Published:Updated:

எஃப்.ஏ தந்த விதைப் பந்துகள்!

எஃப்.ஏ தந்த விதைப் பந்துகள்!
பிரீமியம் ஸ்டோரி
எஃப்.ஏ தந்த விதைப் பந்துகள்!

வி.எஸ்.சரவணன் - க.தனசேகரன்

எஃப்.ஏ தந்த விதைப் பந்துகள்!

வி.எஸ்.சரவணன் - க.தனசேகரன்

Published:Updated:
எஃப்.ஏ தந்த விதைப் பந்துகள்!
பிரீமியம் ஸ்டோரி
எஃப்.ஏ தந்த விதைப் பந்துகள்!

பேருந்தில் ஏறியதும் ஜன்னலோரச் சீட்டு யாருக்கு எனச் சண்டை தொடங்கிவிடும். எல்லோருக்கும், ஜன்னலோரச் சீட்டுதான் வேண்டும் என அடம்பிடிக்கிறார்கள்; தருமபுரி, பள்ளப்பட்டி பள்ளி மாணவர்கள். ஆனால், அவர்கள் வேடிக்கை பார்ப்பதற்காக மட்டும் ஜன்னலோரச் சீட்டைப் பிடிக்கவில்லை சமூகத்துக்கு மிகவும் பயனுள்ள ஒரு விஷயத்துக்காகவும்தான். 

எஃப்.ஏ தந்த விதைப் பந்துகள்!

அப்படி என்ன விஷயம்? வாங்க அவங்ககிட்டயே கேட்கலாம்.

‘‘ ‘பந்து’னு சொன்னா, முன்னாடி எல்லாம் நாங்க விளையாடுற கிரிக்கெட் பந்துதான் நினைவுக்கு வரும். இப்போ, ‘விதைப் பந்து’தான் நினைவுக்கு வருது’’ என்கிறான் எட்டாம் வகுப்பு சுந்தரமூர்த்தி.

தருமபுரியிலிருந்து ஒகேனக்கல் செல்லும் வழியில் இருக்கிறது, பள்ளப்பட்டி கிராமம். அங்கே இருக்கும் ஊராட்சி ஒன்றிய நடுநிலைப் பள்ளியில் படிக்கும் 6, 7 மற்றும் 8-ம் வகுப்பு மாணவர்கள், இரண்டே வாரத்தில், 10 ஆயிரத்துக்கும் மேற்பட்ட விதைப் பந்துகளைத் தயார் செய்து, தங்கள் பள்ளியை முன்னோடிப் பள்ளியாக மாற்றியுள்ளார்கள். இந்தச் சமூகச் செயல்பாட்டுக்காக, இந்தப் பள்ளியைப் பாராட்டு மழையால் நனைத்து வருகின்றார்கள் மாவட்டத்தின் கல்வி அதிகாரிகள்.

ஒட்டுமொத்த விகடனுக்கும் ஒரே ஷார்ட்கட்!

எஃப்.ஏ தந்த விதைப் பந்துகள்!

‘‘விதைப் பந்து எப்படி ரெடி பண்றது தெரியுமா?’’ என்று தனக்குத் தெரிந்ததைப் பகிர்ந்து கொள்ளும் ஆர்வத்துடன்  கேட்டாள் எட்டாம் வகுப்பு மாணவி, சி.விமலி. ‘தெரியலையே... கொஞ்சம் விளக்கமாகச் சொல்லேன்' என்றோம்.

எஃப்.ஏ தந்த விதைப் பந்துகள்!



‘‘களிமண் அல்லது செம்மண்ணை தூசு இல்லாமல் எடுத்துக்கணும். அதோடு, பசுஞ்சாணம், இயற்கை உரம் இரண்டையும் சேர்த்து, கொஞ்சமாகத் தண்ணீர் கலந்து பிசையணும். அதைக் கையில் எடுத்துக்கிட்டு, ஒரு விதையை நடுவில் வைத்து, எலுமிச்சம்பழம் அளவுக்கு உருட்டணும். அழகான பந்து மாதிரி ஆகிடும். அதை, அன்றைக்கு முழுக்க நிழலிலேயே காயவைக்கணும். அடுத்த நாள், வெயிலில் காயவைக்கணும். அப்போதான் உருண்டையில் வெடிப்பு விழாமல் இருக்கும். இதுதான் விதைப் பந்து செய்யிற விதம்’’ என்று தன் சொற்களாலே விதைப் பந்தை கண் முன் உருவாக்கிக்காட்டினார் விமலி.

‘‘இந்த முயற்சிக்கு வித்திட்டது, எஃப்.ஏ செயல்பாடுதான் என்றால் நம்பமுடிகிறதா?’’ என்ற கேள்வியோடு பேச ஆரம்பித்தார், ஆசிரியர் குணசேகரன். இவர்தான் மாணவர்களின் விதைப் பந்து முயற்சிக்குக் காரணகர்த்தா. சுட்டி விகடன் எஃப்.ஏ பக்கங்களில் தொடர்ந்து பங்களித்து வருபவர்.

எஃப்.ஏ தந்த விதைப் பந்துகள்!

‘‘சுற்றுச்சூழல் பற்றிய பாடத்துக்காக, விதைப் பந்து செய்வது எப்படி என்று எட்டாம் வகுப்பு மாணவர்களுக்குக் கற்றுத்தந்தேன். பத்தோ, இருபதோ செய்துவருவார்கள் என்றுதான் நினைத்திருந்தேன். ஆனால், அடுத்த நாளே 500 விதைப் பந்துகளைத் தயார்செய்து வந்திருந்தனர். அதனால் உற்சாகமான நான், ஆறு மற்றும் ஏழாம் வகுப்பு மாணவர்களையும் செய்யச் சொன்னேன். நான், கனவிலும் எதிர்பார்த்திராத அளவுக்கு மாணவர்கள் தன்னார்வத்தோடு ஆயிரக்கணக்கில் விதைப் பந்துகளைத் தயார்செய்து வந்தார்கள். இந்த விஷயத்தை, நம் பள்ளியைக் கடந்தும் வெளியே கொண்டுசெல்ல வேண்டும் என்ற எண்ணம் வந்தது. அதற்காக, மாணவர்களுக்கு ஒரு வாரம் அவகாசம் கொடுத்தேன். அவர்களோ 10,000-க்கும் அதிகமான விதைப் பந்துகளைத் தயார்செய்துவிட்டனர்.

எஃப்.ஏ தந்த விதைப் பந்துகள்!

அடுத்து, விதைப் பந்துகளைப் பொதுமக்களிடம் தரலாம் என மாணவர்களிடம் கூறினேன். ஒரு மாணவி, இவற்றை எப்படிப் பயன்படுத்துவது என்பதை விளக்கும் துண்டுப் பிரசுரம் ஒன்றையும் தரலாம் என்ற யோசனையைச் சொன்னார். உடனே அதற்கான வாசகங்களை எழுதி, அச்சடித்து, தருமபுரி பேருந்து நிலையத்துக்குச் சென்று, அங்கே வருபவர்களிடம் விதைப் பந்துகளைத் தந்தோம். ஒகேனக்கலுக்குச் சுற்றுலா செல்பவர்களிடமும் இவற்றைக் கொடுத்தோம்’’ என்கிறார் ஆசிரியர் குணசேகரன்.

‘‘விதைப் பந்துகளை எப்படிப் பயன்படுத்துவது என்று சொல்லவே இல்லையே?’’ என்றதும், ஆர்வத்துடன் பேசினான் ச.அஸ்வின் என்ற மாணவன்.

எஃப்.ஏ தந்த விதைப் பந்துகள்!

‘‘நாம், பஸ்ல அல்லது டூ வீலர்ல போகும்போது, சாலை ஓரங்கள்ல இந்த விதைப் பந்துகளை வீசினா போதும்.  வீசின நாள் முதல் ஆறு மாதங்கள் வரை இதில் உள்ள விதை முளைப்பதற்குத் தயாரா இருக்கும். அதற்குள் மழை பெய்துவிடும் இல்லையா? அப்போது விதைகள் முளைச்சுடும்’’என்றான்.

‘‘மாணவர்கள் பேருந்தில் துண்டுப் பிரசுரங்களைக் கொடுப்பதோடு, பொதுமக்கள் கேட்கும் சந்தேகங்களுக்கும் பதில் அளிக்கின்றனர். வழக்கமாக, செடி நடுவதைத்தானே செய்வீர்கள் என்று பலரும் கேட்கிறார்கள். இயற்கையைப் பாதுகாக்கும் பல வழிகளில் இதுவும் ஒன்று.  விதைப் பந்தில் என்னவிதமான விதைகள் வைக்கப்பட்டிருக்கின்றன என்றும் கேட்டுத் தெரிந்து கொள்கிறார்கள்’’ என்றார் குணசேகரன். எங்களின் அடுத்த திட்டமாக இந்த விதைப் பந்துகளைத் திருமண வீடுகளில், பெட்ரோல் பங்குகளில் என மக்கள் கூடும் இடங்களில் கொடுக்க ஏற்பாடு செய்துவருகிறோம்'' என்றார் ஆசிரியர் குணசேகரன். 

எஃப்.ஏ தந்த விதைப் பந்துகள்!

பள்ளியின் இந்த முயற்சிக்கு உறுதுணையாக இருக்கும் சுற்றுச்சூழல் மன்ற மாவட்ட ஒருங்கிணைப்பாளர் ஏ.கிருஷ்ணன்,

“இயற்கையைக் காக்கும் பெரும் பயணத்தை இந்தப் பள்ளி சரியான நேரத்தில் துவங்கியிருக்கிறது” என்றார்.

பள்ளப்பட்டி பள்ளி மாணவர்களின் இந்தச் செயல் மற்ற பள்ளிகளுக்கும் ஒரு முன்மாதிரி.