Published:Updated:

அண்ணா பல்கலைக்கழக பட்டமா? செல்லாது... செல்லாது!

அண்ணா பல்கலைக்கழக பட்டமா? செல்லாது... செல்லாது!
பிரீமியம் ஸ்டோரி
அண்ணா பல்கலைக்கழக பட்டமா? செல்லாது... செல்லாது!

நிராகரிக்கும் டி.என்.பி.எஸ்.சி

அண்ணா பல்கலைக்கழக பட்டமா? செல்லாது... செல்லாது!

நிராகரிக்கும் டி.என்.பி.எஸ்.சி

Published:Updated:
அண்ணா பல்கலைக்கழக பட்டமா? செல்லாது... செல்லாது!
பிரீமியம் ஸ்டோரி
அண்ணா பல்கலைக்கழக பட்டமா? செல்லாது... செல்லாது!

ல கல்லூரிகளில் நடத்தப்படும் பாடப்பிரிவுகளுக்கு அங்கீகாரம் தரும் அதிகாரத்தில் இருக்கும் அண்ணா பல்கலைக்கழகமே அங்கீகாரம் இல்லாத பட்டங்களைத் தருமா? அப்படித்தான் தந்திருக்கிறது. தரமான கல்விக்குப் பெயர்பெற்ற அண்ணா பல்கலைக்கழகம், இப்போது தரக்குறைவான பிரச்னைகளால் பெயர் கெட்டு வருகிறது. தேர்வுத்தாள் மறுமதிப்பீடு செய்வதில் ஊழல் எனத் தொடங்கியது பிரச்னை. இப்போது, `அண்ணா பல்கலைக்கழகத்தில் படித்த பட்டம் செல்லாது’ என்று தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி) அறிவிக்க... பிரச்னை விஸ்வரூபம் எடுத்துள்ளது. 

வேளாண் உதவிப் பொறியாளர் பணிக்கு ஆட்களைத் தேர்வு செய்யும் தகுதித்தேர்வை டி.என்.பி.எஸ்.சி நடத்திவருகிறது. அண்ணா பல்கலைக்கழகத்தில் வேளாண் மற்றும் பாசனப் பொறியியல் படித்த 25-க்கும் மேற்பட்டவர்கள் இதில் வெற்றி பெற்றிருந்தும், ‘படிப்பு செல்லாது’ என்று நேர்முகத்தேர்வுக்கு அனுமதிக்கப்படவில்லை.

இப்படி வாய்ப்பு மறுக்கப்பட்ட தால் போராடிவரும் அகல்யா விடம் பேசினோம். ``2008-ம் ஆண்டில் ப்ளஸ் டூ முடித்து, இன்ஜினீயரிங் கவுன்சலிங் வழியே அண்ணா பல்கலைக்கழகத்தில் அக்ரிகல்சர் அண்டு இர்ரிகேஷன் இன்ஜினீயரிங் படிப்பைத் தேர்ந்தெடுத்தேன். 2012-ம் ஆண்டு படித்து முடித்ததும், தனியார் நிறுவனத்தில் வேலை கிடைத்தது. டி.என்.பி.எஸ்.சி கடந்த ஆண்டு வேளாண் உதவிப் பொறியாளர் பணிக்கான விளம்பரத்தை வெளியிட்டு, தேர்வு நடத்தியது. இதில் என்னைப்போல் அண்ணா பல்கலைக்கழகத்தில் அக்ரிகல்சர் அண்டு இர்ரிகேஷன் இன்ஜினீ யரிங் படித்த ஆறு பேர் தேர்ச்சி பெற்றோம். ஆனால், சான்றிதழ் சரிபார்ப்புக்குச் சென்றபோது, ‘அண்ணா பல்கலைக்கழகத்தில் படித்த பட்டம் செல்லாது’ என்று எங்களைத் திருப்பி அனுப்பி விட்டது டி.என்.பி.எஸ்.சி.

அண்ணா பல்கலைக்கழக பட்டமா? செல்லாது... செல்லாது!

அண்ணா பல்கலைக்கழகம் கடந்த 12 ஆண்டுகளாக இந்தப் படிப்பை நடத்திவருகிறது. இது வரை 400-க்கும் மேற்பட்டவர்கள் இதைப் படித்து முடித்துள்ளனர். ஆனால், தமிழ்நாடு வேளாண்மைப் பல்கலைக்கழகத்தில் நடத்தப்படும் படிப்புக்கு இணையான படிப்பு இது என்று சான்றிதழ் பெறாததால், எங்களை நிராகரித்திருப் பதாகச் சொல்கிறது டி.என்.பி.எஸ்.சி. எங்கள் படிப்புக்கும் தமிழ்நாடு வேளாண்மைப் பல்கலைக் கழகத்தில் நடத்தப்படும் படிப்புக்கும் பெரிய வித்தியாசம் இல்லை. பாடத்தின் பெயரில் இர்ரிகேஷன் என்று சேர்ந்துள்ளதால், எங்களை நிராகரிப்பதில் நியாயமில்லை” என்று வருந்தினார் அகல்யா.

