Published:Updated:

கதைகள் சொல்வோம் !

கதைகள் சொல்வோம் !

கதைகள் சொல்வோம் !

கதைகள் சொல்வோம் !

Published:Updated:
##~##

ஒரு நாள் அரசர் கிருஷ்ண தேவராயர் தன்னுடைய அரசவை அமைச்சர்களின் புத்திக்கூர்மையைச் சோதிக்க முடிவு செய்தார். அமைச்சர்களுக்கும் தெனாலிராமனுக்கும் பொற்காசுகள் அடங்கிய முடிப்பு ஒன்றைக் கொடுத்தார்.

'இதில் உள்ள அனைத்தையும் நீங்கள் செலவு செய்யவேண்டும். ஆனால், ஒரு நிபந்தனை. பொற்காசுகளைச் செலவுசெய்யும் ஒவ்வொரு முறையும் என் முகத்தைப் பார்த்த பிறகே செலவு செய்யவேண்டும்' என்று அரசர் கூறினார்.

ஒட்டுமொத்த விகடனுக்கும் ஒரே ஷார்ட்கட்!

இரண்டு நாட்கள் கழிந்தது. அமைச்சர்களையும் தெனாலிராமனையும் அழைத்த அரசர், 'பொற்காசுகள் அனைத்தையும் செலவு செய்துவிட்டீர்களா?' என்று கேட்டார்.

அமைச்சர்கள் அனைவரும், 'பொற்காசுகளை செலவுசெய்யவில்லை மன்னா!' என்று கூறித் தலைகுனிந்தனர்.

பின்னர், 'நீங்கள் செலவு செய்தீர்களா?' என்று தெனாலிராமனிடம் அரசர் கேட்டார். அதற்கு, 'ஆம் அரசே! நான் அணிந்து இருக்கும் இந்த விலை உயர்ந்த ஆடைகளையும் ஆபரணங்  களையும் வாங்கினேன்' என்றார் தெனாலிராமன்.

கதைகள் சொல்வோம் !

'அப்படியானால், என் நிபந்தனையை மீறினீர்களா? நீங்கள் செலவு செய்யும் முன் ஒரு முறைகூட என்னை வந்து பார்க்கவில்லையே' என்றார் அரசர்.

'இல்லை மன்னா! இந்தப் பொற்காசுகள் ஒவ்வொன்றிலும் தங்களின் முகம் பதிக்கப்பட்டு உள்ளது. அதனால், செலவு செய்யும்போது ஒவ்வொரு முறையும் தங்களின் முகத்தைக் கண்ட பின்னரே செலவு செய்தேன்' என்றார் தெனாலிராமன்.

தெனாலிராமனின் புத்திக்கூர்மையை அரசர் எண்ணிப் பாராட்டினார்.

மூன்று செயல்பாடுகள்:

1. கிருஷ்ணதேவராயர், தெனாலிராமன் முகமூடிகளைத் தயார் செய்யுங்கள். அதை இருவர் அணிந்து, வகுப்பில் முன்னால் வந்து அந்தந்தக் கதாபாத்திரமாக நடித்துக் காட்டலாம். இதற்கு, மேற்கண்ட கதையையோ அல்லது வேறு தெனாலிராமன் கதையையோ பயன்படுத்தலாம்.

2, ஆசிரியர் தனக்குத் தெரிந்த தெனாலிராமன் கதையில் பாதியைச் சொல்லலாம். மீதிக் கதையை மாணவர்களையே சிந்தித்துக் கூறவைக்கலாம்.

3. மாணவர்கள் தங்களுக்குத் தெரிந்த தெனாலிராமன் கதையை வகுப்பில் நின்றுகொண்டு கூறலாம்.

இவை அனைத்திலும் மாணவர்களின் ஈடுபாட்டுக்கு ஏற்ப, ஆசிரியர்கள் மதிப்பீடு செய்யலாம்.

- ஆர்.மேனகா, ஆசிரியை,
ஊ.ஒ.தொ.பள்ளி,
வையாவூர், வாலாசாபாத்.