Published:Updated:

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!
பிரீமியம் ஸ்டோரி
கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

வணிகம்

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

வணிகம்

Published:Updated:
கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!
பிரீமியம் ஸ்டோரி
கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

‘‘பேச் பேச் கீ சீகோ...
ஹர் சிகாயிகோ பேச்சோ...
சீக் சீக் கே பேச்சோ...’’

இந்த இந்தி வார்த்தைகளைப் பாடியபடி மாணவர்களை உற்சாகப்படுத்து கிறார் வெள்ளைக் குல்லாவை அணிந்த அந்தப் பேராசிரியர். அவருடைய பிரதான வேலையே இந்தியா முழுக்க உள்ள கல்லூரிகளுக்குச் சென்று, மாணவர்களிடம் விற்பனைத் திறமையை (Salesmanship) அதிகப்படுத்துவதுதான். 

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

இவருடைய பெயர், மண்டி பிரசாத் தீகலாபெல்லி. ஆந்திராவில் பிறந்த பிரசாத், டெய்லரிங் வேலை செய்துகொண்டே  பி.ஹெச்டி வரை படித்தவர். மும்பையில் உள்ள நேஷனல் இன்ஸ்ட்டிடியூட் ஆஃப் இண்டஸ்ட்ரியல் இன்ஜினீயரிங்கில் பேராசிரியராக இருக்கிறார். பொருள்களை விற்பது எப்படி என்கிற பாடத்தை எம்.பி.ஏ மாணவர்களைச் சந்தைகளுக்கும், மண்டிகளுக்கும் அழைத்துச் சென்று சொல்லித் தருவாராம். அதனால் அவரது பெயரின் முன்பு ‘மண்டி’ என்கிற அடைமொழி சேர்ந்துகொண்டது.  சென்னையில் ஆவடிக்குப் பக்கத்தில் உள்ள வேல் டெக் நிகர்நிலைப் பல்கலைக்கழக மாணவர்கள் நடத்திய சந்தை - 2018 என்னும் நிகழ்ச்சியை நடத்திக் கொடுக்க சென்னை வந்திருந்த அவரை சந்தித்துப் பேசினோம்.

‘‘கல்லூரி மாணவர்களிடம் விற்பனைத் திறனை அதிகரிக்க இத்தனை தூரம் பாடுபடு கிறீர்களே, ஏன்’’ என்று கேட்டோம்.

‘‘மாணவர்கள் கல்லூரியில் படித்து முடித்தவுடன் வேலைக்குப் போக வேண்டும். சிலர், உற்பத்தித் துறை சார்ந்த வேலைக்குப் போக லாம். இன்னும் சிலர், சேவைத் துறையில் வேலைக்குப் போகலாம். எந்த வேலைக்குப் போனாலும், உங்களுக்கு விற்கத் தெரிந்திருக்க வேண்டும். முதலில், உங்களை  நீங்கள் விற்கத் தெரிந்திருக்க வேண்டும். அடுத்து, நீங்கள் விற்க நினைக்கும் பொருளை மற்றவர் களுக்கு விற்க

ஒட்டுமொத்த விகடனுக்கும் ஒரே ஷார்ட்கட்!

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

உங்களுக்குத் தெரிந்திருக்க வேண்டும்.

கல்லூரிப் படிப்பு முடிந்தபிறகு செய்ய வேண்டிய இந்த வேலையைக் கொஞ்சம் ஜாலியாக படிக்கிறபோதே செய்தால் என்ன என்று யோசித்ததன் விளைவு, இந்தியா முழுக்க உள்ள கல்லூரிகளுக்குச் சென்று, அங்கு படிக்கும் மாணவர்களிடம் விற்பனை செய்வதில் ஆர்வத்தை உருவாக்கி வருகிறேன். இதன்மூலம்  ‘ஸ்டூடன்ட் என்டர்பிரைசஸ்’ என்னும் மாணவர்களைத் தொழில் முனைவர்களாக ஆக்கும் முயற்சியைச் செய்துவருகிறேன்.

கல்லூரி மாணவர்கள் விற்பனை செய்வதற்கு என்ன இருக்கிறது என்று நினைக்கத் தேவையில்லை. கல்லூரி நிர்வாகம் கொஞ்சம் வித்தி யாசமாக யோசித்து, மாணவர்களுக்கு ஒரு களம் அமைத்துத் தந்தால், எல்லா மாணவர்களும் அதில் கலந்துகொண்டு விற்க முடியும். கல்லூரியில் மாணவர்கள் என்ன படிக்கிறார்களோ, அந்தப் படிப்பை ஒட்டியுள்ள தொழிலில் அவர் விற்பனை செய்யலாம். உதாரணமாக, கல்லூரியில் வரலாறு படிக்கும் மாணவர்கள் அவர்கள் இருக்கும் ஊரில் அல்லது பக்கத்து ஊரில் உள்ள வரலாற்று முக்கியத்துவம் வாய்ந்த இடங்கள் பற்றிய தகவல் களை நன்கு தெரிந்து வைத்துக் கொண்டு, அதுகுறித்து சுற்றுலாப் பயணிகளிடம் எடுத்துச் சொல்லலாம். இந்த வேலையை எந்த அளவுக்குக் கவர்ந்திழுக்கிற மாதிரி செய்கிறோமோ, அந்த அளவுக்கு நாம் அடுத்தவர்களின் மனதில் இடம்பெறலாம். இப்படி ஒவ்வொரு படிப்பைப் படிக்கும் மாணவர்களும் ஏதாவது ஒரு வகை யில் விற்பனையில் ஈடுபடுவதன் மூலம் குறிப்பிட்ட அளவு சம்பாதிக்க முடியும்.

இந்தியா முழுக்க 750 பல்கலைக் கழகங்கள், 37 ஆயிரம் கல்லூரிகள் உள்ளன. இவற்றில் படிக்கும் மாணவர் களின் எண்ணிக்கை மூன்று கோடிக்கு மேல். இந்த மாணவர்கள் ஒரு நாளைக்கு ரூ.100 சம்பாதித்தால், ரூ.300 கோடி வருமானம். ஓர் ஆண்டுக்கு 100 நாள்கள் வேலை பார்த்து, இப்படிச் சம்பாதித்தால், ரூ.30 ஆயிரம் கோடி வருமானம் கிடைக்கும். இப்போது மாணவர்கள் படிக்கிறபோது எந்த வேலையிலும் ஈடுபடாமல் இருப்பதன் மூலம் இந்த 30 ஆயிரம் கோடி ரூபாயை நாம் சம்பாதிக்காமல் இழந்துகொண்டிருக்கிறோம்.

கல்லூரியில் படிக்கும்போதே எளிதில் சம்பாதிக்க ஒரே வழி, விற்பனை செய்வதுதான். அரசினால் அங்கீகரிக்கப்பட்ட, சமுதாயத்துக்கு நன்மை செய்கிற எந்தவொரு பொருளையும் நாம் விற்பதில் எந்தத் தவறும் இல்லை. வேறு யாரையும்விட இளைஞர்கள் ஒருபொருளை விற்கும் போது, மற்றவர்கள் அதை விரும்பு வார்கள். யாரோ ஒருவரிடம் வேலை வேண்டும் என்று கெஞ்சி நிற்பதைவிட, ஏதாவது ஒரு பொருளை நாம் திறமை யாக விற்று லாபம் சம்பாதிக்கலாம்.

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

எந்தப் பொருளை விற்பதாக இருந்தாலும், முதலில் அந்தப் பொருள் பற்றி நன்கு தெரிந்துகொள்ள வேண்டும். அந்தப் பொருள் பற்றி சின்னச் சின்ன விஷயங்களைக்கூட தெளிவாகத் தெரிந்துகொண்டு சொல் வதன்மூலம், அந்தப் பொருளை வாங்கினால் என்ன என்கிற எண்ணத்தை வாங்குபவர் மனதில் ஏற்படுத்த வேண்டும்.

எந்தப் பொருளை யாரிடம் விற்க வேண்டும் என்பதை நன்கு அறிந்திருக்க வேண்டும். நம்மிடம் இருக்கும் பொருள் ஒருவருக்குத் தேவைப்படாது என்று நாம் நினைத்தால், அவரை நாம் அணுகவே கூடாது. அதேபோல, நாம் விற்கும் பொருள் ஒருவருக்குத் தேவைப்படும் என்று நினைத்தால், நாம் அவரை அணுகாமல் இருக்கவும் கூடாது.

விற்பனை என்பது பரபரப்பான வேலை. விருப்பத்துடன் அதைச் செய்தால், நம்மால் அதில் நிச்சயம் வெற்றி பெற முடியும்’’ என்று முடித்தார்.

‘‘நீங்கள் வகுப்பு நடத்தும் இடங்களிலெல்லாம் ‘பேச் பேச் கீ சீகோ’ என்கிற பாட்டைப் பாடி ஆரம்பிக்கிறீர்களே, இதற்கு என்ன அர்த்தம்?’’ என்று கேட்டோம்.

‘‘ஆங்கிலத்தில் சொல்கிறேன். Sell sell to learn, Sell every learning, Learn learn to sell. (கற்றுக்கொள்ள விற்கத் தொடங்கு. கற்றுக்கொண்டதை வைத்து விற்கத் தொடங்கு. கற்பதற்காக விற்கத் தொடங்கு) விற்பனையை ஒரு கொண்டாட்டமாக  செய்ய வேண்டும் என்கிற உத்வேகத்தை மாணவர்களிடம் ஊட்டத்தான் இந்தப் பாடல் வரிகள்’’ என்றபடி ‘‘பேச் பேச் கீ சீகோ’’ என்று பாடத் தொடங்க, எல்லோரும் அவரைத் தொடர்ந்து பாடத் தொடங்க, தங்களிடம் இருந்த பொருள் களை விற்பதற்காக பஸ்ஸில் ஏறிக் கிளம்பினார்கள் வேல் டெக் மாணவர்கள். 

- ஏ.ஆர்.குமார்

படங்கள்: வீ.நாகமணி

விற்றுத் தீர்த்த மாணவர்கள்!

கல்லூரியில் படிக்கும் மாணவர்களிடம் விற்பனைத் திறனை வளர்ப்பதற்காக ‘சந்தை - 2018’ என்கிற நிகழ்ச்சியை வேல் டெக் பல்கலைக்கழகமும், வேல் டெக் டெக்னாலஜி இன்குபேட்டரும் இணைந்து நடத்தியது. இந்த நிகழ்ச்சியில் கலந்துகொள்ள 200 மாணவர்கள் முன்வந்தனர். இவர்கள் தலா மூன்று பேர் கொண்ட 64 குழுக்களாகப் பிரிக்கப்பட்டனர்.

கல்லூரி To கடை வீதி...மாணவர்களை விற்பனையாளர்களாக மாற்றிய மண்டி பிரசாத்!

உதவும் உள்ளங்கள், சுவபோதினி ஆகிய இரண்டு தொண்டு நிறுவனங்கள் விற்பனை செய்யும் பொருள்களை வேல் டெக் மாணவர்கள் விற்றுத் தரவேண்டும் என்பது திட்டம். ஒவ்வொரு குழுவுக்கும் ரூ.650 மதிப்புள்ள பொருள்கள் இருந்த பை தரப்பட்டது. இந்தப் பையில் உள்ள பொருள்களை விற்க தி.நகர், அண்ணா நகர், புரசைவாக்கம், அம்பத்தூர் என நான்கு இடங்கள் தேர்வு செய்யப்பட்டன.

பொருள்களை விற்பதில் எந்த அனுபவமும் இல்லாத மாணவர்கள், ஒரே நாளில் எல்லாப் பொருள்களையும் விற்றதுதான் ஆச்சர்யம். மொத்தமுள்ள 64 குழுக்களில் 54 குழுக்கள் எல்லாப் பொருள்களையும் விற்றனர். இந்தப் பையில் ஒரு குடும்பத்துக்குத் தேவையான பல பொருள்கள் இருந்ததால், ஒருசிலர் பையை அப்படியே விலை பேசி வாங்கிவிட்டார்களாம். ஒரு மாணவர் புரசைவாக்கத்தில் உள்ள சர்ச்சில் பொருள்களை விற்கச் செல்ல, ‘‘பொருள்களை விற்க உங்களுக்கு நிரந்தரமாகவே ஓர் இடம் தருகிறோம்’’ என்று சொல்லிவிட்டார்களாம். 

‘‘ஒரு ஃபன்னாகத்தான் பொருள்களை விற்க ஆரம்பித்தோம். இப்போது பொருள்களை விற்பதில் எங்களுக்கு இருக்கும் தயக்கம் போய்விட்டது. இனி, எந்தப் பொருளைக் கொடுத்தாலும், அதை நாங்கள் தைரியமாக விற்போம்’’ என்றனர் மாணவர்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism