Published:Updated:

பத்தாம் வகுப்புக்குப் பிறகு, என்ன படிக்கலாம்?

பத்தாம் வகுப்புக்குப் பிறகு, என்ன படிக்கலாம்?
பிரீமியம் ஸ்டோரி
பத்தாம் வகுப்புக்குப் பிறகு, என்ன படிக்கலாம்?

ஞா.சக்திவேல் முருகன்

பத்தாம் வகுப்புக்குப் பிறகு, என்ன படிக்கலாம்?

ஞா.சக்திவேல் முருகன்

Published:Updated:
பத்தாம் வகுப்புக்குப் பிறகு, என்ன படிக்கலாம்?
பிரீமியம் ஸ்டோரி
பத்தாம் வகுப்புக்குப் பிறகு, என்ன படிக்கலாம்?

ல்லோரும் +2 -வுக்குப் பிறகுதான் என்ன படிக்கலாம் என்று கேட்பார்கள். ஆனால், +2-வுக்கு அடித்தளமே, +1 சேரும் போது என்ன பிரிவைத் தேர்ந்தெடுக்கிறோம் என்பதில்தான் இருக்கிறது. 

பத்தாம் வகுப்புக்குப் பிறகு, என்ன படிக்கலாம்?

+1 வகுப்பில் சேரும்போது கம்ப்யூட்டர் சயின்ஸ் பாடப் பிரிவைத் தேர்ந்தெடுத்தவர், +2 -வில் மருத்துவம் சார்ந்த படிப்பையும், மைக்ரோபயாலஜி, பயோடெக்னாலஜி போன்ற படிப்புகளையும் படிக்க முடியாது. அதைப்போலவே, கணிதமில்லாத பாடப் பிரிவினைத் தேர்ந்தெடுப்பவர்கள்,  +2 -வுக்குப் பிறகு கணினி சார்ந்த படிப்பினைப் படிக்க இயலாது என்பதை நினைவில் கொண்டு, +1 வகுப்பில் சேரும்போதே,  தனக்குப் பிடித்த பாடப் பிரிவுகளைத் தேர்ந்தெடுக்க வேண்டும்.

10-ம் வகுப்பு முடித்தவர்களுக்கு என்னென்ன படிக்க வாய்ப்புகள் என்பதை முதலில் பார்ப்போம். கணிதம், இயற்பியல், வேதியியல், உயிரியல் பாடங்கள் அடங்கிய குரூப் 1. இதை, மேத்ஸ்-பயாலஜி குரூப் என்றும் அழைப்பார்கள். இந்த குரூப்பை எடுத்துப் படிப்பவர்கள், பொறியியல் (பிஇ) படிக்கவும், மருத்துவம் (எம்பிபிஎஸ்) படிக்கவும் செல்லலாம் என்பதால் இந்த குரூப்பை அதிகப் பேர் தேர்ந்தெடுப்பார்கள்.

கணிதம், இயற்பியல், வேதியியல், கணினி அறிவியல் பாடங்கள் அடங்கியது, குரூப் 2 அல்லது கம்ப்யூட்டர் சயின்ஸ் குரூப் என்று அழைப்பார்கள். இந்த குரூப்பை எடுத்துப் படிப்பவர்கள், பொறியியல் படிக்க மட்டும் செல்ல முடியும். பொறியியல் படிப்பைத் தேர்ந்தெடுக்காதவர்கள் கணிதம், இயற்பியல், கணினி அறிவியல் பாடங்களில் (பி.எஸ்ஸி) பட்டப்படிப்பைத் தேர்ந்தெடுத்துப் படிக்கலாம்.

இயற்பியல், வேதியியல், விலங்கியல், தாவரவியல் பாடங்கள் அடங்கியது குரூப் 3. இதை சயின்ஸ் குரூப் என்று அழைப்பார்கள். இந்த குரூப்பை எடுப்பவர்கள், மருத்துவப் படிப்புக்குச் செல்லலாம். வேதியியல், விலங்கியல், தாவரவியல் பாடங்களில் பட்டப் படிப்பைப் படிக்கலாம். சில பள்ளிகளில் உயிரி வேதியியல் அல்லது நுண்ணுயிரியல், மனையியல், சத்துணவியல், உயிர்த் தாவரவியல், உயிர் விலங்கியல் பாடங்களைச் சில பாடங்களுக்கு மாற்றுப் பாடங்களாகச் சேர்த்து இருப்பார்கள். இந்த குரூப்பில் படிப்பவர்கள், மைக்ரோ பயாலஜி, பயோ கெமிஸ்டரி, ஹோம் சயின்ஸ், நர்ஸிங், லேப் டெக்னீஷியன்  போன்ற பாடங்களைப் படிக்கலாம். 

ஒட்டுமொத்த விகடனுக்கும் ஒரே ஷார்ட்கட்!

பத்தாம் வகுப்புக்குப் பிறகு, என்ன படிக்கலாம்?

வரலாறு, வணிகவியல் (Commerce), பொருளாதாரம் (Economics), கணக்குப்  பதிவியல் (Accountancy) போன்ற பாடங்களைக் கொண்டது குரூப் 4. இதற்கு அக்கவுன்டன்ஸி குரூப் அல்லது ஆர்ட்ஸ் குரூப் என்று அழைப்பார்கள். சில பள்ளிகளில் வரலாறு பாடத்துக்குப் பதிலாக பிசினஸ் மேத்ஸ், கம்ப்யூட்டர் சயின்ஸ், புவியியல், புள்ளியியல் பாடம், அரசியல் அறிவியல் போன்ற பாடங்களை மாற்றுப் பாடங்களாக வைத்திருப்பார்கள். இந்த குரூப்பில் என்னென்ன பாடங்கள் இருக்கிறதோ, அந்தந்தப் பாடங்களில் பட்டப்படிப்பு படிக்கலாம். பி.காம்., பிபிஏ, பிபிஎம் போன்ற படிப்பையும் படிக்கலாம்.

அனைத்துப் பிரிவுகளிலும் தமிழ், ஆங்கிலம் என்பது பொதுவாக இருக்கும். ஒரு சில பள்ளிகளில் தமிழ்ப் பாடத்துக்குப் பதிலாக பிரெஞ்ச், ஜெர்மனி, சமஸ்கிருதம் போன்ற பாடங்களும் இடம்பிடித்திருக்கும். ஒரு சில மாணவர்கள், மொழிப் பாடங்களில் அதிக ஆர்வம்காட்டுவார்கள். இவர்கள், பிளஸ் டூ படிப்புக்குப் பின்பு மொழிசார்ந்த பிரிவுகளில் பட்டப்படிப்பைத் தேர்ந்தெடுக்கலாம்.

வெக்கேஷனல் படிப்புகளாக, வேளாண் செயல்முறைகள் (Agricultural Practices), கட்டடப் பட வரைவாளர் (Draughtsman Civil), மின்னணுச் சாதனங்கள் (Electronic Appliances), மின் இயந்திரங்களும் சாதனங்களும் (Electrical Machines and Appliances), உணவு மேலாண்மை மற்றும் சிறுவர் பராமரிப்பு (Food Management and Child Care), பொது இயந்திரவியல் (General Machinist), மேலாண்மைத் தத்துவங்கள் (Management Principles), துணிகளும் ஆடை வடிவமைப்பும் (Textiles and Dress Designing), செவிலியம் (Nursing), தட்டெழுத்தும் கணிப்பொறி இயக்கமுறையும் (Typewriting and Computer Operation) போன்ற படிப்புகள் இருக்கின்றன. இந்தப் படிப்புகளில் சேர்பவர்கள், குறிப்பிட்ட துறைகளில் மட்டுமே செல்ல முடியும். மேலும், இவர்களுக்குத் தனியாக பொறியியல் கவுன்சலிங் நடைபெறுகிறது என்பதையும் கவனத்தில் கொள்ள வேண்டும். இந்த வெக்கேஷனல் படிப்பைத் தேர்ந்தெடுப்பவர்கள், மொழிப் பாடங்களைத் தவிர, வெக்கேஷனல் படிப்புக்கான பாடங்களை மட்டும் படித்தால் போதுமானது. நிறையப் புத்தகங்களைப் படிக்க வேண்டியதில்லை. செயல்முறைகள் நிறைய இருக்கும்.

பத்தாம் வகுப்புக்குப் பிறகு, என்ன படிக்கலாம்?



10-ம் வகுப்புக்குப் பின்பு 11-ம் வகுப்பில் சேராமல் பாலிடெக்னிக், ஐடிஐ போன்ற கல்விக் கூடங்களிலும் சேரலாம். பாலிடெக்னிக்கில் அரசு பாலிடெக்னிக்குகள், அரசு உதவிபெறும் பாலிடெக்னிக்குகள், தன்னாட்சி பெற்ற பாலிடெக்னிக்குகள், சுயநிதி பாலிடெக்னிக்குகள் எனப் பல விதங்களில் இயங்குகின்றன. இதைத் தவிர, தனித்தனி பாடங்களுக்கென பிரத்யேக இன்ஸ்டிட்யூட்களும் இயங்குகின்றன. இங்கு டிப்ளோமா பாடங்களைப் பெறலாம்.

டிப்ளோமா படித்த பின்பும் பொறியியல் கல்லூரியில் சேர்ந்து பி.இ., படிக்கலாம் அல்லது தொழிற்சாலையில் சேர்ந்து வேலை பார்த்துக்கொண்டே மாலை நேரக் கல்லூரியில் சேர்ந்து பி.இ.படிக்கவும் செய்யலாம். பாலிடெக்னிக்கில் எலெட்ரானிக்ஸ் அண்ட் கம்யூனிகேஷன் இன்ஜினீயரிங், மெக்கானிக்கல் இன்ஜினீயரிங், சிவில் இன்ஜினீயரிங், கம்ப்யூட்டர் இன்ஜினீயரிங், எலெக்ட்ரிகல் இன்ஜினீயரிங் போன்ற முதன்மையான பாடங்களும், டெக்ஸ்டைல் டெக்னாலஜி, சுகர் டெக்னாலஜி, புரொடக்‌ஷன் இன்ஜினீயரிங், பிரின்டிங் டெக்னாலஜி, பாலிமர் டெக்னாலஜி, பிளாஸ்டிக் டெக்னாலஜி, பெட்ரோகெமிக்கல் இன்ஜினீயரிங், மெட்டராலஜி, மெக்ட்ரானிக்ஸ், மரைன் இன்ஜினீயரிங், லெதர் டெக்னாலஜி, இன்ஸ்ட்ரூமென்டேஷன் அண்ட் கன்ட்ரோல் இன்ஜினீயரிங், இன்ஃபர்மேஷன் டெக்னாலஜி, ஹோம் டெக்ஸ்டைல், கார்மென்ட் டெக்னாலஜி, பிஷ்சரீஸ் டெக்னாலஜி, ஃபேஷன் டெக்னாலஜி என ஏகப்பட்ட படிப்புகள் இருக்கின்றன.

ஐடிஐ படிப்பு


பத்தாம் வகுப்புக்குப் பிறகு, என்ன படிக்கலாம்?

குறைந்த வருமானமும், குறைந்த மதிப்பெண் பெறுபவர்களும் மனம் தளர வேண்டாம். 10 -வகுப்பில் தேர்ச்சி பெற்றாலும், தேர்ச்சி பெறாவிட்டாலும் ஐடிஐ படிப்பில் சேரலாம். இண்டஸ்ட்ரியல் டிரைனிங் இன்ஸ்டிட்யூட் என்பதைத் தான் ஐடிஐ என்று அழைக்கிறார்கள். இப்போது ஐடிஐ படிப்பவர்களுக்குத் தொழில் நிறுவனங்களில் வேலை வாய்ப்பு இருக்கிறது. ஐடிஐ-யில் படிக்கச் சேர்பவர்களுக்கு மாநில அரசு பல சலுகைகளை வழங்குகிறது. மத்திய அரசும் திறன் மேம்பாட்டுக்காக நிறையவே செலவு செய்கிறது.

ஐடிஐ-யில் ஓராண்டு முதல் மூன்று ஆண்டுக்கான படிப்புகளும் உள்ளன. எலெக்ட்ரீஷியன், மெஷினிஸ்ட், ஃபிட்டர், பிளம்பர், வெல்டர்,  ஃபிட்டர், டர்னர், மோட்டார் மெக்கானிக், ஏசி மெக்கானிக், வைண்டர், டீசல் மெக்கானிக், ஸ்டெனோகிராஃபி, எலெக்ட்ரீஷியன், டிராஃப்ட்ஸ்மேன், டிவி மெக்கானிக், எலெக்ட்ரானிக்ஸ் மெக்கானிக், ரெஃப்ரிஜிரேட்டர் - ஏர் கண்டிஷன் மெக்கானிக் என ஏகப்பட்ட கோர்ஸ்கள் இருக்கின்றன.

படித்தவர்்களைவிட, திறமையானவர்களை நிறுவனம் எதிர்பார்க்கிறது. ஐடிஐ-யில் தொழிற்பயிற்சிகள் அதிகமாக வழங்கப்படுகின்றன. தற்போது தொழில் நிறுவனங்களிலும், வெளிநாடுகளிலும் ஐடிஐ படித்து ஓரளவு அனுபவம் உள்ளவர்களுக்கு வேலை வாய்ப்புகள் இருக்கின்றன.

பள்ளி அளவில் செல்லும் போதும், பாலிடெக்னிக், ஐடிஐ போன்றவற்றில் சேரும் போதும் உங்களுடைய ஆர்வத்துக்கு உதவும் வகையில் பாடப் பிரிவினைத் (குரூப்பை) தேர்ந்தெடுப்பது எதிர்காலத்துக்குப் பயனுள்ளதாக அமையும்.