Published:Updated:

மாணவ-மாணவிகள் பள்ளிக்கு செல்போன் கொண்டு செல்ல தடை!

மாணவ-மாணவிகள் பள்ளிக்கு செல்போன் கொண்டு செல்ல தடை!
மாணவ-மாணவிகள் பள்ளிக்கு செல்போன் கொண்டு செல்ல தடை!

சென்னை: மாணவ-மாணவிகள் பள்ளிக்கு செல்போன் கொண்டு செல்ல தடை விதித்து  தமிழக பள்ளிக்கல்வித்துறை உத்தரவிட்டுள்ளது.

சென்னை உள்பட பல இடங்களில் சில பள்ளிகளில் மாணவ-மாணவிகள் குறிப்பாக  உயர்நிலைப்பள்ளி மற்றும் மேல்நிலைப்பள்ளி மாணவ-மாணவிகள் பள்ளிக்கூடங்களுக்கு  செல்போன்களை கொண்டு செல்வதும், வகுப்பறையில் பேசுவதும், பள்ளிக்குப்போகும்  போதும் வீட்டுக்கு வரும்போதும் அதே கவனத்தில் இருப்பதும் பள்ளிக்கல்வித்துறை  முதன்மை செயலாளர் த.சபீதா கவனத்திற்கு கொண்டு செல்லப்பட்டது.

மாணவ-மாணவிகள் பள்ளிக்கு செல்போன் கொண்டு செல்ல தடை!

இதைத்தொடர்ந்து மாணவ-மாணவிகள் செல்போன்களை பள்ளிக்கூடங்களுக்கு கொண்டு  செல்ல தடை விதிக்கவேண்டும் என்றும் பெற்றோர்களும் பள்ளியில் படிக்கும் மகனுக்கோ  மகளுக்கோ செல்போன் வாங்கிக் கொடுக்கக்கூடாது. அவ்வாறு கொடுத்தாலும் அதை  பள்ளிக்கு கொண்டு செல்ல பெற்றோர் அனுமதிக்கக்கூடாது என்று அனைத்து முதன்மை  கல்வி அதிகாரிகளுக்கும் சுற்றறிக்கை அனுப்பும்படி உத்தரவிட்டார்.

மாணவ-மாணவிகள் பள்ளிக்கு செல்போன் கொண்டு செல்ல தடை!

இதைத்தொடர்ந்து பள்ளிக்கல்வித்துறை இயக்குனர் ப.மணி, தொடக்ககல்வித்துறை  இயக்குனர் ராமேஸ்வர முருகன் ஆகியோர் அனைத்து முதன்மை கல்வி  அதிகாரிகளுக்கும், மாவட்ட கல்வி அதிகாரிகளுக்கும் அறிக்கை அனுப்ப உள்ளனர்.

எனவே இனிமேல் எந்த ஒரு பள்ளிக்கூட மாணவரோ அல்லது மாணவியோ பள்ளிக்கு  செல்போன்கொண்டு சென்றால் மாணவர்களின் புத்தகப் பையை ஆசிரியர்கள் சோதனை  போடுவார்கள். செல்போன் இருப்பது கண்டுபிடித்தால் அந்த மாணவர்கள்  எச்சரிக்கப்படுவார்கள். அடுத்த நாள் பள்ளிக்கு செல்லும்போது பெற்றோருடன் பள்ளிக்கு  செல்லவேண்டும் என்று பள்ளிக்கல்வித்துறை அதிகாரி ஒருவர் தெரிவித்தார்.