Published:Updated:

நமக்குள்ளே...

நமக்குள்ளே
பிரீமியம் ஸ்டோரி
News
நமக்குள்ளே

சில ஆண்டுகளுக்கு முன் ஒளிபரப்பான பிரபல இந்தித் தொடர் `க்யோங்கி சாஸ் பி கபி பஹு தி’.

தில் குழந்தை நட்சத்திரமாக நடித்தவர் மௌசுமி மேவாவாலா. 2016-ம் ஆண்டு, தன் அம்மாவுக்குப் பிறந்தநாள் பரிசாகப் புடவை ஒன்றைத் தர நினைத்த மௌசுமி, அதற்கென கடைகடையாக ஏறி இறங்கினார். அவர் விரும்பிய வண்ணத்திலும் தரத்திலும் புடவை அமையவே இல்லை. `தான் ஆசைப்பட்டதுபோல ஒரு புடவையைக்கூட அம்மாவுக்குக் கொடுக்க முடியவில்லையே’ என்கிற ஆதங்கத்தை மனத்தில் இருத்திக்கொள்ளவில்லை அவர். மாறாக பாசிட்டிவ் எண்ணங்களைக்கொண்டு நிலைமையை மாற்றினார். அம்மாவுக்கான உடையை தானே வடிவமைக்கத் தொடங்கினார். அவரது க்ரியேட்டிவிட்டியைக் கண்டு தோழிகளும் ஆர்டர்தரத் தொடங்க, அந்தக் குழந்தை நட்சத்திரம் ஓர் உடை வடிவமைப்பாளராக உருமாறத் தொடங்கினார்.

இன்று அவரது `பிங்க் பீக்காக்’ டிசைனர் பிராண்டு உடைகள் உலகெங்கும் பிரபலம். மணப்பெண்களின் கனவு உடையை வடிவமைக்கும் பிசியான டிசைனராக உலகெங்கும் பறந்து பறந்து உழைத்துக்கொண்டிருக்கிறார் மௌசுமி.

இந்த ஏற்றத்துக்கும் மாற்றத்துக்கும் மௌசுமி கைகாட்டுவது எழுத்தாளர் ரோண்டா பைர்ன் எழுதிய `தி சீக்ரெட்’ என்ற புத்தகத்தைத்தான். “சிறு வயதிலேயே என் மனத்தில் பெரும் தாக்கத்தை ஏற்படுத்திய புத்தகம் இது. எந்தச் சூழலிலும் பாசிட்டிவாகச் செயல்பட மிகச் சிறந்த உந்துதலை நூல்கள்தாம் அளிக்கின்றன” என்று சொல்கிறார் மௌசுமி.

உண்மைதான்... ஒரு புத்தகம் ஒருவரின் வாழ்க்கையில் செய்யக்கூடிய மாயாஜாலம் அளவற்றது. இன்றும் உலகத் தலைவர்கள் பலரின் சுயசரிதைகள் தரும் உத்வேகத்தை, புத்துணர்வை வேறு எதுவும் தருவதில்லை. தினமும் புத்தக வாசிப்பை வழக்கமாக்கிக்கொண்டால், ஆயுளை நீட்டிக்கலாம் என்கிறது ஓர் ஆய்வு. ஆம், புத்தகங்கள் படிப்பதை வழக்கமாக்கிக்கொண்டுவிட்ட முதியவர்களிடம் நடத்தப்பட்ட இந்த ஆய்வு, ‘அடுத்த 12 ஆண்டுகளில் இவர்களுடைய இறக்கும் வாய்ப்பு 17% குறையும்’ என்கிறது. இப்படி, வியக்கத்தக்க வகையில் வாழ்நாளையும் நீட்டிக்க உதவுகின்றன புத்தகங்கள்!

நமக்குள்ளே...

ஒவ்வொரு புத்தாண்டுக்கும் ‘இனி நான் இதைச் செய்ய மாட்டேன், அதைச் செய்வேன்’ என்றெல்லாம் முடிவெடுப்பது பலருக்கும் வழக்கம். ‘2020 ஜனவரி 1 முதல் தினமும் ஐந்து பக்கங்களாவது வாசிப்பேன்’ என்கிற முடிவை இந்தப் புத்தாண்டுத் தீர்மானமாக எடுக்கலாம்தானே?

வாசிப்பின் முக்கியத்துவத்தை அடுத்த தலைமுறைக்குக் கடத்தும் கடமையைச் செய்யவும் இது ஓர் அரிய வாய்ப்பு!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நமக்குள்ளே...