Published:Updated:

“பயன் இல்லாமல் போன சுகாதார ஆய்வாளர் படிப்பு!”

காந்திகிராம பல்கலைக்கழகம்
பிரீமியம் ஸ்டோரி
காந்திகிராம பல்கலைக்கழகம்

கலங்கும் காந்திகிராம பல்கலைக்கழக மாணவர்கள்

“பயன் இல்லாமல் போன சுகாதார ஆய்வாளர் படிப்பு!”

கலங்கும் காந்திகிராம பல்கலைக்கழக மாணவர்கள்

Published:Updated:
காந்திகிராம பல்கலைக்கழகம்
பிரீமியம் ஸ்டோரி
காந்திகிராம பல்கலைக்கழகம்
கொரோனா அதிகமாகப் பரவிவரும் சென்னை மாநகராட்சியில் காலியாக இருக்கும் 112 சுகாதார ஆய்வாளர் பணியிடங்கள், சமீபத்தில் தனியார் ஏஜென்சி மூலம் நிரப்பப்பட்டன. இதற்கு காந்திகிராம பல்கலைக்கழகத்தில் பயின்ற 170 மாணவர்கள் கடும் எதிர்ப்பு தெரிவிக்கின்றனர். என்ன காரணம்?

இது குறித்துப் பேசிய காந்திகிராம பல்கலைக்கழகப் பேராசிரியர் ஒருவர், ‘‘தமிழகத்தி லுள்ள நகராட்சி மற்றும் மாநகராட்சிகளில் சுகாதார ஆய்வாளராகப் பணியாற்ற வேண்டு மென்றால், காந்திகிராம பல்கலைக்கழகத்திலுள்ள சுகாதார ஆய்வாளருக்கான ஒரு வருட டிப்ளோமா படிப்பு முடித்திருக்க வேண்டும். இளங்கலை வேதியியல் படிப்பில் 80 சதவிகித மதிப்பெண் எடுத்து, பல்கலைக்கழகம் நடத்தும் தகுதித்தேர்வில் வெற்றிபெற்றால்தான் இந்தப் படிப்பில் சேர முடியும்.

புதுச்சேரி பல்கலைக்கழகத்தில் சுகாதார ஆய்வாளர் பட்டயப் படிப்பை முடித்த தமிழகத்தைப் பூர்வீகமாகக் கொண்டவர்களும் தமிழகத்தில் சுகாதார ஆய்வாளர் பதவியைப் பெற தகுதியானவர்கள் என்ற கோர்ட் உத்தரவைப் பெற்றுவைத்திருக்கிறார்கள். அதன்படி பணிகளில் சேரவும் செய்கின்றனர். இந்த நிலையில், தனியார் பயிற்சி நிறுவனம் ஒன்றும் சுகாதார ஆய்வாளர் கோர்ஸ் தொடங்கி, அதில் படித்தவர்களும் போட்டிக்கு வந்த பின்னர்தான் பிரச்னையே ஆரம்பித்தது’’ என்றார்.

“பயன் இல்லாமல் போன சுகாதார ஆய்வாளர் படிப்பு!”

இது குறித்துப் பேசிய காந்தி கிராம பல்கலைக்கழக முன்னாள் மாணவர் ஒருவர், ‘‘சென்னை மாநகராட்சி சார்பில் 2015, டிசம்பர் 13-ம் தேதி 71 சுகாதார ஆய்வாளர்களுக்கான பணியிடங்களை நிரப்பும் அறிவிப்பு வெளியானது. அதற்கு விண்ணப்பித்தோம். எங்களைப்போலவே தனியார் நிறுவனத்தில் படித்த சிலரும் விண்ணப்பித்தனர். அவர்களைத் தேர்வுக்கு அனுமதிக்க சென்னை மாநகராட்சி மறுத்தது. அப்போது மதுரை காமராஜர் பல்கலைக்கழகம் மூலமாக, ‘எங்கள் நிறுவனம் சொல்லித்தரும் படிப்பு, காந்திகிராம பல்கலைக்கழகத்தின் படிப்புக்கு இணையானது’ என்ற சான்றிதழை அந்தத் தனியார் நிறுவனம் பெற்றது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அதைக் காண்பித்ததால், அவர்களை எங்களுடன் தேர்வு எழுத சென்னை மாநகராட்சி அனுமதித்தது. 2016, ஜனவரி 23-ல் எழுத்துத்தேர்வு நடந்தது. அதன் முடிவுகள் வரும் முன்னரே, 2017 அக்டோபர் மாதம் அந்தத் தனியார் நிறுவனத்துக்கு வழங்கிய சான்றிதழை மதுரை காமராஜர் பல்கலைக்கழகம் திரும்பப் பெற்றது.

“பயன் இல்லாமல் போன சுகாதார ஆய்வாளர் படிப்பு!”

அதையடுத்து, அந்த நிறுவனத்தில் படித்தவர்கள் நீதிமன்றத்தில் வழக்கு தொடுத்தார்கள். கூடவே, சென்னை மாநகராட்சி நடத்திய எழுத்துத் தேர்வின் முடிவுகளை வெளியிட இடைக்காலத் தடையும் பெற்றார்கள். அதனால் 2013-2014 மற்றும் 2014-2015 ஆகிய வருடங்களில் எங்கள் பல்கலைக்கழகத்தில் படித்த 170 பேரும் சேர்ந்து தேர்வு முடிவுகளை வெளியிடவும், எங்களுக்குப் பணி வழங்கவும் நீதிமன்றத்தில் முறையிட்டோம்.

இதற்கிடையில் 2019, நவம்பர் மாதம் தமிழகத்திலுள்ள நகராட்சிகளில் காலியாக உள்ள 110 சுகாதார ஆய்வாளர்கள் காலியிடங்களை நிரப்ப, சென்னையில் நேர்காணல் நடந்தது. அதில், எங்கள் பல்கலைக்கழகத்தில் படித்த 400 பேர் கலந்துகொண்டோம். ‘எங்களுக்கும் நேர்காணலில் அனுமதி வழங்க வேண்டும்’ என அந்தத் தனியார் நிறுவனத்தில் படித்தவர்களும் நீதிமன்றத்தில் வழக்கு தொடுத்தனர்.

“பயன் இல்லாமல் போன சுகாதார ஆய்வாளர் படிப்பு!”

நேர்காணல் முடிவுகளை வெளியிட இடைக்காலத் தடையும் வாங்கினர். இந்த நிலையில், சுகாதார ஆய்வாளர் பணியிடத்துக்காக 2016-ம் ஆண்டு நடத்திய எழுத்துத்தேர்வை கடந்த ஏப்ரல் மாதம் சென்னை மாநகராட்சி ரத்துசெய்தது.

இந்த நிலையில்தான் தற்போது கொரோனா ஒழிப்பு பணிக்காக `ஜென்டில்மேன் ஏஜென்சி’ என்ற தனியார் நிறுவனம் மூலம் மூன்று மாத தற்காலிக சுகாதார ஆய்வாளர்கள் 112 பேரை நியமித்துள்ளது சென்னை மாநகராட்சி. அவர்களில், காந்திகிராம பல்கலைக் கழகத்தில் படித்த 15 பேர் இடம் பெற்றாலும், 40 பேர் அந்தத் தனியார் நிறுவனத்தில் படித்தவர்கள். மீதமுள்ள இடங்களை புதுச்சேரி பல்கலைக் கழகத்தில் படித்தவர்கள் பெற்றனர். தமிழக அரசு இந்தப் பிரச்னையைச் சரியாகக் கையாளாததால் படித்தும் பயனில்லாமல் வீட்டில் இருக்கிறோம்’’ என்றார் வேதனையோடு.

“பயன் இல்லாமல் போன சுகாதார ஆய்வாளர் படிப்பு!”

காந்திகிராம பல்கலைக்கழக பதிவாளர் சிவகுமாரிடம் பேசியபோது, ‘‘ஆரம்பம் முதலே எங்கள் மாணவர்களுக்குத்தான் முன்னுரிமை அளிக்கப்பட்டுவந்தது. அதில் சிக்கல் எழுந்த போது, எங்கள் துணைவேந்தர் உட்பட அனைவரும் தமிழக அரசுக்கும் சுகாதாரத் துறைக்கும் கடிதம் எழுதி, ‘எங்கள் மாணவர்களுக்கு முன்னுரிமை கொடுங்கள்’ என்று கேட்டுக்கொண்டனர். எனவே, இப்போதும் எங்கள் மாணவர்களுக்கே முன்னுரிமை அளிக்க வேண்டும்’’ என்றார்.

ஜென்டில்மேன் ஏஜென்சியிடம் பேசினோம். ‘‘நாங்கள் சான்றிதழைச் சரிபார்த்து தகுதி யானவர் களைத்தான் வேலைக்கு எடுத்திருக் கிறோம். இதில் எந்த முறைகேடும் இல்லை’’ என்றனர்.

இது குறித்து சென்னை மாநகராட்சி ஆணையர் பிரகாஷிடம் கேட்டபோது, ‘‘சென்னை மாநகராட்சிக்கு 112 சுகாதார ஆய்வாளர்கள் தற்காலிகமாக நியமிப்பதாக முடிவு செய்யப்பட்டு. இந்தப் பணிக்கான டிப்ளோமா படிப்பை முடித்தவர்களை பணியில் எடுக்கும் வேலையை ஒரு தனியார் ஏஜென்சியிடம் ஒப்படைத்தோம். அவர்கள்மூலம் தேர்வு செய்யப்பட்டவர்களின் சான்றிதழ்கள் மாநகராட்சி சார்பில் சரிபார்க்கப் பட்டு பணியில் அமர்த்தப்பட்டனர். இதில் எந்தவொரு குறிப்பிட்ட நிறுவனத்தில் பயின்றவர்களுக்கும் முன்னுரிமை வழங்கவோ பணியில் சேர்க்கவோ எங்கள் தரப்பில் கூறவில்லை. இந்தப் பணி நியமனத்தில் ஏஜென்சி தரப்பில் ஏதேனும் ஒருதலை பட்சமாக நடந்துகொண்டதா என்று விசாரித்து நடவடிக்கை எடுக்கப்படும்” என்றார்.