Published:Updated:

மீன்வளப் பல்கலைக்கழகம்: முதுநிலை மற்றும் முனைவர் பட்டப்படிப்பு மாணவர் சேர்க்கை அறிவிப்பு!

ஒட்டுமொத்த விகடனுக்கும் ஒரே ஷார்ட்கட்

Use App
தமிழ்நாடு டாக்டர் ஜெ.ஜெயலலிதா மீன்வளப் பல்கலைக்கழகம்
தமிழ்நாடு டாக்டர் ஜெ.ஜெயலலிதா மீன்வளப் பல்கலைக்கழகம்

தமிழ்நாடு அரசின் இட ஒதுக்கீட்டு நடைமுறையானது, ஒரு பிரிவில் நான்கு அல்லது அதற்கு மேற்பட்ட இடங்களுக்கு அதிகமாக இருந்தால் மட்டுமே பின்பற்றப்படும்.

தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகத்தின் (Tamil Nadu Dr. J. Jayalalithaa Fisheries University) கீழ் செயல்பட்டு வரும் கல்லூரிகளில் இடம் பெற்றிருக்கும் மீன்வளம் தொடர்பான பல்வேறு முதுநிலை (M.F.Sc/M.Tech) மற்றும் முனைவர் (Ph.D) பட்டப்படிப்புகளுக்கான மாணவர் சேர்க்கை அறிவிப்பு வெளியாகியிருக்கிறது. விண்ணப்பிக்க கடைசி நாள்: 28-11-2021.

படிப்புகள்:

தமிழ்நாடு மீன்வளப் பல்கலைக்கழகத்தின்கீழ் செயல்பட்டு வரும் தூத்துக்குடி மீன்வளக் கல்லூரி மற்றும் ஆய்வு நிறுவனத்தில் (Fisheries College and Research Institute) இடம் பெற்றிருக்கும் முதுநிலைப் பட்டப்படிப்பு (M.F.Sc.,) மற்றும் முனைவர் (Ph.D) பட்ட ஆய்வுப் படிப்புகளில் மீன் வளர்ப்புப் (Aquaculture) பிரிவில் முதுநிலை – 6+2 இடங்கள், முனைவர் – 3+2 இடங்கள், நீர் வாழ் விலங்குகள் உடல்நலம் (Aquatic Animal Health) பிரிவில் முதுநிலை – 2+1 இடங்கள், முனைவர் – 1 இடம், நீர் வாழ் சுற்றுச்சூழல் மேலாண்மைப் (Aquatic Environment Management) பிரிவில் முதுநிலை – 2+1 இடங்கள், முனைவர் – 1+1 இடங்கள், மீன்பிடிப் பொருளாதாரம் (Fisheries Economics) பிரிவில் முதுநிலை – 2+1 இடங்கள், முனைவர் – 1+1 இடங்கள், மீன்வளப் பொறியியல் மற்றும் தொழில்நுட்பம் (Fisheries Engineering & Technology) பிரிவில் முதுநிலை – 2+1 இடங்கள், முனைவர் – 2 இடங்கள், மீன்வள விரிவாக்கம் (Fisheries Engineering & Technology) பிரிவில் முதுநிலை – 2+1 இடங்கள், முனைவர் – 1+1 இடங்கள், மீன் பதப்படுத்தும் தொழில்நுட்பம் (Fisheries Fish Processing Technology) பிரிவில் முதுநிலை – 2 இடங்கள், முனைவர் – 1 இடம், மீன் வள மேலாண்மை (Fisheries Resource Management) பிரிவில் முதுநிலை – 1+1 இடங்கள், முனைவர் – 1+1 இடங்கள், மீன் தர உத்தரவாதம் மற்றும் மேலாண்மை (Fish Quality Assurance & Management) பிரிவில் முதுநிலை – 5 இடங்கள், முனைவர் – 3 இடங்கள் என்று மொத்தமாக முதுநிலைப் பட்டப்படிப்பில் 32 இடங்களும் முனைவர் பட்டப்படிப்பில் 20 இடங்களும் இருக்கின்றன. இந்த இடங்களுள் + குறியீட்டிற்குப் பின்னால் சேர்க்கப்பட்டிருக்கும் முதுநிலைப் பட்டப்படிப்புக்கான 8 இடங்கள் மற்றும் முனைவர் பட்டப்படிப்புக்கான 6 இடங்கள் புதுதில்லி, இந்திய வேளாண் ஆராய்ச்சிக் குழுவின் (Indian Council of Agricultural Research - ICAR) ஒதுக்கீட்டிற்கானது.

 மீன்வளப் பல்கலைக்கழகம்!
மீன்வளப் பல்கலைக்கழகம்!

திருவள்ளூர் மாவட்டம், பொன்னேரி, டாக்டர் எம்.ஜி.ஆர் மீன்வளக் கல்லூரி மற்றும் ஆய்வு நிறுவனத்தில் (Dr. M.G.R. Fisheries College and Research Institute) மீன் வளர்ப்புப் (Aquaculture) பிரிவில் முதுநிலை – 3+1 இடங்கள், முனைவர் – 4 இடங்கள், நீர் வாழ் விலங்குகள் உடல்நலம் (Aquatic Animal Health) பிரிவில் முதுநிலை – 2 இடங்கள், முனைவர் – 1 இடம், நீர் வாழ் சுற்றுச்சூழல் மேலாண்மைப் (Aquatic Environment Management) பிரிவில் முதுநிலை – 2 இடங்கள், முனைவர் – 1 இடம், மீன் பதப்படுத்தும் தொழில்நுட்பம் (Fisheries Fish Processing Technology) பிரிவில் முதுநிலை – 2 இடங்கள், முனைவர் – 1 இடம், மீன் வள மேலாண்மை (Fisheries Resource Management) பிரிவில் முதுநிலை – 2 இடங்கள் என்று மொத்தமாக முதுநிலைப் பட்டப்படிப்பில் 12 இடங்களும் முனைவர் பட்டப்படிப்பில் 7 இடங்களும் இருக்கின்றன. இந்த இடங்களுள் + குறியீட்டிற்குப் பின்னால் சேர்க்கப்பட்டிருக்கும் முதுநிலைப் பட்டப்படிப்புக்கான 1 இடம் புதுதில்லி, இந்திய வேளாண் ஆராய்ச்சிக் குழுவின் (Indian Council of Agricultural Research - ICAR) ஒதுக்கீட்டிற்கானது.

சென்னை, வாணியன்சாவடியில் மீன்வள உயிர்த்தொழில்நுட்ப நிறுவனத்தில் (Institute of Fisheries Biotechnology) மீன் ஊட்டச்சத்து மற்றும் தீவனத் தொழில்நுட்பம் (Fish Nutrition & Feed Technology) பிரிவில் முதுநிலை – 2 இடங்கள், முனைவர் – 2 இடங்கள், மீன் மரபியல் மற்றும் இனப்பெருக்கம் (Fish Genetics and Breeding) பிரிவில் முதுநிலை – 2 இடங்கள், முனைவர் – 2 இடங்கள், மீன் மருந்தியல் மற்றும் நச்சுயியல் (Fish Pharmacology and Toxicology) பிரிவில் முதுநிலை – 4 இடங்கள், முனைவர் – 2 இடங்கள், மீன் உயிரித் தொழில்நுட்பம் (Fish Biotechnology) பிரிவில் முதுநிலை – 3+1 இடங்கள், முனைவர் – 2 இடங்கள் என்று மொத்தமாக முதுநிலைப் பட்டப்படிப்பில் 12 இடங்களும் முனைவர் பட்டப்படிப்பில் 8 இடங்களும் இருக்கின்றன. இந்த இடங்களுள் + குறியீட்டிற்குப் பின்னால் சேர்க்கப்பட்டிருக்கும் முதுநிலைப் பட்டப்படிப்புக்கான 1 இடம் புதுதில்லி, இந்திய வேளாண் ஆராய்ச்சிக் குழுவின் (Indian Council of Agricultural Research - ICAR) ஒதுக்கீட்டிற்கானது.

நாகப்பட்டினம், வெட்டார் ஆற்று வளாகத்தில் அமைந்திருக்கும் மீன்வளப் பொறியியல் கல்லூரியில் (College of Fisheries Engineering) பட்டப்படிப்புகளாக, மீன் வளர்ப்புப் பொறியியல் (Aquaculture Engineering) – 2 இடங்கள், மீன் பதப்படுத்தும் பொறியியல் (Fish Process Engineering) – 4 இடங்கள் என்று முதுநிலைப் பொறியியல் (M.Tech) பட்டப்படிப்பில் 6 இடங்கள் இருக்கின்றன.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கல்வி மற்றும் வயதுத் தகுதிகள்

மீன் வள முதுநிலைப் பட்டப்படிப்புகளில் (M.F.Sc.) சேர்வதற்குத் தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகம் வழங்கிய மீன்வள இளநிலைப் பட்டம் (B.F.Sc.), மீன் வள முதுநிலைப் பொறியியல் பட்டப்படிப்புகளில் (M.Tech) சேர்வதற்கு தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகம் வழங்கிய மீன்வளப் பொறியியல் (Fisheries Engineering) இளநிலைப் பட்டம் (B.Tech) பெற்றிருக்க வேண்டும் அல்லது மத்திய / மாநில வேளாண்மைப் பல்கலைக்கழகம் வழங்கிய இந்திய வேளாண் ஆராய்ச்சிக் குழுவினரால் (Indian Council of Agricultural Research - ICAR) அங்கீகரிக்கப்பட்ட இளநிலைப் பட்டப்படிப்பில் தேர்ச்சி பெற்றிருக்க வேண்டும். முப்பருவக் கல்வித் (Trimester) திட்டமெனில், 4.00 புள்ளிகளுக்கு 2.75 புள்ளிகளுக்கும், அரைக் கல்வியாண்டுத் (Trimester) திட்டமெனில், 10.00 புள்ளிகளுக்கு 6.5 புள்ளிகள் அல்லது 65% மதிப்பெண்களுக்குக் குறைவில்லாமல் பெற்றிருக்க வேண்டும். வயது வரம்பு ஏதும் குறிப்பிடப்படவில்லை. முனைவர் பட்டத்திற்கான தகுதிகள் தகவல் குறிப்பேட்டில் தனித்தனியாகத் தரப்பட்டிருக்கின்றன.

படிப்புகள்
படிப்புகள்

இட ஒதுக்கீடு

தமிழ்நாடு அரசின் இட ஒதுக்கீட்டு நடைமுறையானது, ஒரு பிரிவில் நான்கு அல்லது அதற்கு மேற்பட்ட இடங்களுக்கு அதிகமாக இருந்தால் மட்டுமே பின்பற்றப்படும். நான்குக்குக் குறைவான இடங்களில் முழுத்தகுதியின் அடிப்படையில் மட்டுமே முன்னுரிமை அளிக்கப்படும் என்பதை இங்கு கவனத்தில் கொள்ள வேண்டும்.

விண்ணப்பம்

மேற்காணும் முதுநிலை மற்றும் முனைவர் பட்டப்படிப்புகளுக்கு விண்ணப்பிக்க விரும்புபவர்கள், இந்தப் பல்கலைக்கழகத்தின் www.tnfu.ac.in இணையதளத்திற்குச் சென்று இணைய வழியில் (Online Application) விண்ணப்பிக்கலாம். எஸ்சி, எஸ்டி பிரிவினர் விண்ணப்பக் கட்டணமாக ரூ.500/-, பிற பிரிவினர்கள் ரூ.1000/- என்றும் விண்ணப்பக் கட்டணத்தைச் செலுத்த வேண்டும். இணையத்தில் விண்ணப்பம் சமர்ப்பிக்கக் கடைசி நாள்: 28-11-2021.

நுழைவுத்தேர்வு

விண்ணப்பித்தவர்கள் அனைவரும் www.tnfu.ac.in எனும் இணையதளத்திலிருந்து நுழைவுத்தேர்வுக்கான அனுமதி அட்டையினை 30-11-2021 முதல் தரவிறக்கம் செய்து கொள்ளலாம். திருவள்ளூர் மாவட்டம், பொன்னேரி, டாக்டர் எம்.ஜி.ஆர் மீன்வளக் கல்லூரி மற்றும் ஆய்வு நிறுவனத்தில் 9-12-2021 அன்று காலையில் நுழைவுத்தேர்வு நடத்தப்பெறும். அன்று மாலையிலேயேத் தரப்பட்டியல் வெளியிடப்படும். 10-12-2021 அன்று மாணவர் சேர்க்கைக்கான கலந்தாய்வு நடத்தப்பெறும். எஸ்சி, எஸ்டி பிரிவினர் விண்ணப்பக் கட்டணமாக ரூ.1000/-, பிற பிரிவினர்கள் ரூ.2000/- என்றும் கலந்தாய்வுக் கட்டணத்தைச் செலுத்த வேண்டும்

மாணவர் சேர்க்கை

முதுநிலைப் பட்டப்படிப்பு மாணவர் சேர்க்கையில் நுழைவுத்தேர்வு – 100, இளநிலைப் பட்டப்படிப்பு மதிப்பெண்கள் – 90, கல்விக்கான பதக்கம் / விருதுகள் – 5, பணி அனுபவம் – 5 என்று மொத்தம் 200 மதிப்பெண்களாகக் கொண்டு சேர்க்கை நடத்தப்பெறும். முனைவர் பட்டப்படிப்பு மாணவர் சேர்க்கையில் நுழைவுத்தேர்வு – 40, முதுநிலைப் பட்டப்படிப்பு மதிப்பெண்கள் – 40, வெளியீடுகள் – 10, கல்விக்கான பதக்கம் / விருதுகள் – 5, பணி அனுபவம் – 5 என்று மொத்தம் 100 மதிப்பெண்களாகக் கொண்டு சேர்க்கை நடத்தப்பெறும்.

நுழைவுத்தேர்வில் எஸ்சி, எஸ்டி பிரிவினர் குறைந்தது 40% மதிப்பெண்களும், பிற பிரிவினர் 50% மதிப்பெண்களும் பெற்றிருக்க வேண்டும் என்பதை இங்கு கவனத்தில் கொள்ள வேண்டும். சேர்க்கை பெற்ற மாணவர்களுக்கு 13-12-2021 முதல் வகுப்புகள் தொடங்கும்.

கல்விக்கட்டணம்

முதுநிலை (M.F.Sc./M.Tech.) மற்றும் முனைவர் (Ph.D) பட்டப்படிப்புகளுக்கு முதல் பருவத்திற்கு ரூ.18925/- என்றும், 2, 4, 6-வது பருவங்களுக்கு ரூ.14950/- என்றும், 3, 5 வது பருவங்களுக்கு ரூ.17100/- என்றும் கல்விக்கட்டணத்தைச் செலுத்த வேண்டும். விடுதிச் சேர்க்கைக்கு ரூ.10000/- வைப்புத் தொகையாகப் பெறப்படுகிறது. உணவு விடுதிக்கான கட்டணம் பங்கீட்டு முறையில் செலுத்த வேண்டியிருக்கும்.

கூடுதல் தகவல்கள்

இப்படிப்புகளில் சேர்வதற்கான மேலும் கூடுதல் தகவல்களை அறிய, www.tnfu.ac.in எனும் இணையதளத்தைப் பார்க்கலாம் அல்லது 04365-256430 எனும் தொலைபேசி எண்ணிலும், 9442601908 எனும் அலைபேசி எண்ணிலும் அலுவலக நேரத்தில் தொடர்பு கொண்டு கூடுதல் தகவல்களைப் பெறலாம். pgadmission@tnjfu.ac.in எனும் மின்னஞ்சல் வழியாகவும் தொடர்பு கொண்டு கூடுதல் தகவல்களைப் பெற்றுக் கொள்ளலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு