Published:Updated:

சூரிய கிரகணமும் சந்திர கிரகணமும் !

சூரிய கிரகணமும் சந்திர கிரகணமும் !

சூரிய கிரகணமும் சந்திர கிரகணமும் !

சூரிய கிரகணமும் சந்திர கிரகணமும் !

Published:Updated:

 (நாடகம்)

##~##

அறிமுகம்: அந்தி நேரம் சாயத் தொடங்கியதும் பள்ளியில் இருந்து வேகமாக வீட்டுக்குள் நுழைந்தனர் சூரியகலாவும், சந்திரகலாவும். இவர்கள் ஆறாம் வகுப்புப் படிக்கும் இரட்டைச் சகோதரிகள்.

ஒட்டுமொத்த விகடனுக்கும் ஒரே ஷார்ட்கட்!

சந்திரகலா: ''அம்மா, இன்னைக்கு சந்திர கிரகணம்னு எங்க டீச்சர் சொன்னாங்க.''

அம்மா: ''ஆமாண்டா செல்லம். டிவியிலும் சொன்னாங்க. அதைப் பார்த்ததில் இருந்து, இன்னும் நீங்க வீட்டு வரலையேனு பதறிகிட்டு இருந்தேன்!''

சூரியகலா: ''ஏம்மா, கிரகணத்துக்கு  பயப்படுறே?''

அம்மா: ''கிரகணம் அன்னைக்கு, வீட்டைவிட்டு வெளியே போகக்கூடாதுனு பெரியவங்க சொல்வாங்க.''

சந்திரகலா: ''வெளியே போனா என்ன நடக்கும்?''

அம்மா: ''நிலாவை வந்து பாம்பு முழுங்குறதுதான் கிரகணம். அந்தப் பாம்போட விஷம், நம்மை அழிச்சிடுமாம்.''

சூரியகலா: ''அய்யய்யோ... இதெல்லாம்  கட்டுக்கதைம்மா. இன்னைக்கு எங்க யோகசுந்தரம் சார், கிரகணம்னா என்னன்னு தெளிவா விளக்கினாரு.''

சூரிய கிரகணமும் சந்திர கிரகணமும்  !

சந்திரகலா: ''ஆமாம் அம்மா, சந்திரனின் நிழல் பூமியில் விழுவதால் சூரியன் மறைக்கப்படுகிறது. அதுதான் சூரிய கிரகணம். சந்திர கிரகணத்தைப் பற்றி நீ சொல்லு சூரி!''

சூரியகலா: ''பூமியோட நிழல், சந்திரன் மேல் விழுவதுதான் சந்திர கிரகணம்.''

அம்மா: ''அதெல்லாம் சரி, நீங்க இப்பவே சாப்பிடக்கூடாது. கிரகணம் முடிஞ்ச பிறகு, வீட்டை மொழுகிட்டு 10.30 மணிக்கு அப்புறம்தான் சாப்பிடணும். சரியா?''

சூரியகலா: ''ஏம்மா... கிரகணத்தப்ப சாப்பிடக் கூடாதா?''

அம்மா: ''அந்தச் சமயத்தில் வெளியே போய் சந்திரனைப் பார்க்கிறது, சாப்பிடறது எதுவும் செய்யக்கூடாது.''

சந்திரகலா: ''அம்மா, சந்திர கிரகணத்தைத் தண்ணீரில் பார்த்தால் எந்த பாதிப்பும் வராது. சூரிய கிரகணத்தை வெறும் கண்களால் பார்க்கக் கூடாது. அதற்கான பிரத்யேகக் கண்ணாடி போட்டுகிட்டு பார்த்தால் நிலா மாதிரியே தெரியுமாம்.''

அம்மா: ''அப்படியா? இதோ, உங்க அப்பா வந்துட்டார். மாடியில் பெரிய பாத்திரத்தில் தண்ணீரை ரொப்பிட்டு, நாம குடும்பத்தோட கிரகணத்தைப் பார்த்து ரசிக்கலாம்.''

சூரியகலா, சந்திரகலா: ''ஹைய்யா... ஜாலி!''

மூடநம்பிக்கைகள் சார்ந்த அச்சத்தைப் போக்கும் இந்த விழிப்பு உணர்வு நாடகத்தை, நீங்களும் உங்கள் வகுப்பில் அரங்கேற்றலாம். உங்களின் ஈடுபாட்டுக்கு ஏற்ப ஆசிரியர் மதிப்பீடு செய்வார்.

- ஸ்ரீ.திலீப், ஆசிரியர்,
அரசு மேல்நிலைப் பள்ளி,
சத்தியமங்கலம், விழுப்புரம் மாவட்டம்.