Published:Updated:

பசுமைப் பூங்காவில் ஒரு ஜாலி உலா!

ஒட்டுமொத்த விகடனுக்கும் ஒரே ஷார்ட்கட்

Use App
பசுமைப் பூங்காவில் ஒரு ஜாலி உலா!
பசுமைப் பூங்காவில் ஒரு ஜாலி உலா!

சுட்டி ஸ்டார்ஸ் ஸ்பெஷல்படங்கள்: கொ.சஞ்சய் கிருஷ்ணா

பிரீமியம் ஸ்டோரி
பசுமைப் பூங்காவில் ஒரு ஜாலி உலா!

சென்னையின் சூப்பர் டூரிஸ்ட் ஸ்பாட்டுகளில் புதிதாகச் சேர்ந்திருக்கும் இடம், சேத்துப்பட்டு பசுமைப் பூங்கா. விறுவிறுப்பான டுவென்ட்டி டுவென்ட்டி மேட்ச் போல இறங்கி அடிக்கும் கோடை சூரியனிடமிருந்து தப்பிப்பதற்காக, அந்தப் பூங்காவுக்கு ஜாலியாக ஒரு விசிட் அடிச்சு, என்ஜாய் பண்ணலாம்னு பிளான் போட்டோம்.   

பசுமைப் பூங்காவில் ஒரு ஜாலி உலா!

கண்களுக்குக் குளிர்ச்சியான பசுமை, சூரியனுக்குச் சவால்விட்டது. வண்ணமயமான ஓவியங்கள், சிற்பக் கலைஞர்களின் திறமையைச் சொல்லும் வாத்து, தும்பி, கழுகு போன்ற பல்வேறு சிலைகள் எனப் பார்க்க பார்க்க குதுகலமாக இருந்தது.     

பசுமைப் பூங்காவில் ஒரு ஜாலி உலா!

பசுமைப் பூங்காவின் ஹைலைட்ஸ், அங்குள்ள படகுச்சவாரி. லைஃப் ஜாக்கெட்டைப் போட்டுக்கிட்டுப் படகில் பெடல் போட்டுக்கிட்டே, ‘ஐலசா... வேகமா மிதி ஐலசா... விரட்டிப் பிடி ஐலசா’ எனப் பாடிக்கொண்டே ரவுண்டு அடிச்சோம்.

‘‘இந்த ஏரியில் மீன் இருக்கா அங்கிள்? கண்ணுக்கே தெரியலையே’’ என எங்கள் படகில் வந்தவர்கிட்டே கேட்டோம்.    

பசுமைப் பூங்காவில் ஒரு ஜாலி உலா!

‘‘இருக்கு. நீங்க பிக்னிக் வந்திருக்கிற மாதிரி அதுங்களும் ஏரியின் ஆழத்துக்கு பிக்னிக் போய் இருக்கு’’ என ஜோக் அடிச்சார் அந்த அங்கிள்.

30 நிமிடப் படகுச் சவாரியை முடிச்சதும், சிறுவர் விளையாட்டுப் பகுதிக்குப் போனோம். ஊஞ்சல், சறுக்கு மரம் என விளையாடி மகிழ்ந்தோம். சுவரில் வரைஞ்சிருந்த ஓவியங்கள் சொக்கவெச்சது. நம் நாட்டின் பல்வேறு மருத்துவ மரங்கள், மூலிகை செடிகளைப் பார்க்க முடிஞ்சது. அதைப் பற்றிக் கேட்டுத் தெரிஞ்சுக்கிட்டோம்.  

பசுமைப் பூங்காவில் ஒரு ஜாலி உலா!

ஓர் இடத்தில் எட்டு வடிவத்தில் இருந்தது. என்னடா எனப் பார்த்தால், அது ‘அக்குபஞ்சர் வாக் பாத்’ ஏரியாவாம். அதாவது, வெறும் கால்களுடன் நடக்கும் இடம். அங்கே நிறைய கூழாங்கற்களைப் பதிச்சு இருந்தாங்க. அதன் மீது வெறும் கால்களோடு நடந்தால், பாதம் வழியே நரம்புகள் தூண்டப்பட்டு, உடம்பில் இருக்கும் பல்வேறு உறுப்புகளுக்கு ஆரோக்கியத்தைக் கொடுக்குமாம். வந்ததுக்கு ஆரோக்கியத்தையும் வாங்கிட்டுப்போவோம்னு அதில் நடந்தோம்.

நாள் முழுக்க இருந்தாலும் சலிப்பு ஏற்படாதுதான். ஆனாலும், நம்மை இன்னும் காணாமேனு வீட்டில் கவலைப்படுவாங்களே. நாம் எல்லாம் பொறுப்பான பசங்க இல்லியா? அதனால், ஒருத்தருக்கு ஒருத்தர் குட்பை சொல்லிக்கிட்டுக் கிளம்பினோம்.  

பசுமைப் பூங்காவில் ஒரு ஜாலி உலா!

சேத்துப்பட்டு பசுமைப் பூங்காவைப் பற்றி, ‘கபாலி’ ஸ்டைலில் சொல்லணும்ன்னா, ‘மகிழ்ச்சி!’. பைரவா ஸ்டைலில் சொல்லணும்ன்னா ‘சிறப்பு... மிகச் சிறப்பு!’        

ஒருங்கிணைப்பு: வித்யா காயத்ரி    

பசுமைப் பூங்காவில் ஒரு ஜாலி உலா!

வி.தனேஷ், ஸ்ரீ  நாராயண மிஷன் மேல்நிலைப் பள்ளி, மேற்கு மாம்பலம், சென்னை.

பசுமைப் பூங்காவில் ஒரு ஜாலி உலா!

வே.கேசவன், ஸ்ரீ சங்கரா மேல்நிலைப் பள்ளி, திருவான்மியூர், சென்னை.  

பசுமைப் பூங்காவில் ஒரு ஜாலி உலா!

கு.அருணகிரி, எஸ்.சி.எஸ். மெட்ரிக் மேல்நிலைப் பள்ளி, குரோம்பேட்டை, சென்னை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு