Published:Updated:

பிட்டுக்கு மண் சுமந்த இறைவன்!

பிட்டுக்கு மண் சுமந்த இறைவன்!

பிட்டுக்கு மண் சுமந்த இறைவன்!

பிட்டுக்கு மண் சுமந்த இறைவன்!

Published:Updated:
##~##

துரையை அரிமர்த்தன பாண்டியன் என்பவன் ஆண்டு வந்தான். அந்தச் சமயம் இறைவன் சோமசுந்தரப் பெருமான் தனது திருவிளையாடலை அங்கு அரங்கேற்றும் பொருட்டு, வைகை நதியில் வெள்ளம் கரை புரண்டோடச் செய்தார்.

வானளாவிப் பெருகிவரும் வைகை ஆற்று வெள்ளம், கரையை உடைத்துக்கொண்டு மதுரையை அழிக்கும் அபாயம் ஏற்பட்டதால், பாண்டிய மன்னன் அமைச்சர்களைக் கலந்து ஆலோசித்தான். அந்த ஆலோசனையில், வீட்டுக்கு ஒருவர் மண் சுமந்து வைகைக் கரையை வலுப்படுத்தும் ஆணை பிறப்பிக்கப்பட்டது.

ஒட்டுமொத்த விகடனுக்கும் ஒரே ஷார்ட்கட்!

பிட்டுக்கு மண் சுமந்த இறைவன்!
பிட்டுக்கு மண் சுமந்த இறைவன்!

மதுரை நகரின் கீழ்த் திசையில் வசித்து வருபவள் 'வந்தி’ என்னும் மூதாட்டி. இவள் பிட்டு சுடும் தொழில் செய்பவள். முதலில் சோமசுந்தரக் கடவுளுக்குப் பிட்டைப் படைத்துவிட்டுப் பின்னர்தான் ஏனையோருக்கு விற்பனை செய்துவந்தாள். வைகைக் கரையை வலுப்படுத்த மன்னன் ஆணைப்படி வீட்டுக்கு ஒருவர் சென்றனர். வந்தி, 'தனக்கு யாரும் இல்லையே’ என்று சோமசுந்தரக் கடவுளை நினைத்துக் கண்ணீர் மல்கினாள்.

அடியவர்க்கு அருளும் இறைவன், வந்திக்கும் அருள்செய்ய பிட்டுக்கு மண் சுமக்கும் கூலி ஆளாய் வந்தியிடம் வந்து சேர்ந்தார். கூலியாகப் பிட்டைப் பெற்றுக்கொண்ட இறைவன், மண்வெட்டியுடன் வைகை நதிக்கு வந்தார்.

வைகைக் கரைக்கு வந்த  இறைவன், மண் சுமந்து கரையை வலுப்படுத்தாமல், நீரில் குதித்தும், மற்றவர்கள் சுமந்து வரும் மண்ணைக் கீழே தள்ளிவிட்டும், ஆடியும், பாடியும் தனது விளையாட்டைத் தொடங்கினார். இதைக் கவனித்த காவலர்கள், 'இவனுக்குப் பித்துப் பிடித்துவிட்டதோ?’ என நினைத்தனர். உடனடியாக மன்னனிடம் சென்று முறையிட்டனர்.

வைகை நதிக்கு வந்த மன்னன் ஆத்திரம் அடைந்து, தனது தங்கப் பிரம்பால் இறைவனின் முதுகில் ஓங்கி அடித்தான். இறைவன் மீதுபட்ட பிரம்பு அடி, மன்னன் உட்பட உலக மக்கள் அனைவரின் மீதுமாக விழுந்தது. இந்திராதி தேவர்களையும் அந்த அடியின் வலி விட்டுவைக்கவில்லை. எல்லா உயிர்களுக்கும் அந்த அடி விழுந்தது.

பிட்டுக்கு மண் சுமந்த இறைவன்!

அதன் பிறகு மறைந்துபோன இறைவன், நந்தி முதலிய கணாதிபர்களுடன் வானத்தில் தோன்றி வந்தி மூதாட்டிக்கு அருள் புரிந்து, அவளைத் தன்னோடு வானுலகம் அழைத்துச் சென்றான். சோமசுந்தரப் பெருமானின் இந்தத் திருவிளையாடலைக் கண்ட மன்னனும் மக்களும் இறைவனைத் தொழுது நின்றனர்.

- கா.விஜயலட்சுமி, ஆசிரியை,
பெ.கா.மே.நி. பள்ளி, கிருஷ்ணாபுரம், விருதுநகர் மாவட்டம்.

இந்தக் கதையை, உங்கள் பாணியில் வகுப்பில் உள்ள மற்ற மாணவர்களுக்குக் கூறலாம். கதை சொல்லும் மாணவர்களின் ஈடுபாடுகளுக்கு ஏற்ப, அவர்களை ஆசிரியர் மதிப்பீடு செய்யலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism