Published:Updated:

மெட்டல் சிற்பங்கள்!

விகடன் விமர்சனக்குழு

சுட்டி ஸ்டார்ஸ் ஸ்பெஷல்படங்கள்: ஈ.ஜெ.நந்தகுமார்

பிரீமியம் ஸ்டோரி

மீனாட்சி அம்மன் கோயில், குண்டு மல்லி, ஜிகர்தண்டா என மதுரையின் பெருமைப் பட்டியலில், புதிதாக ஒன்று சேரப்போகிறது நண்பர்களே... அதுதான், மதுரை மாநகராட்சி உருவாக்கிவரும், வாகன உதிரிப்பாகச் சிற்பங்கள்.   

மெட்டல் சிற்பங்கள்!

மதுரை செல்லூரில் இருக்கும் மாநகராட்சியின் வாகனப் பராமரிப்புப் பணிமனையில், கழிக்கப்பட்ட வாகன உதிரிப்பாகங்கள், துப்புரவுத் தொழிலாளர்கள் தினமும் சேகரிக்கும் குப்பையில் கிடைக்கும் இரும்புக் கழிவுப் பொருள்கள் ஆகியவற்றைப் பயன்படுத்தி, கலைநயமிக்க சிற்பங்களை உருவாக்கியுள்ளனர். விரைவில் இந்தச் சிலைகளுக்கு வண்ணம் தீட்டி, பொதுமக்கள் பார்த்து ரசிக்கும் வகையில் காட்சிப்படுத்த, மதுரை மாநகராட்சி திட்டமிட்டுவருகிறது. அதற்கு முன்பு, சுட்டி விகடனுக்காக ஸ்பெஷல் பெர்மிஷன் வாங்கி, ஒரு விசிட் அடித்தோம். 

மெட்டல் சிற்பங்கள்!

உயர்ந்து நிற்கும் மகாத்மா காந்தி, துள்ளித் திமிறும் ஜல்லிக்கட்டு காளை, மதுரை பாண்டியர்களின் மீன் சிலை, சேவல், ஆந்தை, ஒட்டகச்சிவிங்கி என ஒவ்வொரு சிற்பத்தையும் பழைய இரும்புப்பட்டைகள், வீல்கள், பற்சக்கரங்கள், ரிம்கள் ஆகியவற்றின் மூலம் உருவாக்கியிருக்கிறார்கள். 

மெட்டல் சிற்பங்கள்!
மெட்டல் சிற்பங்கள்!

மேற்பார்வையாளர் ஷ்யாம், ‘‘நம் மாநகராட்சி கமிஷனர், ஆந்திராவில் இதுபோன்ற வாகனக் கழிவு உதிரிப்பாகங்களில் செய்யப்பட்ட சிற்பங்களைப் பார்த்துவிட்டு, அதேபோல மதுரையில் நிறுவலாம் என்று விரும்பினார். மதுரை மாநகராட்சி வாகனப் பணிமனைகளில் இருக்கும் வாகன உதிரிப்பாகங்கள், துப்புரவுத் தொழிலாளர்கள் சேகரித்துவரும் இரும்புக் கழிவுப்பொருள்கள் ஆகியவற்றைச் சேகரித்தோம். விஜயவாடாவைச் சேர்ந்த சிற்பக்கலைப் பேராசிரியர் ஸ்ரீனிவாசன் தலைமையில், பல்வேறு மாநிலங்களிலிருந்து சிற்பக்கலை வல்லுநர்கள் வரவழைக்கப்பட்டனர். அவர்களுக்கு உதவியாக, மதுரை மாவட்டத்தைச் சேர்ந்த 15 தனியார் வெல்டர்கள் பணியில் ஈடுபடுத்தப்பட்டனர். உடனுக்குடன் மாதிரிப் படங்களை வரைந்து, எந்தெந்தப் பாகங்களுக்கு எந்தெந்தப் பொருள்களைப் பொருத்துவது என்று சிற்பக் கலைஞர்கள் சொல்ல, வெல்டர்கள் அவற்றைப் பொருத்தினார்கள். முதல்கட்டமாக, 16 டன் இரும்புக் கழிவுகளிலிருந்து 16 வகை சிற்பங்களை உருவாக்கி இருக்கிறோம். இவற்றை, மாநகராட்சிப் பூங்காவில் நிறுவப்போகிறோம். பொதுமக்களும் சுற்றுலாப் பயணிகளும் பார்த்து மகிழலாம். மதுரையின் அழகிய அடையாளங்களில் ஒன்றாக இந்தச் சிற்பங்களும் இருக்கும்’’ என்றார்.  

மெட்டல் சிற்பங்கள்!
மெட்டல் சிற்பங்கள்!

மகாத்மா காந்திக்கு சல்யூட் வைத்து, காளையோடு சண்டைபோடுவதுபோல போஸ் கொடுத்து, ‘ஆ’ என்று ஆச்சர்யத்தோடு ஆந்தையைப் பார்த்துவிட்டு, ‘’எல்லோரையும் சீக்கிரமே பூங்காவில் சந்திக்கிறோம்’’ என்று சொல்லிவிட்டுக் கிளம்பினோம்.

ஒருங்கிணைப்பு: செ.சல்மான் 

மெட்டல் சிற்பங்கள்!

மு.சந்திரசேகர், ஆயிர வைசிய மேல்நிலைப் பள்ளி, மதுரை.

மெட்டல் சிற்பங்கள்!

அ.அரவிந்தன், ஸ்ரீ அரபிந்தோ மீரா மெட்ரிக் பள்ளி, மதுரை. 

மெட்டல் சிற்பங்கள்!

மு.சு.கீர்த்தனா அமிர்தா, மகாத்மா பள்ளி (CBSE), மதுரை.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு