Published:Updated:

இன்ஜினீயரிங் சேர இணையம் போதும்!

இன்ஜினீயரிங் சேர இணையம் போதும்!
பிரீமியம் ஸ்டோரி
இன்ஜினீயரிங் சேர இணையம் போதும்!

ஞா.சக்திவேல் முருகன் - படங்கள்: பிரியங்கா

இன்ஜினீயரிங் சேர இணையம் போதும்!

ஞா.சக்திவேல் முருகன் - படங்கள்: பிரியங்கா

Published:Updated:
இன்ஜினீயரிங் சேர இணையம் போதும்!
பிரீமியம் ஸ்டோரி
இன்ஜினீயரிங் சேர இணையம் போதும்!

சான்றிதழ்களைச் சேகரித்து , பஸ் புக் பண்ணி, சென்னையில் வந்து இறங்கி, பதற்றத்தோடு அண்ணா பல்கலைக்கழகத்திற்குள் நுழைந்து, கூட்டத்தைக் கண்டு மிரண்டு, பிடித்த பொறியியல் கல்லூரியைத் தேர்வு செய்வதற்குள் போதும் போதுமென்றாகி விடும். கவுன்சிலிங் காலம் என்பது மாணவர்களுக்கு மட்டுமின்றி பெற்றோருக்கும் படபடப்பான காலம் தான். இனி, இந்த பிரச்னையில்லை. வீட்டில் இருந்துகொண்டே கல்லூரியைத் தேர்வுசெய்து கொள்ளலாம்.  

21 வருடங்களாக செயல்பாட்டில் இருக்கும் பொறியியல் கவுன்சலிங் நடைமுறைகளை இந்தாண்டு முதல் மாற்றி அமைத்திருக்கிறது தமிழக அரசின் உயர்கல்வித்துறை. பொறியியல் கலந்தாய்வுக்கு உதவும் வகையில்  தமிழகம் முழுவதும் 42 உதவி மையங்கள் அமைக்கப்பட்டுள்ளன. மாணவர்கள், மே 30-ம் தேதி வரை பொறியியல் கலந்தாய்வில் கலந்துகொள்ள ஆன்லைனில் (www.tnea.ac.in, www.annauniv.edu/tnea2018) பதிவு செய்துகொள்ளலாம். ஜுன் மாதம் முதல் வாரத்தில் சான்றிதழ் சரிபார்ப்புப் பணிகள்,  மாணவர்கள் தேர்வுசெய்த உதவி மையத்திலேயே நடக்கும்.

இன்ஜினீயரிங் சேர இணையம் போதும்!

கவுன்சலிங் நடைமுறைகள் பொறியியல் சேர்க்கைச் செயலாளரும், அண்ணா பல்கலைக்கழக பேராசிரியருமான ரைமண்ட் உத்தரியராஜியிடம் பேசினோம்.

“பெரும்பாலான மாணவர்கள் உதவி மையத்தை அணுகாமல் தாங்களாகவே விண்ணப்பித்திருக்கிறார்கள். இரண்டு லட்சம் விண்ணப்பங்களை எதிர்பார்க்கிறோம். ஒவ்வொரு உதவி மையத்திலும் மாணவர்களுக்கு உதவும் வகையில் 15 பேர் பணியில் உள்ளனர். இ-மெயில் வசதி இல்லை என்றால் அதை உருவாக்கித்தருவது, விண்ணப்பத்தைப் பதிவு செய்யும்போது ஏற்படும் சந்தேகங்களுக்கு விளக்கமளிப்பது என எல்லா உதவிகளையும் அவர்கள் செய்வார்கள்.

ஒட்டுமொத்த விகடனுக்கும் ஒரே ஷார்ட்கட்!

இன்ஜினீயரிங் சேர இணையம் போதும்!


ஜூன் முதல் வாரத்தில் சான்றிதழ்கள் சரிபார்ப்புப் பணி ஆரம்பிக்கும். தற்போது வீட்டில் இருந்து விண்ணப்பிக்கும் மாணவர்கள் தங்களுடைய சான்றிதழ்களைச் சரிபார்ப்பதற்கு மட்டும் பொறியியல் கலந்தாய்வு உதவி மையத்துக்கு வர வேண்டும். விண்ணப்பிக்கும்போதே என்னென்ன சான்றிதழ்களைச் சான்றிதழ் சரிபார்ப்பு மையத்துக்கு எடுத்து வர வேண்டும் என்ற பட்டியலையும் கொடுத்துவிடுகிறோம்.  சான்றிதழ் சரிபார்ப்புக்கு எப்போது வர வேண்டும் என்ற விவரத்தை எஸ்.எம்.எஸ் மூலம் அனுப்பி வைப்போம்.

சான்றிதழ் சரிபார்ப்பு முடிந்தவுடன் ரேங்க்கிங் வெளியிடப்படும். ரேங்கிங் அடிப்படையில் மாணவர்கள் ஐந்து குழுவாகப் பிரித்து அழைக்கப்படுவார்கள். உதவி மையத்தில், கல்லூரிகள் குறித்து அனைத்து விபரங்களும் அடங்கிய கையேடு வழங்கப்படும். அதைக் கொண்டு, தங்களது ரேங்க் அடிப்படையில் எந்தக் கல்லூரியைத் தேர்வு செய்யலாம் என்பதை மாணவர்கள் இறுதி செய்ய முடியும்.

இன்ஜினீயரிங் சேர இணையம் போதும்!

கல்லூரியைத் தேர்ந்தெடுக்க மூன்று நாட்கள் கால அவகாசம் வழங்கப்படும்.  ஒருவேளை, மாணவர் எதிர்பார்த்த கல்லூரி இடம்பெறாவிட்டால் அடுத்த சுற்றில் கலந்துகொள்ளவும் வாய்ப்பு வழங்கப்படும். அவருடைய ரேங்க் அடிப்படையில் எந்தெந்த கல்லூரிக்கு வாய்ப்புள்ளது என்பதை சுட்டிக்காட்டுவோம். ஒவ்வொரு சுற்று கவுன்சலிங் முடிந்த பின்பும், காலியிடங்கள் குறித்த பட்டியல் தயார்செய்து வெளியிடுவோம். .." என்கிறார் அவர். 

ஆன்லைனில் விண்ணப்பிப்பது முதல், கல்லூரியைத் தேர்வு செய்வது வரையிலான 3 படி நிலைகள்:

பொறியியல் கல்லூரியில் சேரவிரும்பும் மாணவர்கள்,   தங்களுடைய பெயரைப் பதிவுசெய்து,  யூசர் நேம், பாஸ்வேர்டு உருவாக்கி, விவரங்களைப் பதிவுசெய்து பதிவுக்கட்டணம் செலுத்தவேண்டும். பொதுப்பிரிவு, பிற்படுத்தப்பட்டோர் மற்றும் மிகவும் பிற்படுத்தப்பட்ட பிரிவினருக்கு ரூ.500, தாழ்த்தப்பட்டோர் மற்றும் பழங்குடிப் பிரிவினருக்கு ரூ.250 ரூபாய் பதிவுக்கட்டணம். இதனை டெபிட் கார்டு, கிரெடிட் கார்டு அல்லது நெட் பேங்கிங் மூலம் செலுத்த வேண்டும். விவரங்களைப் பதிவுசெய்யும்போதே, உதவி மையத்தைத் தேர்வு செய்துகொள்ளலாம்.

இரண்டாவது கட்டமாக, ஜூன் முதல் வாரத்தில் அசல் சான்றிதழ்கள் மற்றும் நகல்களுடன், தேர்வுசெய்த உதவி மையத்துக்கு மாணவர்கள் செல்லவேண்டும்.  சான்றிதழ் சரிபார்ப்புக்குப் பின்பு தரவரிசைப்பட்டியல் வெளியிடப்படும். இந்தத் தரவரிசை பட்டியலில் குழப்பமோ சந்தேகமோ இருந்தால் பொறியியல் சேர்க்கை அலுவலகத்தை அணுகலாம். இதற்கு ஒரு வாரகாலம் அவகாசம் வழங்கப்படும். பின்னர், இறுதித் தரவரிசை வெளியிடப்படும்.

மூன்றாவது கட்டமாக, இறுதிப்பட்டியலில் இடம்பிடித்தவர்கள் பல்வேறு குழுக்களாகப் பிரிக்கப்பட்டு, ஒவ்வொரு குழுவுக்கும் குறிப்பிட்ட தேதியில் ஆன்லைன் கவுன்சலிங்கில் கலந்துகொள்ள வாய்ப்பு வழங்கப்படும்.
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism