Published:Updated:

10ஆம் வகுப்பு பொதுத் தேர்வு நாளை தொடங்குகிறது: 10½ லட்சம் பேர் எழுதுகிறார்கள்

10ஆம் வகுப்பு பொதுத் தேர்வு நாளை தொடங்குகிறது: 10½ லட்சம் பேர் எழுதுகிறார்கள்
10ஆம் வகுப்பு பொதுத் தேர்வு நாளை தொடங்குகிறது: 10½ லட்சம் பேர் எழுதுகிறார்கள்
10ஆம் வகுப்பு பொதுத் தேர்வு நாளை தொடங்குகிறது: 10½ லட்சம் பேர் எழுதுகிறார்கள்

சென்னை: தமிழகம், புதுச்சேரியில் நாளை தொடங்கும் 10ஆம் வகுப்பு பொதுத் தேர்வை 10½ லட்சத்திற்கும் மேற்பட்ட மாணவ–மாணவிகள் எழுதுகிறார்கள்.

கடந்த 1ஆம் தேதி தொடங்கிய பிளஸ்2 பொதுத் தேர்வு நாளையுடன் தேர்வு முடிவடையும் நிலையில், 10ஆம் வகுப்பு பொதுத் தேர்வு நாளை தொடங்கி ஏப்ரல் 12ஆம் தேதி வரை நடைபெறுகிறது.

இந்த தேர்வை தமிழ்நாடு, புதுச்சேரியில் 3012 மையங்களில் 10 லட்சத்து 68 ஆயிரத்து 838 பேர் எழுதுகிறார்கள். இவர்களில் 5 லட்சத்து 43 ஆயிரத்து 152 பேர் மாணவர்கள். 5 லட்சத்து 25 ஆயிரத்து 686 பேர் மாணவிகள். இவர்கள் அனைவரும் பள்ளிகளில் படித்து தேர்வு எழுதுபவர்கள். இவர்கள் தவிர 50 ஆயிரத்திற்கும் மேற்பட்ட தனித்தேர்வர்களும் தேர்வு எழுதுகின்றனர்.

தேர்வு தினமும் காலை 10 மணி முதல் மதியம் 12.45 மணி வரை நடைபெறும். காலை 10 மணிக்கு வினாத்தாள் கொடுக்கப்படும். வினாத்தாளை படிக்க 10 நிமிடம் வழங்கப்படும். அதன்பிறகு விடைத்தாளில் விவரங்களை பூர்த்தி செய்ய 5 நிமிடம் கொடுக்கப்படும்.

தேர்வு மையங்களில் மாணவர்கள் காப்பி அடிப்பதை தடுக்கவும், முறைகேடுகளை தடுத்திடவும் தலைமை ஆசிரியர்கள், கல்வி அதிகாரிகள் தலைமையில் பறக்கும் படைகள் அமைக்கப்பட்டு இருக்கின்றன.

##~~##
மேலும், வருவாய்த்துறை அதிகாரிகள் தலைமையில் தனியாக சிறப்பு பறக்கும் படைகளும் ஏற்படுத்தப்பட்டு உள்ளன. பறக்கும் படையினர் தேர்வு மையங்களுக்கு சென்று திடீர் சோதனையில் ஈடுபடுவார்கள்.
வினாத்தாள் கட்டுகள் மாவட்டங்களுக்கு போலீஸ் பாதுகாப்புடன் அனுப்பப்பட்டு மாவட்ட கல்வி அதிகாரிகளின் பராமரிப்பில் உள்ளன. வினாத்தாள் கட்டுகள் வைக்கப்பட்டுள்ள மையங்களுக்கு துப்பாக்கிய ஏந்திய போலீஸ் பாதுகாப்பு போடப்பட்டு உள்ளது.
10ஆம் வகுப்பு  தேர்வுக்கான அனைத்து ஏற்பாடுகளும் செய்யப்பட்டு இருப்பதாக அரசு தேர்வுகள் இயக்குனர் வசுந்தராதேவி கூறியுள்ளார்.
தேர்வு அட்டவணை:
மார்ச் 27ஆம்  தேதி – மொழித்தாள்–1
மார்ச் 28ஆம் தேதி – மொழித்தாள்–2
ஏப்ரல் 1ஆம் தேதி – ஆங்கிலம் முதல் தாள்
ஏப்ரல் 2ஆம் தேதி – ஆங்கிலம் 2ம் தாள்
ஏப்ரல் 5ஆம்  தேதி – கணிதம்
ஏப்ரல் 8ஆம்  தேதி – அறிவியல்
ஏப்ரல் 12ஆம் தேதி – சமூக அறிவியல்