Published:Updated:

முப்படைகளை அறிவோம் !

- பூ.கொ.சரவணன்

முப்படைகளை அறிவோம் !

- பூ.கொ.சரவணன்

Published:Updated:
##~##

தரைப் படை: உலகில் மிகப் பெரிய தரைப் படையைக்கொண்ட நாடுகளுள் இந்தியாவும் ஒன்று. சுமார் 11 லட்சம் பேர் பணியில் இருக்கிறார்கள். 18 முதல் 25 வயதுக்குள் இருக்கும் எந்த இந்தியரும் விருப்பத்தின் பேரில் ராணுவத்தில் சேரலாம். தரைப் படை மொத்தம் ஏழு இடங்களில் போர்த் தளங்களைக் கொண்டுள்ளது. அதில் ஆறு செயல்பாட்டுத் தளங்களாகவும், ஒன்று பயிற்சிக்காகவும் பயன்படுகிறது. போர்க் காலங்களில் நில வழியான தாக்குதலைத் தடுக்கும் இந்தப் படை, ஐ.நா. சபையின் அமைதிப் படையுடன் இணைந்தும் சிறப்பான பணிகளைச் செய்துள்ளது. தற்போதைய இந்தியத் தரைப் படைத் தளபதி, ஜெனரல் பிக்ராம் சிங்.

விமானப் படை: 'பாரதிய வாயு சேனா’ என அறியப்படும் விமானப் படை, 1932-ல் உருவாக்கப்பட்டது. ஒரு லட்சத்துக்கும் மேற்பட்ட வீரர்களைக்கொண்டது. போர்க் காலங்களில் வான் வழித் தாக்குதல்களில் ஈடுபடுவதுடன் பேரிடர் காலங்களில் மக்களுக்கு உதவும் பணியிலும் ஈடுபடுகிறது. இந்திய ராணுவத்தின் மற்ற இரண்டு படைகள் மற்றும் இந்திய விண்வெளி ஆராய்ச்சி மையமான 'இஸ்ரோ’ ஆகியவற்றுடன் இணைந்தும் செயல்படுகிறது. மொத்தம் ஐந்து செயல்பாட்டுத் தளங்கள், ஒரு பயிற்சித் தளம் மற்றும் ஒரு பராமரிப்புத் தளம் ஆகியவை உள்ளன. தற்போதைய இந்திய விமானப் படைத் தளபதி, நார்மன் அனில் குமார் பிரவுனே.

ஒட்டுமொத்த விகடனுக்கும் ஒரே ஷார்ட்கட்!

முப்படைகளை அறிவோம் !

கப்பல் படை: இந்தியக் கப்பல் படை 'பாரதிய நௌ சேனா’ (Bharatiya Nau Sena) என அழைக்கப்படுகிறது. இது நம் நீண்ட நெடிய கடல் பகுதியை அந்நியர்களிடம் இருந்து பாதுகாக்கிறது. அத்துடன், கடல் கொள்ளையர்களிடம் இருந்து காப்பதற்கும் இயற்கைப் பேரிடர்களின்போது மக்களுக்கு உதவுவதற்கும் பயன்படுகிறது. 50,000-க்கும் மேற்பட்டவர்கள் பணியில் உள்ளார்கள். கப்பல் படையின் கப்பல்களின் முகப்பில் இந்தியக் கப்பல் படையைக் குறிக்கும் ஐ.என்.எஸ். என்ற எழுத்துகள் பொறிக்கப்பட்டு இருக்கும். மேற்கு, கிழக்கு, தெற்கு என மூன்று தளங்கள் உள்ளன. தற்போதைய இந்திய கப்பல் படைத் தளபதி, தேவேந்திர குமார் ஜோஷி.

பயிற்சித் தளங்கள்: ராஷ்ட்ரிய இந்திய ராணுவக் கல்லூரி - ராணுவத்தில் சேரத் தேர்வாகும் மாணவர்களுக்கு பயிற்சி தருகிறது. இது டேராடூனில் உள்ளது. சைல், அஜ்மீர், பெல்காம், பெங்களூரு ஆகிய இடங்களிலும் பயிற்சிப் பள்ளிகள் உள்ளன. இந்தியக் கப்பல் அகாடெமி கேரளாவில் எழிமலா எனும் இடத்தில் உள்ளது. விமானப் படை அகாடமி ஆந்திராவின் துண்டிகல் என்ற இடத்தில் உள்ளது.