Published:Updated:

உலக புவி தினம்! ஏப்ரல் 22

உலக புவி தினம்! ஏப்ரல் 22
பிரீமியம் ஸ்டோரி
உலக புவி தினம்! ஏப்ரல் 22

கார்க்கிபவா

உலக புவி தினம்! ஏப்ரல் 22

கார்க்கிபவா

Published:Updated:
உலக புவி தினம்! ஏப்ரல் 22
பிரீமியம் ஸ்டோரி
உலக புவி தினம்! ஏப்ரல் 22

பூமியில் நடக்கும் பெரும்பாலான விஷயங்களுக்கு ஒரு தினம் இருக்கிறது. அப்படி என்றால், இந்தப் பூமிக்கென ஒரு தினம் இருக்க வேண்டாமா? இருக்கிறது. 

உலக புவி தினம்! ஏப்ரல் 22

1969-ம் ஆண்டு, அமெரிக்காவின் கலிஃபோர்னியா மாகாணத்தில், மிகப்பெரிய எண்ணெய்க் கசிவு விபத்து நடந்தது. தொழிற்சாலைகள் பலவற்றால் பூமி மாசுபடுவது அப்போது அதிகரித்தது. இதையெல்லாம் கண்டு மனம் வெந்த சில போராட்டக்காரர்கள், 1970-ம் ஆண்டு ஏப்ரல் 20-ம் தேதி, 2 கோடிப் பேர் கலந்துகொண்ட மாபெரும் பேரணியை நடத்தினார்கள். மனிதர்கள், பூமியை எவ்வளவு சேதப்படுத்திவருகிறார்கள் என்பதை அந்த மக்கள் கூட்டம் எடுத்துச்சொல்லியது. ‘கேலார்டு நெல்சன்’ என்பவர்தான் அந்தப் புரட்சிப் பேரணிக்குப் பின்னால் இருந்தவர்களில் முக்கியமானவர். அதைத் தொடர்ந்து, ஒவ்வோர் ஆண்டும் ஏப்ரல் 22-ம் தேதியைப் புவி தினமாக அமெரிக்கர்கள் கொண்டாடி வந்தார்கள்.

ஒட்டுமொத்த விகடனுக்கும் ஒரே ஷார்ட்கட்!

உலக புவி தினம்! ஏப்ரல் 22



1990-ம் ஆண்டில், ஐ.நா சபையால் ‘புவி தினம்’ அங்கீகரிக்கப்பட்டு, உலகம் முழுவதும் அன்று முதல் கடைப்பிடிக்கப்பட்டுவருகிறது. அந்த ஆண்டு, 141 நாடுகளிலிருந்து மொத்தம் 20 கோடிக்கும் அதிகமானோர் புவி தினத்துக்குத் தங்கள் ஆதரவைத் தெரிவித்து வந்தார்கள். அன்று முதல் ஒவ்வோர் ஆண்டும் புவி மீது அக்கறைகொண்டவர்கள், தங்களால் ஆன விழிப்புஉணர்வை உலகத்துக்குத் தந்து கொண்டிருக்கிறார்கள்.

2011-ம் ஆண்டு, ஆப்கானிஸ்தானில் 2.8 கோடி மரக்கன்றுகளை ‘எர்த் டே நெட்வொர்க்்’  அமைப்பு நட்டது.

2012-ம் ஆண்டு, ஒரு லட்சம் சீனர்கள் பைக்கில் பயணித்தார்கள். கார்பன் டை ஆக்ஸைடு வெளியீட்டைக் குறைக்கவும், எரிபொருளை மிச்சப்படுத்தவும் காருக்குப் பதில் பைக்கில் சென்றார்கள்.

புவி தினமும் புத்தாண்டு போலத்தான். இந்த நாளில், நாம் வாழும் இந்தப் பூமியைக் காப்பாற்ற, நாம் ஒவ்வொருவரும் ஏதாவது ஓர் உறுதிமொழியை ஏற்போம். பிளாஸ்டிக்கைப் பயன்படுத்த மாட்டோம், முடிந்தவரை தண்ணீரைச் சிக்கனமாகப் பயன்படுத்துவோம், காற்று மாசுபடும் எந்த ஒரு விஷயத்தையும் நாம் செய்ய மாட்டோம் என ஏதாவது ஓர் உறுதிமொழியை எடுக்க வேண்டும்.

பூமிக்கு எதிராக, அதன் வளங்களை அழிக்கும் அனைத்து நடவடிக்கைகளும் தனி நபரிடமிருந்துதான் தொடங்கியிருக்கின்றன. அப்படி என்றால், இந்தப் பூமியைக் காப்பாற்றும் நடவடிக்கையும் தனி நபரிடமிருந்துதான் தொடங்க வேண்டும். நாம் மாறினால், நாடு மாறும். நாடுகள் மாறினால், பூமி வாழும்.