Published:Updated:

தோல்வி என்பதும் வாய்ப்புதான்!

ஒட்டுமொத்த விகடனுக்கும் ஒரே ஷார்ட்கட்

Use App
தோல்வி என்பதும் வாய்ப்புதான்!
தோல்வி என்பதும் வாய்ப்புதான்!

எஸ்.முத்துகிருஷ்ணன் - படம்: என்.ஜி.மணிகண்டன்

பிரீமியம் ஸ்டோரி

.ஏ.எஸ்., ஐ.பி.எஸ் ஆக வேண்டும் என்ற லட்சியத்தைத் தாங்கிய இளைஞர்களை வெற்றியாளர் களாக மாற்ற வேண்டும் என்பதற்காகத்தான், ‘ஐ.ஏ.எஸ் இலவசப் பயிற்சி முகாம்கள்’ விகடன் குழுமத்தின் சார்பில் தொடர்ந்து நடத்தப்படுகின்றன. அதன் தொடர்ச்சியாகத் தான், ‘இந்தியக் குடிமைப்பணி, தமிழ்நாடு அரசுப் பணியாளர் தேர்வாணையம்’ நடத்தும் போட்டித் தேர்வுகளுக்கான இலவச வழிகாட்டும் நிகழ்ச்சி ஜூலை 14-ஆம் தேதி, திருச்சி செயின்ட் ஜோசப் கல்லூரியில் விகடன் பிரசுரம் மற்றும் சங்கர் ஐ.ஏ.எஸ் அகாடமி சார்பில் நடந்தது.

தோல்வி என்பதும் வாய்ப்புதான்!

திருச்சி போலீஸ் துணை கமிஷனர் மயில்வாகனன், “போட்டித்தேர்வுகளில் ஒரே முயற்சியில் சிலருக்கு வெற்றி கிடைக்கலாம்; சிலருக்கு அது தாமதமாகலாம். ஒவ்வொரு தோல்விக்குள்ளும் ஒரு சக்திவாய்ந்த வாய்ப்பு மறைந்து இருக்கிறது என்பதை நீங்கள் ஒவ்வொருவரும் உணர வேண்டும்’’ என்று உற்சாகப்படுத்தியவர், மாணவர்களின் சந்தேகங்களுக்கும் விளக்கம் அளித்தார்.

சங்கர் ஐ.ஏ.எஸ் அகாடமி நிறுவன இயக்குநர் சங்கர் தேவராஜன், “நீங்கள் பள்ளிப் பாடப் புத்தகத்தில் படித்த விஷயங்கள்தான் பொது அறிவுக் கேள்விகளாகக் கேட்பார்கள். எனவே, அந்த நோக்கில் புரிந்து படித்து, தேர்வுக்கு உங்களைத் தயார்படுத்திக்கொள்ள வேண்டும்” என்று வழிகாட்டினார்.

2017-ஆம் ஆண்டு இந்தியக் குடிமைப்பணித் தேர்வில் தமிழக அளவில் 2-வது இடம் பிடித்த எல். மதுபாலன், “இது திறமை சார்ந்த தேர்வு என்பதால் வெறுமனே புத்தகத்தை மட்டும் படித்தால் போதாது. முதல் நிலைத் தேர்வு, மெயின் தேர்வு, நேர்முகத் தேர்வு என்ற நிலைகளுக்கு ஏற்ப ஒவ்வொரு கட்டத்துக்கும் தயாராக வேண்டும்’’ என்று விரிவாகப் பேசினார்.

போட்டித் தேர்வு நூல் எழுத்தாளர் மற்றும்  பயிற்சியாளர் டாக்டர் சங்கர சரவணன் பேசுகையில், “வேலை செய்துகொண்டே படித்தும் சிவில் சர்வீஸ் தேர்வுகளில் வெற்றிபெறலாம். திட்டமிடுதலே முக்கியமானது. ஐ.ஏ.எஸ் தேர்வு அறிவிப்பில் தொடங்கி முடிவு  வரை,  இது ஓராண்டு தவம். ஆர்வமும் தொடர் முயற்சியும் இருந்தால் ஐ.ஏ.எஸ் தேர்வில் வெற்றி பெற முடியும்” என்று வழிகாட்டினார்.

வருங்கால அதிகாரிகளுக்கு வழிகாட்டிய நிகழ்ச்சி இது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு