, இந்தோனேசியாவுக்கு அருகிலுள்ள ஒரு காட்டில் தாய் இன்றித் தவித்து வந்த உராங்உடான் குரங்கு ஒன்றை ‘இன்டர்நேஷனல் அனிமல் ரெஸ்க்யூ’ (International Animal Rescue) அமைப்பு மீட்டது. அந்த குரங்குக்கு அசோகா என்று பெயர் வைத்துப் பராமரித்தது.  அதற்கு தானாகவே உணவைச்  சாப்பிடுவது போன்ற சில பயிற்சிகளை தரத் தொடங்க, அந்த அமைப்பைச் சேர்ந்தவர் களுக்கு ஒரு ஐடியா தோன்றியது. ‘இது போல காட்டுக்குள் தாயின்றி வளரும் உராங்உடான் குரங்குகளைக் காப்பாற்றி அவற்றுக்கென்று ஒரு ஸ்கூல் நடத்தினால் என்ன?’ உடனடியாக அசோகா போன்ற ஆறு உராங்உடான் குரங்குகளைத் தேடி அவற்றை மீட்டு, வெஸ்ட் கெட்டாபாங்க் காட்டுக்குள் அவற்றுக்கென ஒரு பள்ளியைத் தொடங்கினர்.

குட்டிக் குரங்குகளுக்கு ஒரு ஸ்கூல்!

‘என்ன சாப்பிட வேண்டும்? என்ன சாப்பிடக்கூடாது? தாவுவது, ஓடுவது, மரமேறுவது எப்படி? காட்டுக்குள் என்னென்ன ஆபத்துகள் இருக்கும்? அதிலிருந்து தங்களைப் பாதுகாத்துக் கொள்வது எப்படி?’ எனப் பல்வேறு பயிற்சிகள் அந்த குரங்குகளுக்கு அளிக்கப்படுகின்றன. தற்போது 102 குரங்குகளுக்கு அந்த ஸ்கூலில் பயிற்சி அளிக்கப்பட்டு வருகிறது. மரத்தின் உச்சியில் சென்று விளையாடுவது எப்படி என்பதுதான் இந்தக் குரங்குகளுக்கு முழு ஆண்டுத் தேர்வு மாதிரி. அதன் பிறகு, இந்தக் குரங்குகள் மீண்டும் காட்டுக்குள்ளேயே விடப்படும்.

சுட்டிகள் படிக்கும் ஸ்கூலிலேயே வால்தனங்கள் அதிகம் இருக்கும். இந்தக் குரங்குகள் படிக்கும் ஸ்கூலில் சொல்லவா வேண்டும். அந்த  க்யூட் வால்தனங்களைப் பார்க்க... https://youtu.be/GlibNFS3jnYyoutu.be/GlibNFS3jnY#innerlink

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism