Published:Updated:

கை தட்டலில் சொற்களைக் கண்டுபிடிப்போம்!

கை தட்டலில் சொற்களைக் கண்டுபிடிப்போம்!

பிரீமியம் ஸ்டோரி

ஆசிரியர், எந்தப் பாடம் நடத்த வேண்டுமோ, அந்தப் பாடத்தில் இருக்கும் புதிய சொற்களைத் தனியாக மின் அட்டையில் எழுதி வைத்துக்கொள்ளவும். அல்லது நடத்தப்போகும் பாடத்தில் இருக்கும் புதிய சொற்களை, மாணவர்களையே மின் அட்டையில் எழுதி வரச் சொல்லவும்.

பிறகு, மாணவர்களை வட்டமாக அமரச் செய்யவும். அதில், ஒரு மாணவரை குழுத் தலைவராகத் தேர்ந்தெடுத்து, கை தட்டச் செய்யவும். குழுத் தலைவர், தன் கையில் உள்ள மின் அட்டையில் இருக்கும் எழுத்துகளின் எண்ணிக்கைக்கும் கை தட்டலாம். அவர் எத்தனை முறை கை தட்டினாரோ, அந்த எண்ணிக்கையில் எழுத்துகள் உள்ளவாறு, சொற்களைப் பிற மாணவர்களை கூறச் செய்யவும். முதலில் கூறுபவர்களுக்குப் பாராட்டு தெரிவிக்கவும்.

கை தட்டலில் சொற்களைக் கண்டுபிடிப்போம்!

அந்தச் சொல்லை கரும்பலகையில் எழுதி வாசிக்கச் செய்யவும். குழுத் தலைவர் கை தட்டுவதில் சிரமம் இருப்பின், கைகளில் எண்ணிக்கையைக் காட்டச் செய்யலாம். விரல்களின் எண்ணிக்கைக்குத் தகுந்த சொல்லை பிற மாணவர்களிடம் கூறச் செய்யவும். ஓரே சமயத்தில் பலர் கூறினால், அனைவரையும் வரிசையாக நிற்கச் செய்து, எவர் தன்னிடம் உள்ள சொல்லை வாசிக்கிறாரோ, அவருக்குப் பாராட்டு தெரிவிக்கவும்.

இந்த முறையில் மாணவர்களுக்கு வாசிக்கக் கற்றுத்தரலாம். இது, சொற்களை சரியாக வாசிக்கத் தெரியாதவர்களை, அறிந்துகொள்ள உதவும். அவர்களின் வாசிப்புத் திறனை மேம்படுத்தலாம். புதிய சொற்களை  விளையாட்டு முறையில் கற்றுக்கொள்ளவும் உதவும். கரும்பலகையில் எழுதச்செய்வதன் மூலம் பிழையின்றி எழுதலாம்.

மாணவர்களை அவர்களின் வாசிப்பு, எழுத்துத் திறன் அடிப்படையில் மதிப்பிடலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு