அறிவியல் ஆர்வலர்கள் கவனத்துக்கு !

##~## . க்ரூப் II (A)... அறிவியல் பாடத்தில் அசத்த முடியும் என்ற நம்பிக்கை உள்ள மாணவர்களுக்கு ஏற்றது.

. ப்யூர் சயின்ஸ் என்று அழைக்கப்படும் இந்த க்ரூப்பில் இயற்பியல், வேதியியல், தாவரவியல் மற்றும் விலங்கியல் ஆகிய பாடங்கள் உள்ளன. இந்தப் பிரிவைத் தேர்ந்தெடுக்க விரும்பும் மாணவர்களுக்கு வழிகாட்டுகிறார், தஞ்சாவூர் - மெலட்டூர் அரசு மேல்நிலைப் பள்ளி ஆசிரியர், வெ.ராஜமோகன்.

. ''பத்தாம் வகுப்பில் அறிவியலில் அதிக மதிப்பெண்கள் பெற்றுள்ள மாணவர்கள் பரிசீலிக்க வேண்டிய க்ரூப் இது. அத்துடன், கணிதத்தில் ஆர்வம் குறைந்தும், அறிவியலில் ஈடுபாடு மிகுந்தும் காணப்படும் மாணவர்களுக்கு ஏற்றது.

. இந்தக் க்ரூப்பைத் தேர்ந்தெடுத்து, ப்ளஸ் 2 தேர்வில் சிறப்பிடம் பெறும் மாணவர்கள் நிச்சயம் மருத்துவப் படிப்புக்கு விண்ணப்பிக்கலாம். ஒருவேளை, மருத்துவப் படிப்பு கிடைக்கவில்லை எனில், கால்நடை மருத்துவம், பிசியோதெரபி மற்றும் பார்மஸி படிப்புகளில் வாய்ப்புக் கிடைக்கும். குறிப்பாக, பெண்கள் நர்ஸிங் படித்து, உள்நாட்டிலும் வெளிநாட்டிலும் வேலைப் பெற, இந்த க்ரூப் உதவும். இவை மட்டுமின்றி, ஆராய்ச்சிப் படிப்புகள், அறிவியல் சார்ந்த இளங்கலை மற்றும் முதுகலைப் படிப்புகள் நிறைய இருப்பதால், அறிவியல் ஆர்வம் உள்ள மாணவர்கள் தாராளமாக இந்த க்ரூப்பை டிக் செய்யலாம்'' என்கிறார் ஆசிரியர் வெ.ராஜமோகன்.

அறிவியல் ஆர்வலர்கள் கவனத்துக்கு !

Vikatan Correspondent