இவரைப் போலவே படித்த அஸ்வின் பிரகதீஷும், ராஜ்குகனும், ``மேற்படிப்புக்கும் நல்ல வேலைவாய்ப்புக்கும் உதவியாக இருக்கும் என்ற ஆசையில் இந்தப் படிப்பில் சேர்ந்தோம். இங்கு சேர்ந்த பிறகே, தமிழ்நாடு வேளாண் பல்கலைக்கழகமும், இந்திய வேளாண் ஆராய்ச்சி நிறுவனமும் எங்கள் படிப்புக்கு அங்கீகாரம் தரவில்லை என்பதைத் தெரிந்துகொண்டோம். நாங்கள் இருவரும் கடந்த ஆண்டு கேட் தேர்வில் தேர்ச்சிபெற்று, கரக்பூர் ஐ.ஐ.டி-யில் படிக்க விண்ணப்பித்தோம். எங்கள் படிப்புக்கு அங்கீகாரம் இல்லை என்று சொல்லி, முதுநிலைப் படிப்பில் சேர்க்க மறுத்துவிட்டார்கள்” என்று வேதனையுடன் சொன்னார்கள். ``எங்கள் படிப்பைப்போலவே, அண்ணா பல்கலைக்கழகத்தில் பல படிப்புகள் அங்கீகாரம் இல்லாமல் நடத்தப்படுகின்றன. அந்தப் படிப்புகள் மற்ற கல்வி நிறுவனங்களில் நடத்தப்படும் படிப்புகளின் பெயர்களிலேயே இருப்பதால் பிரச்னை இல்லாமல் இருக்கிறது” என்றனர்.

இதுகுறித்து தமிழ்நாடு அரசுப் பணியாளர் தேர்வாணையத்தின் செயலாளர் நந்தகுமாரிடம் பேசினோம். ``தொழில்நுட்பப் படிப்புக்கு இணையானது என்று சான்றிதழ் வழங்குவதே அண்ணா பல்கலைக்கழகம்தான். ஆனால், அண்ணா பல்கலைக்கழகத்தில் நடத்தப்படும் படிப்புக்கு ஏன் சான்று பெறவில்லை எனத் தெரியவில்லை. தமிழக வேளாண்துறையில் வேளாண் உதவிப் பொறியாளர் பதவிக்கான தகுதிகள் குறித்து எங்களிடம் தகவல் வழங்கி, ஆட்களைத் தேர்வு செய்யச் சொல்வார்கள். அந்தத் தகவலின் அடிப்படையிலேயே தேர்வு நடத்துகிறோம். இதில் தேர்ச்சி பெற்றவர்கள் பல்வேறு படிப்புகளைப் படித்திருந்தால், அரசு நிறுவனங்கள் எதிர்பார்க்கும் தகுதியுள்ள தொழில் படிப்பைப் படித்திருக்கிறார்களா என்பதை அண்ணா பல்கலைக்கழகமே சரிபார்க்கும். தற்போது அண்ணா பல்கலைக் கழகத்தில் நடத்தப்படும் படிப்பின் மீதே கேள்வி எழுந்துள்ளது. இதுகுறித்து வேளாண்மைத் துறைக்கும், அண்ணா பல்கலைக்கழகத்துக்கும் தகவல் அனுப்பியுள்ளோம்” என்றார்.

ஒட்டுமொத்த விகடனுக்கும் ஒரே ஷார்ட்கட்!

அண்ணா பல்கலைக்கழக பட்டமா? செல்லாது... செல்லாது!

அண்ணா பல்கலைக்கழகத்தின் பதிவாளர் குமாரிடம் விளக்கம் கேட்டோம். ``அண்ணா பல்கலைக்கழகத்துக்கும் தமிழ்நாடு வேளாண்மைப் பல்கலைக்கழகத்துக்கும் சிறிய அளவில் கருத்துவேறுபாடு இருந்துவருகிறது. வேளாண் பல்கலைக்கழகத்தில் வேளாண்மைப் பொறியியல் என்ற படிப்பு மட்டும் வழங்கப்படுகிறது. அண்ணா பல்கலைக்கழகத்தில் வேளாண்மை மற்றும் நீர்ப்பாசனப் பொறியியல் படிப்பு எனச் சேர்த்து வழங்கப்படுகிறது. தமிழ்நாடு வேளாண்மைப் பல்கலைக்கழகம் எங்களைப் போட்டியாளராகத்தான் நினைக்கிறது. அதனால், வேளாண்மைத் துறைக்கு அவர்கள் தவறான தகவல் கொடுத்திருக்கலாம்.

இந்தப் பிரச்னை குறித்து தமிழ்நாடு வேளாண்மைத் துறையிடமும், தமிழ்நாடு வேளாண் பல்கலைக்கழகத்திடமும் பேசித் தீர்வு காணப்படும். இதை உயர்கல்வித் துறைச் செயலாளரின் கவனத்துக்கு எடுத்துச்சென்று உடனே இந்திய வேளாண் ஆராய்ச்சி மையத்துக்கும் கோரிக்கை வைக்கவுள்ளோம். நான் கடந்த வாரம்தான் பதிவாளராகப் பதவியேற்றுள்ளேன். என் கவனத்துக்குக் கொண்டுவந்ததற்கு ஜூனியர் விகடனுக்கு நன்றி” என்றார் அவர்.

படிப்பை ஆரம்பிக்கும்போதே அதற்கான அங்கீகாரத்தைப் பெற்றிருந்தால், பத்து வருடங்களாகப் படித்த மாணவர்கள் எந்த வகையிலும் பாதிக்காமல் வேலைவாய்ப்பையும், உயர்கல்வியையும் பெற்றிருப்பார்கள். அண்ணா பல்கலைக்கழகமே இப்படி நடந்துகொண்டால், தனியார் பல்கலைக்கழகங்கள் எப்படி இருக்கும்? 

- ஞா.சக்திவேல் முருகன்
படம்: சொ.பாலசுப்ரமணியன்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism