Published:Updated:

வாசிப்பை நேசிப்போம்!

வாசிப்பை நேசிப்போம்!
பிரீமியம் ஸ்டோரி
வாசிப்பை நேசிப்போம்!

தொகுப்பு: ஜெ.நிவேதா - படங்கள்: கே.குணசீலன்

வாசிப்பை நேசிப்போம்!

தொகுப்பு: ஜெ.நிவேதா - படங்கள்: கே.குணசீலன்

Published:Updated:
வாசிப்பை நேசிப்போம்!
பிரீமியம் ஸ்டோரி
வாசிப்பை நேசிப்போம்!

தாங்கள் படித்த புத்தகங்களின் கருத்துகளை மேடையில் பகிர்ந்துகொண்டு, புத்தக வாசிப்புக்கும் சுற்றுச்சூழல் பாதுகாப்புக்கும் விழிப்புஉணர்வு ஏற்படுத்திய அரசுப் பள்ளியில் படிக்கும் 50 மாணவர்களின் செயல், சபாஷ் போடவைத்துள்ளது. 

வாசிப்பை நேசிப்போம்!

திருவாரூர் மாவட்டம், மேலராதா நல்லூர் அரசுப் பள்ளி மாணவர்கள் 50 பேர், தஞ்சை பாரத் கலை மற்றும் அறிவியல் கல்லூரியில் கூடியிருந்தார்கள். ஐந்து அணிகளாகப் பிரிக்கப்பட்டிருந்த அவர்களை, ஆசிரியர் மணிமாறன் வழிநடத்திக்கொண்டிருந்தார்.

ஒட்டுமொத்த விகடனுக்கும் ஒரே ஷார்ட்கட்!

வாசிப்பை நேசிப்போம்!



“பொதுவாகவே, அரசுப் பள்ளிகளில் படிக்கும் மாணவர்களுக்கு எந்தத் திறமையும் இருக்காது, சரியாகப் படிக்க மாட்டார்கள், கூட்டத்தில் ஒருவராக இருப்பார்கள் என்றெல்லாம் சொல்வார்கள். அதைப் பொய்யாக்கும் வகையில் அரசுப் பள்ளியில் படிக்கும் பல மாணவர்கள் பல்வேறு கலைகளில் சிறந்து விளங்கி சாதனை படைத்துக்கொண்டிருக்கிறார்கள். அதில் ஒன்றுதான்,  இந்தப் புத்தக விமர்சன நிகழ்ச்சி. ஐந்து அணிகளாகப் பிரிக்கப்பட்டுள்ள இவர்களுக்கு காடு, நதி, தண்ணீர், தும்பி, மின்மினி எனப் பெயர் சூட்டப்பட்டுள்ளது. அணிக்கு 10 பேர் வீதம், 50 மாணவர்கள் இருக்கிறார்கள். இரண்டு மாதங்களுக்கு முன்பு, இவர்களுக்குச்  சுற்றுச்சூழல் குறித்த 50 புத்தகங்களைக் கொடுத்தோம். அந்தப் புத்தகங்களைப் படித்து, அதில் உள்ள கருத்துகளைத் தொகுக்கும் பணியில் ஆர்வத்துடன் ஈடுபட்டனர். அவர்கள் கற்றுக்கொண்ட விஷயங்களை மேடையேறி, பிறர் முன்னிலையில் பகிர்ந்து கொள்ளவேண்டும் என விரும்பினோம். இந்த நிகழ்ச்சிக்கு கல்லூரி தாளாளர் புனிதா கணேசன் ஆர்வத்துடன் அனுமதி கொடுத்தார். விமர்சனம் செய்யப்போகும் ஒவ்வோர் அணிக்கும் தலைவர் மற்றும் துணைத் தலைவர் உண்டு.’’ என்று உற்சாகமாகப் பேசினார் ஆசிரியர் மணிமாறன். 

வாசிப்பை நேசிப்போம்!

தலைமை ஆசிரியர் திரிபுரசுந்தரி, “இதுபோன்று மாணவர்களை ஊக்குவிக்கும் பல நிகழ்ச்சிகளை நிகழ்த்தியுள்ளோம். இப்போது இந்தப் புத்தக விமர்சன நிகழ்ச்சி’’ என்றார்.

வாசிப்பை நேசிப்போம்!

மாணவர்களது வாசிப்புத்திறனைக் கணித்து மதிப்பிடுவதற்காக, பாரத் கல்லூரியின் பயோ-டெக்னாலஜி பேராசிரியர் ஜவஹர் பொற்கொடி, ஊட்டச்சத்து மற்றும் உணவு கட்டுப்பாட்டுத்துறை பேராசிரியர் சுபா ஆகியோர் தயாராக இருக்க, நிகழ்ச்சி தொடங்கியது. மின்மினி அணியிலிருந்து வந்த மாணவர்கள், வாலாட்டிப் பறவைகள், எறும்புகளுக்கும் மனிதர்களுக்கும் இருக்கும் ஒற்றுமை, சிறப்புகளைப் பற்றி கூறினர். தாய்ப்பாலின் நன்மை, அவற்றில் உள்ள புரதச்சத்து, பாலுக்காக மாடுகள் கொல்லப்படும் துயரம் எனப் பால் அரசியலை விரிவாகப் பேசி ஆச்சர்யப்படுத்தினார்கள். நடுவர்கள், தங்களுக்குத் தெரிந்த கூடுதல் தகவல்களையும் இடையிடையே மாணவர்களோடு பகிர்ந்துகொண்டார்கள்.

வாசிப்பை நேசிப்போம்!

ஒவ்வோர் அணியும் தாங்கள் படித்த புத்தகங்களின் சிறப்பை ஒவ்வொன்றாகக் கூறினர்.

அழிக்கப்பட்டு வரும் காடுகள், உயிரினங்களுக்கு ஏற்படும் சேதம், நெகிழி உபயோகத்தால் வரும் தீமைகள், மறுசுழற்சிக்கு வித்திடும் நெகிழி, பொருள்கள், கொசுவினால் ஏற்படும் பிரச்னைகள், தவளைகளும் அதன் வாழ்வியல்களும் என ஒவ்வோர் அணியும் தாங்கள் படித்த புத்தகங்கள் மூலம் அறிந்துகொண்ட விஷயங்களை அழகாகப் பகிர்ந்து கொண்டனர்.

இறுதியில், கலந்துகொண்ட அனைவருக்கும் சான்றிதழ்களும் கோப்பைகளும் வழங்கப்பட்டன. சிறந்த அணியாகக் ‘காடு’ அணி தேர்வு செய்யப்பட்டது. அலைபேசிக்குள் டெம்பிள் ரன்னாக அடங்கி இருக்கும் இன்றைய மாணவர்களிடம் இருந்து மாறுபட்டு, வாசிப்புப் பழக்கத்தை ஏற்படுத்திக்கொண்டதோடு, அதை அழகாகப் பகிர்ந்துகொண்டு மற்றவர்களையும் தூண்டிய அந்த மாணவர்களுக்குத் தாராளமாக வைக்கலாம் ஒரு சல்யூட்!